दर्शन 4:7 - परमेश्‍वरए ताँ तमु क्युइर

⁷ च सो प्ह्‍याबै सैमैं घ्रि सिंह धों ब्‍योंब् मुँल। घ्रि क्ल्या भारा धों ब्योंब् मुँल। घ्रि म्‍हि धों ब्योंब मुँल। झाइले घ्रि प्‍हुररिबै क्व्रे धों ब्योंब् मुँल।

दर्शन 4:7 ပူးပေါင်းရင်းမြစ်များ

उत्पत्ति 49:9

ओ यहूदा क्हि भोंबै सिंह धों तब् ग। ओ ङए च्ह हेउँइँले फो सैसि क्हि युइमुँ, क्हि कुरमुँ धै सिंह धोंलेन् रोरिमुँ। सिंह आमालाइ धोंले खाबज्यै क्हिलाइ रेबै आँट लरिब् आरे?

हितोपदेश 28:2

ह्‍युलर्बै म्हिमैंइ आछ्याँबै के लमा चलेबै नेतामैं ल्हें त्होंम्, दिलेया बुद्धि मुँबै म्हिइ ह्‍युल चलेमा चए ग्याल्सर्बै म्हिमैंइ ल्हें त्हे समा सुख योंम्।

१ कोरिन्थी 14:20

ओ अलि-अङाँमैं, च्हैंब्-मैंब् लल् त्हुबै केर कोलोमैं धों आतद्। आछ्याँबै केर कोलोमैं धों तद्, दिलेया च्हैंब्-मैंब् लल् त्हुबै केर पाको म्हि धों तद्।

दर्शन 4:6

च राजगद्दिए उँइँर सिसा धोंबै टल्‍कदिबै मा ङ्युँइ धों तबै सै मुँल। राजगद्दिए कारग्युले सो प्ह्‍याबै सैमैं प्लि मुँल। चए ज्यु तिगोंन् मि-मि मुँल।

दर्शन 6:3

च क्‍यु च्हजजी धबै अर्को छाप फोर्दिमा अर्को सो प्ह्‍याबै सैइ “खो” बिब ङइ थेइ।

दर्शन 6:5

झाइले च क्‍यु च्हजजी अर्को छाप फोर्दिमा अर्को सो प्ह्‍याबै सैइ “खो” बिब ङइ थेइ। ङइ ङ्ह्‍योमा म्‍लोंग्‍या घोडा घ्रि त्‍होंब् म्रोंइ। च म्‍लोंग्‍या घोडाए फिर क्रेबै म्हिइ ह्रोंसए योर पार छेल।

दर्शन 6:7

झाइले च क्‍यु च्हजजी अर्को छाप फोर्दिमा अर्को सो प्ह्‍याबै सैइ “खो” बिब ङइ थेइ।