दर्शन 6:9 - परमेश्‍वरए ताँ तमु क्युइर

⁹ झाइले क्‍यु च्हजजी अर्को छाप फोर्दिमा परमेश्‍वरए मिंर ख्रो पिंबै क्ल्ह्‍योए न्‍होंर प्रभुए ल्हागिर सियाब्‍मैं ङइ म्रोंइ। चमैंइ परमेश्‍वरए ताँ बिप्रबइले, प्रभुए ल्हागिर ग्वाइ पिंबइले, म्‍हिमैंइ चमैंलाइ सैवाल।

दर्शन 6:9 ပူးပေါင်းရင်းမြစ်များ

उत्पत्ति 4:10

याहवेहजी बिइ, “क्हिइ छाबै आछ्याँबै के तले लल? क्हिए अलिए कोइ सउँइँले ङने ग्वार ह्रिरिइमुँ।

प्रस्थान 29:12

क्ल्या भाराए च्युगुदे को योरिंइ किंसि ख्रो पिंबै क्ल्ह्‍योए कुना प्लिर्बै रुर फोद्, धै ङैबै को ख्रो पिंबै क्ल्ह्‍योए न्होंर ङेवाद्।

यूहन्‍ना 16:2

म्हिमैंइ क्हेमैं यहूदीमैंए च्हों धिंउँइँले तेवाब्मुँ। क्हेमैंलाइ सैब्मैंइ परमेश्‍वरए सेवा लसिन् मुँ बिसि मैंबै त्हे खसिन् मुँ।

२ कोरिन्थी 5:8

ङ्योए सैंर बेल्‍ले भों खम्, धै ङ्यो चु ज्युउँइँले फ्रेसि ङ्यो प्रभुने बालुन् टिबै सैं खम्।

फिलिप्पी 1:23

ङए सैं ङ्हिरि तइमुँ। चु ङ्हिरोबै छ्ह पिसि ख्रीष्‍टने बालु टिब ङए थेबै सैं मुँ, ङए ल्हागिरि च ताँ बेल्‍ले छ्याँब तमल।

फिलिप्पी 2:17

क्‍हेमैंइ लबै येशू ख्रीष्‍टए फिर्बै बिश्‍वास परमेश्‍वरए मिंर ख्रो पिंब् धों ग। छतसि क्हेमैंइ परमेश्‍वरए मिंर पिंबै सैमैंए फिर ङइ ह्रोंसलाइन् ख्रो पिंल् त्हुलेया, ङए सैं तोंब्मुँ। छले क्हेमैं ताँनने ङ बेल्‍ले तोंइमुँ।

२ तिमोथी 1:8

छतसि प्रभुए क्ह्रोंसेंन्बै ताँमैंए ग्वाइ पिंबर फा आपिद्। ङ झेलर मुँबै ताँरै या फा आपिद्। बरु ङ्योए प्रभुउँइँले खबै सैं तोंबै ताँमैं बिप्रमा दुःखन् खलेया सैदिद्।

२ तिमोथी 4:6

तलेबिस्याँ खैले म्हिमैंइ ख्रो पिंबर क्यु सैमुँ, छलेन ङलाज्यै या सैबै त्हे खइमुँ, तारे ङ क्हिने फ्रेइ ह्‍याबै त्हे खइमुँ।

हिब्रू 12:23

स्वर्गर मिं दर्ता तबै च्‍ह थेब्मैंए ङाँर, ताँनए फिर छेनाले निसाफ लबै परमेश्‍वर ङाँर नेरो पबित्र लमिंबै ठिक के लब्मैंए प्ल्हए ङाँर क्हेमैं खइमुँ।

दर्शन 1:2

झाइले यूहन्‍नाइ ह्रोंसइ म्रोंबै ताँन् सैमैं बिमिंइमुँ, चइ बिमिंबै परमेश्‍वरउँइँले खबै ताँ नेरो येशू ख्रीष्‍टजी उँइँमिंबै क्ह्रोंसेंन्बै ताँ चुन् ग।

