दर्शन 6:12 - परमेश्‍वरए ताँ तमु क्युइर

¹² झाइले च क्‍यु च्हजजी धबै अर्को छाप फोर्दिब् ङइ म्रोंइ। च लिउँइँ थेबै सयो खइ। त्‍हिंयाँ म्‍लोंग्‍या रुँदो क्‍वें धोंन् तयाइ। लयाँ को धोंले ओल्‍ग्‍या तयाइ।

दर्शन 6:12 ပူးပေါင်းရင်းမြစ်များ

मत्ती 11:21

“ओ खोराजीनथेंमैं नेरो बेथसेदाथेंमैं! धिक्‍कार मुँ क्‍हेमैं, तलेबिस्याँ क्हेमैं ङाँर लब् धोंबै औदिबै केमैं टुरोस नेरो सिदोन सहरजरे लस्याँ चमैंइ स्योंमन् ह्रेंगा खिसि मेब्ब्रो फोसि खेंमैंइ लबै आछ्याँबै केमैं पिसि परमेश्‍वरउँइँ सैं एमल।

मत्ती 24:29

“च दुःख तबै त्हिंइ खाँबै तोदोंन् त्‍हिंयाँ मिछु खैयाब्‍मुँ, लयाँ या चाररिब् आरे, धै मुसारमैं या मुउँइँले तेयाब्‍मुँ। छले मुर मुँबै सैमैं ताँन् लायाब्‍मुँ।

मत्ती 24:7

तलेबिस्याँ ह्रेंए बिरोधर ह्रें राब्मुँ ग्याल्सए बिरोधर ग्याल्स राब्मुँ, धै क्ल्ह्‍यो-क्ल्ह्‍योरि अँङ्गल तब्मुँ, सयो खब्मुँ।

मत्ती 27:45

झाइले त्हिंयाँर्बै च्युसे ङ्हिं ह्राबै त्हेसेरो सों ह्राबै त्हे समा ह्‍युल तिगोंन् मिछु खैयाइ।

मत्ती 27:54

सयो खब नेरो चर तबै ताँमैं म्रोंसि चर्बै कप्‍तान नेरो चने मुँबै येशूलाइ रुँबै सिपाइमैं बेल्‍ले ङ्हिंसि “चु म्‍हि क्‍ह्रोंसेन परमेश्‍वरए च्‍हन् मुँन,” बिइ।

मत्ती 28:2

च त्हेर थेबै सयो खइ, तलेबिस्याँ स्‍वर्गउँइँले प्रभुए दूत घ्रि युसि छगों हुथेंबै युँमा प्लिंवासि युँमाए फिर टिइ।

मर्कूस 15:33

त्‍हिंयाँर्बै च्युसे ङ्हिं ह्राबै त्हेसेरो सों ह्राबै त्हे समा ह्‍युल तिगोंन् मिछु तयाइ।

दर्शन 11:13

धै च तोंदोंन् थेबै सयो ह्‍याइ, सहरर्बै च्‍युबाँरि तिबाँ नास तयाइ, धै हजार ङि म्हिमैं सैवाइ। अरू चैबै म्‍हिमैं बेल्‍ले ङ्हिंसि “स्‍वर्गर्बै परमेश्‍वर बेल्‍ले थेब मुँन!” बिसि खीए मिं क्वेइ।

दर्शन 16:18

छबिमा काम्‍लि तिम्‍लि राइ, थेबै कैमैं थेइ, बेल्‍ले मु ङ्‌हेइ धै बेल्‍ले थेबै सयो खइ। म्‍हिमैं बनेब् ओंनोंन् छाबै ङ्हिंन् ङ्हाँबै सयो खोंयोंइ आखल।

दर्शन 16:8

झाइले अर्को स्‍वर्गदूतइ ह्रोंसने मुँबै प्‍हेलर्बै ह्रिस त्‍हिंयाँए फिर युवामा त्‍हियाँइ म्‍हिमैंलाइ ख्रोंवाबै शक्‍ति योंइ।

दर्शन 8:12

झाइले अर्को स्‍वर्गदूतइ थुतुरु ह्रामा त्‍हिंयाँ, लयाँ नेरो मुसारामैं सोंबाँर तिबाँलाइ ल्हिनेइ धै चमैंए ह्‍वे सोंबाँर तिबाँ म्हयाइ। छतसि त्‍हिंयाँ नेरो म्‍हुँइँसल सोंबाँर्बै तिबाँ मिछु तयाइ।

दर्शन 8:5

झाइले च स्‍वर्गदूतइ ख्रो पिंबै क्ल्ह्‍योर्बै मि भुर धूपारार तिगोंले झोंसि पृथ्‍बीर भ्‍योंवाइ। झाइले मु ङ्‌हेसि, काम्‍लि तिम्‍लि रासि पृथ्‍बीर सयो ह्‍याइ।