दर्शन 4:9 - परमेश्‍वरए ताँ तमु क्युइर

⁹ चर मुँबै सो प्ह्‍याबै सै प्लिइ राजगद्दिर क्हुँबै खोंयोंइ या तरिबै परमेश्‍वरलाइ थेबै मानले भजनमैं प्रिंसि खीए मिंलाइ थेब् लसि धन्‍यबाद पिंरिम्।

दर्शन 4:9 ပူးပေါင်းရင်းမြစ်များ

भजनमैं 47:8

ह्रें-ह्रेंमैंए फिर परमेश्‍वरजी ग्याल्स लमुँ; परमेश्‍वर ह्रोंसए पबित्र राजगद्दिर टिमुँ।

भजनमैं 48:14

छ लस्याँ “खोंयोंन् बिलै तरिबै ङ्योए परमेश्‍वर खीन् ग, धै खीजीन् ङ्योलाइ खोंयोंन् बिलै डोरेब्मुँ,” बिसि क्हेमैंइ लिउँइँबै पुस्ताने बिल् खाँब्मुँ।

प्रस्थान 15:18

याहवेहजी खोंयोंइ बिलै ग्याल्स लरिब्मुँ।”

हिब्रू 7:25

छतसि खीउँइँले परमेश्‍वर ङाँर ह्‍याब्‍मैंलाइ येशूजी खोंयोंइन जोगेमिंल् खाँम्, तलेबिस्याँ चमैंए ल्हागिर परमेश्‍वरने प्राथना लबर खी खोंयोंन् बिलै सोगों तरिम्।

हिब्रू 7:8

छुइ सिल् त्हुबै म्हिमैंइ च्युबाँर्बै तिबाँ किंम्। छाइ मल्किदेसकजी च्युबाँर्बै तिबाँ किंइ, धै खीए बारेर “खोंयोंन् बिलै सोरिम्” बिबै ताँ मुँ।

दर्शन 1:18

सोगों परमेश्‍वर ङन् ग। ङ सियाल, दिलेया तारे ङ खोंयोंइ बिलै सोरिम्। काल नेरो म्‍हि प्‍ल्‍हमैं नाँसर्बै साँजु नेरो हग ङने मुँ।

दर्शन 10:6

धै स्‍वर्ग नेरो चर्बै सैमैं, पृथ्‍बी नेरो चर्बै सैमैं, मा ङ्युँइ नेरो चर्बै सैमैं बनेब नेरो खोंयोंन् बिलै तरिबै परमेश्‍वरए मिंरि च स्‍वर्गदूतइ कसम चसि छ बिइ, “तारे आक्‍है!

दर्शन 15:7

चर्बै सो प्ह्‍याबै सै प्लि न्‍होंर्बै घ्रिइ च स्‍वर्गदूत ङिलाइ खोंयोंइ तरिबै परमेश्‍वरए ह्रिसइ प्लिंबै प्‍हेल ङि पिंइ। च प्‍हेल ङि माराल् मुँल।

दर्शन 21:5

राजगद्दिर क्हुँरिबै परमेश्‍वरजी ङने बिइ, “तारे ङइ ताँन् सैमैं छारा लम्।” खीजी धबै ङने बिइ, “चु ताँ प्‍ह्रिद्, तलेबिस्याँ चु ताँमैं क्वेंल् त्हुब नेरो भर लल् खाँब मुँ।”

दर्शन 4:2

च तोंदोंन् पबित्र प्ल्हजी ङ प्लिंयाइ, धै स्वर्गर राजगद्दि घ्रि मुँल, चर परमेश्‍वर क्हुँरिल।

दर्शन 4:8

च सो प्ह्‍याबै सैमैं प्लिल प्‍ह्‍या टु-टु मुँल, चमैंए ज्यु तिगोंन् नेरो प्‍ह्‍यागों न्होंरै या मि-मि मुँल। चमैंइ त्‍हिंयाँ म्‍हुँइँस “तोन्दोंरि लल् खाँबै याहवेह परमेश्‍वर पबित्र, पबित्र, पबित्र मुँ। खी ओंसों ओनोंन् मुँल, तिंयाँ या मुँ, लिउँज्‍यै या तरिब्‍मुँ।” बिसि भों आन्हल्‍ले भजन प्रिंबै प्रिंबन् लरिमल।

दर्शन 5:1

ङइ राजगद्दिर क्हुँबै परमेश्‍वरए क्‍योलो योरि दोहोरोन् प्‍ह्रिबै काउद प्हैं म्रोंइ। च काउद प्हैं लसि छाप ङि झोंल।

दर्शन 6:16

धै चमैंइ थे-थेबै कोंमैं नेरो पारामैंने “राजगद्दिर क्हुँबै परमेश्‍वर नेरो क्‍यु च्हजए ह्रिसउँइँले जोगेमिंबै ल्हागिर ङि हुद्।

दर्शन 7:15

छतसि परमेश्‍वरए राजगद्दिए उँइँर रासि चमैंइ परमेश्‍वरए मन्‍दिरर त्‍हिंयाँ, म्‍हुँइँस खीए सेवा लरिम्। राजगद्दिर क्हुँबै परमेश्‍वर चमैंए म्हाँजोर खोंयोंन् बिलै तरिम् धै खीजी चमैंए रक्षा लमिंम्।