दर्शन 6:17 - परमेश्‍वरए ताँ तमु क्युइर

¹⁷ तलेबिस्याँ खेंमैं बेल्‍ले ह्रिस खबै त्हिंइ खइमुँ। खेंमैंए उँइँर खाब् राल् खाँब?” बिसि चमैंइ बिइ।

दर्शन 6:17 ပူးပေါင်းရင်းမြစ်များ

भजनमैं 110:5

ओ याहवेह, ङए प्रभु अधिकार किंसि क्हिए क्योलोउँइँ टिम्; ह्रिस खबै त्हेर खीजी म्रुँमैं त्हुलफुँ लवाब्मुँ।

भजनमैं 2:12

च्हलाइ मान लसि फ्योद्, छ आलस्याँ खी ह्रिस खब्मुँ, धै क्हेमैं घ्याँर्न सिब्मुँ, तलेबिस्याँ खी युनन् ह्रिस खम्। खीए प्हलेर ग्वार ह्रिबर ह्‍याब्मैंइ आशिक योंब्मुँ।

भजनमैं 76:7

दिलेया ओ याहवेह, क्हिने मत्‍त्रे ङ्हिल् त्हुब मुँ! क्हि ह्रिस खमा क्हिए उँइँर खाब् राल् खाँमुँ?

लूका 21:36

छतसि च ङ्हिंन् तबै ताँमैंउँइँले जोगेसि म्हिए च्हए उँइँर राल् योंबै ल्हागिर परमेश्‍वरने प्राथना लब्रें लसि न्ह क्रोंले टिद्।”

रोमी 2:5

दिलेया क्‍हिइ सैं सारो लसि परमेश्‍वर ङाँइ सैं एदा आङ्हाँ। छतसि परमेश्‍वरजी ठिक निसाफ लबै त्हिंइर क्‍हिइ अझै थेबै सजैं योंब्‍मुँ।

यहूदाइ प्‍ह्रिबै प्ह्रिछ्या 1:6

धै अर्को ताँ, को-कोइ स्‍वर्गदूतमैंइ ह्रोंसए पदर टिसि लल् त्हुबै के आलल्‍ले अर्कोन् के लल् म्हैइ, टिल् त्हुबै क्ल्ह्‍यो पिवाइ। छतसि चमैंलाइ दण्‍ड पिंबै त्हिंइ समा खोंयोंइ त्होंल् आखाँल्‍ले मिछु खैबै क्ल्ह्‍योर खीजी फैथेंइमुँ।

दर्शन 11:18

ह्रें-ह्रेंमैं त्होंदो राइमुँ, दिलेया क्‍हि झन् बेल्‍ले ह्रिस खइमुँ, तलेबिस्याँ क्हिए फिर बिश्‍वास आलल्‍ले सियाब्‍मैंए ल्हागिर ठिक निसाफ लबै त्हे चेंदोन् खइमुँ। दिलेया क्‍हिए सेवा लबै अगमबक्‍तामैं, क्‍हिए पबित्र म्‍हिमैं नेरो क्‍हिने ङ्हिंब्‍मैं, थेब, च्‍योंब ताँनलाइ, इनाम पिंबै त्हे तइमुँ। छलेन पृथ्‍बीलाइ न्होह्रों लब्मैं ताँनलाइ नास लबै त्हे तइमुँ।”

दर्शन 16:14

च स्यागि म्होंगि सों औदिबै चिनु मुँबै केमैं लसि उँइँबै प्ल्हमैं ग। चमैं पृथ्‍बीर्बै ताँन् म्रुँमैं ङाँर ह्‍याम्, धै ताँन् भन्दा थेबै परमेश्‍वरजी बिबै त्हिंइर ल्हडें लबर चमैंलाइ खागु लम्।