दर्शन 7:17 - परमेश्‍वरए ताँ तमु क्युइर

¹⁷ तलेबिस्याँ राजगद्दिए म्‍हाँजोर मुँबै क्‍यु च्हजजीन् चमैंए प्‍ह्रोंछैं तसि रक्षा लब्मुँ, धै खोंयोंइ आखाँबै छ्ह योंबै क्‍युए मूलर खीजी चमैंलाइ डोरेसि बोमिंब्‍मुँ। धै परमेश्‍वरजी चमैंए मिर्बै मिग्लि फ्‍योमिंब्‍मुँ।”

दर्शन 7:17 ပူးပေါင်းရင်းမြစ်များ

भजनमैं 22:26

ङ्हाँदुमैं चसि म्रेंब्मुँ, याहवेह म्हैब्मैंइ खीलाइन थेब् लब्मुँ। धै चमैं खोंयोंन् बिलै सोरिल् योंब्मुँ!

भजनमैं 23:5

ङए शत्तुरमैंए उँइँर, क्हिजी ङए ल्हागिर चब् थुँब तयार लमिंमुँ। क्हिजी ङलाइ प्ह्रेंमैं धोंले मान लइमुँ, धै ङए प्हेल आप्लिंन् समा क्हिजी झोंरिम्।

भजनमैं 28:9

क्हिए म्हिमैं जोगेमिंन्, धै ह्रोंसजी त्हाँबै म्हिमैंलाइ आशिक पिंन्! चमैंए प्ह्रोंछैं तमिंनु, धै खोंयोंन् बिलै चमैंए वास्ता लमिंन्।

मत्ती 2:6

‘ओ यहूदा ह्‍युलर्बै बेथलेहेम नाँस, क्हि तो सैरै या यहूदार्बै सहरमैं भन्दा च्‍योंब आरे। तलेबिस्याँ क्हिउँइँलेन् चिब घ्रि त्‍होंब्‍मुँ। खीजीन् ङए म्‍हिमैं अथवा इस्राएलीमैंए छैं लब्‍मुँ।’”

मत्ती 5:4

शोक लब्‍मैंइ आशिक योंब्मुँ, तलेबिस्याँ परमेश्‍वरजी चमैंए सैं क्‍होल् लमिंब्‍मुँ।

यूहन्‍ना 10:11

“छ्याँबै प्ह्रोंछैं ङन् ग। छ्याँबै प्ह्रोंछैंजी ह्रोंसए क्युमैं जोगेबै ल्हागिरि ह्रोंसए ज्यु पिंम्।

यूहन्‍ना 10:14

“छ्याँबै प्ह्रोंछैं ङन् ग। ङइ ह्रोंसए क्युमैं ङो सेम्, धै ङए क्युमैंइ ङलाइ ङो सेम्।

यूहन्‍ना 4:10

येशूजी चने बिइ, “परमेश्‍वरए आशिक नेरो क्हिने क्यु ह्रिबै म्हि क्हिइ ङो सेस्याँ क्हिइ ङने क्यु ह्रिमल, धै खीजी खोंयों बिलै सोल् लमिंबै क्यु क्हिलाइ पिंमल।”

यूहन्‍ना 4:11

च च्हमिरिइ खीने बिइ, “क्हिने क्यु ख्योबै सै आरे, क्यउदु या ल्हें गैरु मुँ। छतसि क्हिजी खनिउँइँले च सोल् लमिंबै क्यु पखमुँ?

यूहन्‍ना 4:14

दिलेया ङइ पिंबै क्‍यु थुँब्मैं खोंयोंइ क्‍यु पिरिब् आरे। तलेबिस्याँ ङइ पिंबै क्‍यु चए न्‍होंर खोंयोंइ आखाँबै छ्ह योंबै ल्हागिरि प्योरिबै मुल तब्मुँ।”

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

१ पत्रुस 5:2

परमेश्‍वरजी क्‍हेमैंए जिम्‍मार थेंबै बगालए छैं छेनाले लद्। करइ आङिं, ह्रोंसए सैंइन म्रोंसि लद्। मुइए लोबै आङिं, चु ङइ लल् त्हुबै ङए जिम्‍मार्बै के ग बिब् मैंसि लद्।

दर्शन 14:4

चुमैं च्हमिरिमैंने आन्‍होंल्‍ले टिब्‍मैं ग। क्‍यु च्हज खनि खनि ह्‍यामुँ, चुमैं या खीए लिलिन् ह्‍यामल। चुमैं परमेश्‍वर नेरो क्‍यु च्हजए ल्हागिर म्हिमैंए न्होंउँइँले खासि ओंसोंबै रोए फुइ धोंले त्हाँब्मैं ग।

दर्शन 21:22

ङइ च सहरर मन्‍दिर आम्रों, तलेबिस्याँ चर्बै मन्‍दिर ताँन् भन्दा थेबै शक्‍ति मुँबै याहवेह परमेश्‍वर नेरो क्‍यु च्हज ग।

दर्शन 21:23

च सहरर मि म्रोंबै ल्हागिर त्हिंयाँ नेरो लयाँ आचैदि, तलेबिस्याँ परमेश्‍वरए ह्‍वे चए फिर चारमुँ, च सहरर्बै बत्ति क्‍यु च्हजन् ग।

दर्शन 21:4

खीजी चमैंए मिग्लि योगुर्ले फ्‍योमिंब्‍मुँ। च त्हेसेरो खाबै आसि, शोक आत, क्रोब-म्‍होब नेरो दुःख कष्‍ट खोंयोंइ या आत। ओंसोंबै ताँन् सैमैं म्हयाल् खाँइमुँ।”

दर्शन 21:6

खीजी धबै बिइ, “लल् त्हुबै ताँन् केमैं लल् खाँइ! ताँन् भन्दा ओंसोंबै नेरो ताँन् भन्दा लिउँइँबै ङन् ग, तों लबै ङन् ग, तों नुबै या ङन् ग। क्‍यु पिब्‍मैंलाइ ङइ खोंयोंइ आखाँबै छ्ह पिंबै क्‍यु मूलउँइँले छलेन् थुँल् पिंब्‍मुँ।

दर्शन 22:1

च लिउँइँ च स्‍वर्गदूतइ खोंयोंइ आखाँबै छ्ह पिंबै क्‍यु मुँबै स्‍यों ङलाइ उँइँइ। च स्‍यों बेल्‍ले टल्‍कदिबै तुथु धोंले वाँ-वाँ ब्योंब् मुँल। च स्‍यों परमेश्‍वर नेरो क्‍यु च्हजए राजगद्दिउँइँले त्होंसि,

दर्शन 4:11

“ओ ङिए प्रभु परमेश्‍वर, क्‍हि थेबै मान, थेबै मिं नेरो हग योंल् त्हुब मुँ। तलेबिस्याँ ताँन् सै क्‍हिजीन् बनेब् ग, झाइले क्‍हिए सैंर मैंब् धोंले च ताँन् सैमैं तसि सो प्ह्‍याइ।”

दर्शन 5:6

झाइले ङइ राजगद्दिए म्‍हाँजोरि, अथवा च सो प्ह्‍याबै सै प्लि नेरो ङ्हिस्युसे प्लि चिब्मैंए म्‍हाँजोरि, क्‍यु च्हज घ्रि रारिब् म्रोंइ। च क्‍यु च्हज सैवाल् खाँब् धों ब्‍योंब् मुँल। चल रुँ ङि नेरो मि ङि मुँल। चए मिमैं पृथ्‍बी तिगोंन् कुल्‍मिंबै परमेश्‍वरए प्ल्ह ङि मुँल।