दर्शन 5:5 - परमेश्‍वरए ताँ तमु क्युइर

⁵ ङ छले क्रोमा ङ्हिस्युसे प्लि न्‍होंर्बै चिब घ्रिइ ङने बिइ, “आक्रोद्, ङ्ह्‍योद्! यहूदाए कुलर्बै सिंह, खी स्‍योंम्‍बै दाऊद म्रुँए खलगउँइँले फिब् ग। खीजी ट्होइमुँ। छतसि खीजीन् चु छाप ङि फोर्दिसि चु काउदए प्हैं प्ल्हल् खाँम्।”

दर्शन 5:5 ပူးပေါင်းရင်းမြစ်များ

लूका 23:28

येशूजी लिग्‍याँ तोसि चमैंने बिइ, “ओ यरूशलेम सहरर्बै च्हमिमैं, क्हेमैं ङए ल्हागिर आक्रोद्, क्हेमैं ह्रोंस् नेरो ह्रोंसए च्‍ह-चमिए ल्हागिर क्रोद्।

लूका 7:13

च कोलोए आमा म्रोंसि येशूए सैंर बेल्‍ले ल्‍हयो खसि चने “आक्रोद्,” बिइ।

लूका 8:52

चर ताँन् म्‍हिमैं क्रोरिल। झाइले येशूजी चमैंने “आक्रोद्, कोलो आसिइमुँ, न्‍हरु च्‍हुइरिब् ग,” बिइ।

यूहन्‍ना 20:13

स्वर्गदूतमैंइ चने “ओ नानि, क्‍हि तले क्रोरिल?” बिसि ङ्योएमा चइ बिइ, “म्हिमैंइ ङए प्रभु बोयाना। दिलेया खी खनिर थेंगे ङइ आसे।”

रोमी 1:3

चु सैं तोंबै ताँ खीए च्‍ह येशू ख्रीष्‍टए बारेर ग। खी म्हि तसि स्‍योंम्‍बै दाऊद म्रुँए खलकर फिइ।

रोमी 15:12

झाइले यशैया अगमबक्‍ताज्‍यै या येशू ख्रीष्‍ट युबै बारेर छ बिल, “दाऊद म्रुँए खलकउँइँले म्‍हि घ्रि युब्‍मुँ, खीजी अरू ह्रेंर्बै म्‍हिमैंए फिर ग्याल्स लब्‍मुँ, खीए फिर अरू ह्रेंर्बै म्‍हिमैंइ आशा थेंब्‍मुँ।”

हिब्रू 7:14

येशू यहूदाए कुलउँइँले फिब् ग बिसि ताँनइ सेइमुँ, धै यहूदाए कुलउँइँले ख्रो पिंबै खेगि त्हाँबै बारेर मोशाइ तोइ या आबिइमुँ।

दर्शन 1:1

येशू ख्रीष्‍टजी उँइँमिंबै ताँमैं, तारे युनन् तखबै ताँमैं खीए के लब्‍मैंइ क्होरिगे बिसि परमेश्‍वरजी येशूलाइ चु ताँ पिंब् ग। येशूजी खीए सेवा लबै म्‍हि यूहन्‍ना ङाँर खीए स्‍वर्गदूत कुल्‍मिंसि चु ताँमैं बिमिंइ।

दर्शन 22:16

येशूजी बिइमुँ, “क्हेमैं ङए फिर बिश्‍वास लब्‍मैंए ल्हागिर चु ताँ बिमिंबर ह्रोंसए स्‍वर्गदूत ङइ कुल्मिंइमुँ। ङ दाऊदए सन्‍तानर्बै मुल खे ग। न्‍हाँगर्बै चारबै मुसारा ङन् ग।”

दर्शन 3:21

“शैतान दुष्‍टए फिर ट्होगों तब्मैंलाइ ङइ ङए राजगद्दिर ङने बालुन् क्हुँल् पिंब्‍मुँ। ङज्‍यै या ट्होसि ङए आबाने खीए राजगद्दिर क्हुँल् योंब् धोंलेन् ट्होबै म्‍हि या ङने बालुन् क्हुँल् योंब्‍मुँ।

दर्शन 4:10

छ लरिमा च ङ्हिस्युसे प्लि चिब्मैंइ राजगद्दिर क्हुँबै खोंयोंइ या तरिबै परमेश्‍वरलाइ पद्खु तसि फ्योम्, झाइले खेंमैंइ कुबै मुकुट राजगद्दिए उँइँर थेंसि छ बिरिम्,

दर्शन 4:4

च राजगद्दिए कारग्यु ङ्हिस्यु से प्लि ठिमैं मुँल। च ठिमैंए फिर क्हुँबै ङ्हिस्युसे प्लि चिब्मैंइ माराए मुकुट कुसि फोस्रे ब्योंबै क्‍वें खिल।

दर्शन 5:4

च काउदए प्हैं प्‍ल्हसि ङ्ह्‍योबै लायकर्बै म्‍हि खाबै आरेबइले ङ बेल्‍ले क्रोइ।

दर्शन 6:1

झाइले क्‍यु च्हजजी छाप ङि न्‍होंर्बै ओंसोंबै छाप फोर्दिब ङइ म्रोंइ। च लिउँइँ च सो प्ह्‍याबै सै प्लि न्‍होंर्बै घ्रिइ मु ङ्‌हेब् धों तबै कैइ “खो” बिब ङइ थेइ।

दर्शन 7:13

धै ङ्हिस्युसे प्लि चिब्मैं न्‍होंर्बै घ्रिइ “च फोस्रे ब्योंबै क्‍वें खिब्‍मैं खाब् जा? चमैं खनिउँइँले खइ?” बिसि ङने ङ्योएइ।