दर्शन 6:15 - परमेश्‍वरए ताँ तमु क्युइर

¹⁵ छतमा पृथ्‍बीर्बै म्रुँमैं, शासन लब्मैं, फौजए कप्‍तानमैं, प्लब्‍मैं, थे-थेबै म्‍हिमैं, झाइले केब्छैंमैं, केब्छैं आङिंब्मैं, ताँन् म्‍हिमैं कों जरेर्बै उ नेरो पाराजरे लोबर ह्‍याइ।

दर्शन 6:15 ပူးပေါင်းရင်းမြစ်များ

उत्पत्ति 3:8

झाइले ङेसा छजाँ याहवेह परमेश्‍वर बगैंचार स्‍युररिमा चमैंइ खीए कै थेइ, धै बगैंचार्बै सिंधुँमैंए म्हाँजोरि याहवेह परमेश्‍वरउँइँले लोयाइ।

भजनमैं 76:12

थेब् प्हैंबै क्रथे मिंथेमैं खीजी कुरवाम्; पृथ्‍बीर्बै म्रुँमैं खीने ङ्हिंम्।

हिब्रू 11:38

(चु ह्‍युल चमैं टिबै लायकबै आरेल!) चमैं क्यु आयोंबै क्ल्ह्‍योजरे, कोंजरे, उजरे नेरो रो न्होंजरे टिप्रल् त्‍हुइ।

दर्शन 18:23

च सहर न्‍होंर बत्तिए ह्‍वे खोंयोंइ या म्रोंरिब् आरे, प्ह्रेंरो नेरो प्‍ह्रेंस्‍योइ पोंबै ताँ या खोंयोंइ या थेरिब् आरे। तलेबिस्याँ बेबिलोन सहरर्बै छों लब्मैं चु पृथ्‍बीरि थेबै चिब्‍मैं मुँल, झाइले च सहरर्बै म्‍हिमैंइ अरू ताँन् ह्‍युलर्बै ह्रेंमैंलाइ जादु लसि लुडिमल।