दर्शन 7:3 - परमेश्‍वरए ताँ तमु क्युइर

³ “ङ्योए परमेश्‍वरए के लब्‍मैंए ङ्‌होर ङिइ परमेश्‍वरए छाप आझोंन् समा पृथ्‍बी, मा ङ्युँइ नेरो सिं धुँमैंलाइ नास आलद्।”

दर्शन 7:3 ပူးပေါင်းရင်းမြစ်များ

प्रस्थान 12:13

क्हेमैं टिबै धिंजरे च को क्हेमैंए ल्हागिर चिनु तब्मुँ। ङइ च को म्रोंसि क्हेमैंलाइ तोइ आलल्‍ले पिवाब्मुँ, ङइ मिश्रीमैं नास लमा क्हेमैंए फिर तोइ दुःख तरिब् आरे।

प्रस्थान 12:23

याहवेह मिश्रीमैं ल्हिबर चमैंए ह्‍युलजरे ह्‍यामा म्रा फिर नेरो त्हो ङ्हिंर खीजी को म्रोंब्मुँ झाइले च म्रा वाथेंसि नास लबै सै क्हेमैं सैबर धिं न्होंर होंल् आपिं।

मत्ती 24:22

दिलेया च दुःखए त्हिंइ परमेश्‍वरजी आघटिमिंस्याँ खाबै या सोल् आखाँमल। छतसि परमेश्‍वरजी खीजी त्हाँबै म्‍हिमैं सोरिगे बिसि च त्हिंइ घटिमिंब्मुँ।

मत्ती 24:31

झाइले थेबै कैलै थुतुरि ह्रासि खीजी ह्रोंसए स्‍वर्गदूतमैं कुल्‍मिंब्‍मुँ। धै खीजी त्हाँबै म्हिमैं मुर्बै छेउ घ्रिउँइँले अर्को छेउ समा ह्‍युलर्बै ताँन् क्ल्ह्‍योउँइँले स्‍वर्गदूतमैंइ खी ङाँर खागु लब्मुँ।”

यूहन्‍ना 12:26

“ङए सेवा लदा ङ्हाँब्मैं ङए लिलि प्ररिगे। छलमा ङ खनिर टिमुँ, ङए सेवा लब्मैं चर्न तब्मुँ। ङए सेवा लब्मैंलाइ ङए आबाजी मान लब्मुँ।”

यूहन्‍ना 3:33

दिलेया खीए ताँ क्वेंब्मैंइ परमेश्‍वर क्ह्रोंसेंन्बै मुँ बिसि प्रमाण पिंम्।

रोमी 6:22

दिलेया तारे क्‍हेमैं पापउँइँले फ्रेसि परमेश्‍वरए के लबै म्हिमैं तइमुँ। छतसि तारे क्हेमैंने तल् त्हुबै रो छ्याब् आरेबै छ्ह ग। छले क्हेमैंइ खोंयोंइ आखाँबै छ्ह योंम्।

दर्शन 13:16

झाइले च खेदोइ थेब नेरो च्‍योंब, प्लब नेरो ङ्हाँदु, केब्छैं ङिंलेया आङिंलेया, ताँन् म्हिलाइ चमैंए क्‍योलो योर अथवा ङ्‌होर छाप झोंबर ल्‍हैदिइ।

दर्शन 13:17

च खेदोए मिंए छाप, अथवा चए मिंए नम्‍बरए छाप, ह्रोंसए ज्युर आरेइबिस्‍याँ खाबज्यै तोइ सै किंलै आयोंमल, तोइ चुँलै आयोंमल।

दर्शन 14:1

ङइ धबै ङ्ह्‍योमा क्‍यु च्हज सियोन बिबै कोंर रारिब् म्रोंइ। खीने बालु लाख घ्रि से प्लिच्यु से हजार प्लि (१,४४,०००) म्‍हि मुँल। चमैंए ङ्‌होर क्‍यु च्हजए मिं नेरो खीए आबाए मिं प्‍ह्रिथेंल।

दर्शन 14:9

झाइले अर्को स्‍वर्गदूत ओंसोंबै स्‍वर्गदूत ङ्हिंए लिलि ल्‍हौदिसि थेबै कैले बिइ, “खाब‍मैंइ च खेदो नेरो चए कुलाइ पूजा लमुँ, धै ह्रोंसए यो नेरो ङ्‌होर च खेदोए छाप झोंमुँ,

दर्शन 19:2

खीजी ठिक निसाफ लम्। पृथ्‍बीर्बै ताँन् म्‍हिमैंलाइ ब्यभिचार लबर ल्हैदिसि न्होंवाबै च फ्यालुस्योलाइ खीजी दण्ड पिंइमुँ। छले खीए के लब्‍मैंलाइ सैवाबै खि खीजी किंइ।”

दर्शन 20:4

झाइले ङइ ठिमैं म्रोंइ। धै परमेश्‍वरजी चए फिर क्हुँब्मैंलाइ निसाफ लबै हग पिंइ। येशूए ल्हागिर ग्वाइ पिंमा नेरो परमेश्‍वरए क्ह्रोंसेंन्बै ताँ बिप्रमा सैवाब्मैंए प्‍ल्‍ह ङइ म्रोंइ। च खेदोए छाप चमैंए ङ्‌हो नेरो योर आल्‍हैदिल, झाइले च खेदो नेरो चए कुलाज्यै या चमैंइ आफ्योल। चमैं सिबउँइँले धबै सोगों तसि ख्रीष्‍टने बालुन् हजार घ्रि बर्ष ग्याल्स लइ।

दर्शन 22:4

चमैंइ परमेश्‍वरए लि म्रोंब्‍मुँ, धै चमैंए ङ्‌होर खीए मिं तब्‍मुँ।

दर्शन 6:6

झाइले सो प्ह्‍याबै सैमैंए म्‍हाँजोउँइँले कै घ्रि धों तब ङइ थेइ। चइ बिइ, “तिगेंर्बै नों सै गहुँ किंस्याँ ङ्हिंम्‍ना, जौ किंस्याँ ट्हुम्‍ना पिंन्, दिलेया जैतुनए छ्युगु नेरो अँगुरए प्हा बिस्याँ जोगेसि थेंन्।”

दर्शन 7:1

च लिउँइँ ङइ पृथ्‍बीए कुना प्‍लिर स्‍वर्गदूत प्लि रारिब् म्रोंइ। पृथ्‍बी, मा ङ्युँइ नेरो सिं धुँमैंर खैं आखरिगे बिसि चमैंइ खैं थोमल।

दर्शन 7:2

च स्‍वर्गदूत प्लिइ पृथ्‍बी नेरो मा ङ्युँइलाइ नास लबै हग योंल। झाइले सोगों परमेश्‍वरए छाप छेबै अर्को स्‍वर्गदूत घ्रि स्यारउँइँले खरिब् ङइ म्रोंइ। चइ अर्को स्‍वर्गदूत प्लिने थेबै कैले बिइ,

दर्शन 9:4

झाइले परमेश्‍वरजी तिरिमैंलाइ छ बिइ, “पृथ्‍बीर्बै छि प्याँ पिमैं नेरो सिं धुँमैं, नास आलद्, दिलेया खाब् म्‍हिए ङ्‌होर ङए छाप आरे, चमैंलाइ च्हिद्।