दर्शन 1:9

ङ क्‍हेमैंए आघें यूहन्‍ना ग। येशूए फिर बिश्‍वास लबइले क्‍हेमैंइ धोंलेन् ङज्यैया खैबन् दु:ख तलैया ङइ सैदिइमुँ। येशू ख्रीष्‍टए बारेर ग्वाइ पिंदै परमेश्‍वरए ताँ बिप्रबै लमा म्‍हिमैंइ ङलाइ मा ङ्युँइर मुँबै पत्‍मोस बिबै कोंर च्युथेंल।

दर्शन 14:18

छलेन अर्को स्‍वर्गदूत ख्रो पिंबै क्ल्ह्‍योउँइँले खइ। च स्‍वर्गदूतइ लुँरिबै मि सिल् आपिंबै जिम्‍मा योंल। च स्‍वर्गदूतइ बेल्‍ले छ्यारबै कोरे छेबै स्‍वर्गदूतने थेबै कैले बिइ, “पृथ्‍बीर्बै अँगुर ताँन् मिंल् खाँइमुँ। छतसि क्हिए कोरे छेसि थुद्।”

दर्शन 16:7

च लिउँइँ ख्रो पिंबै क्ल्ह्‍योइ छ बिब ङइ थेइ, “ओ ताँन् भन्दा थेबै शक्‍ति मुँबै याहवेह परमेश्‍वर, क्‍हिजी क्ह्रोंसेंन्बै ठिक निसाफ लमुँ।”

दर्शन 19:10

स्‍वर्गदूतइ छबिमा ङ चलाइ फ्‍योबर पद्खु तइ, दिलेया चइ ङने बिइ, “छ आलद्! ङ परमेश्‍वरए के लबै दूत मत्‍त्रे ग। ङज्यै या क्‍हि नेरो क्हिए अलि-अङाँमैं धोंले येशूए ताँ क्‍वेंम्। परमेश्‍वरलाइ मत्‍त्रे फ्‍योद्।” तलेबिस्याँ येशूजी पिंबै ग्वाइ अगमबक्‍तामैंइ पोंइ।

दर्शन 2:13

दुष्‍टइ ग्याल्स लबै क्ल्ह्‍योर क्‍हि टिइमुँ बिब ङइ सेइमुँ। दिलेया दुष्‍ट टिबै क्‍ल्‍ह्‍योर ङए बारेर भर लल् खाँबै ग्वाइ पिंबै एण्‍टिपासलाइ म्‍हिमैंइ सैवानाबिलेया क्‍हिइ ङए फिर बिश्‍वास लब आपिइमुँ।

दर्शन 20:4

झाइले ङइ ठिमैं म्रोंइ। धै परमेश्‍वरजी चए फिर क्हुँब्मैंलाइ निसाफ लबै हग पिंइ। येशूए ल्हागिर ग्वाइ पिंमा नेरो परमेश्‍वरए क्ह्रोंसेंन्बै ताँ बिप्रमा सैवाब्मैंए प्‍ल्‍ह ङइ म्रोंइ। च खेदोए छाप चमैंए ङ्‌हो नेरो योर आल्‍हैदिल, झाइले च खेदो नेरो चए कुलाज्यै या चमैंइ आफ्योल। चमैं सिबउँइँले धबै सोगों तसि ख्रीष्‍टने बालुन् हजार घ्रि बर्ष ग्याल्स लइ।

दर्शन 8:3

झाइले माराए धुपारा छेबै अर्को स्‍वर्गदूत घ्रि परमेश्‍वरए मिंर ख्रो पिंबै क्ल्ह्‍योर खसि राइ। चइ परमेश्‍वरए राजगद्दिए उँइँर्बै माराइ बेनबै ख्रो पिंबै क्ल्ह्‍योए फिर परमेश्‍वरए ताँन् म्‍हिमैंए प्राथनाने बालु चडेबै ल्हागिर चलाइ ल्हें धुप पिंल।

दर्शन 9:13

झाइले धबै अर्को स्‍वर्गदूतइ थुतुरु ह्रामा परमेश्‍वरए उँइँर्बै माराइ बेनबै ख्रो पिंबै क्ल्ह्‍योए कुना प्लिर मुँबै रुँउँइँले खबै कै घ्रि ङइ थेइ।