दर्शन 3:12 - परमेश्‍वरए ताँ तमु क्युइर

¹² “ट्होबै म्हिमैंलाइ ङइ ङए परमेश्‍वरए मन्‍दिरर्बै त्हो लमिंम्। झाइले चमैं मन्‍दिरउँइँले बैरु त्होंल् आत्हु। चमैंए ङ्होर ङइ ङए परमेश्‍वरए मिं प्‍ह्रिमिंब्‍मुँ, झाइले स्‍वर्गउँइँले क्युरु युबै परमेश्‍वरए छारा यरूशलेम बिबै सहरए मिं प्‍ह्रिमिंब्‍मुँ, झाइले ङए छारा मिं या च म्‍हिमैंए ङ्होर ङइ प्‍ह्रिमिंब्‍मुँ।

दर्शन 3:12 ပူးပေါင်းရင်းမြစ်များ

भजनमैं 46:4

स्यों घ्रि मुँ, च स्योंइ ताँन् भन्दा थेबै परमेश्‍वरए म्हिमैं टिबै सहर नेरो खी टिबै पबित्र क्ल्ह्‍यो सैं तोंल् लम्।

भजनमैं 48:8

ङ्योइ तो थेइ, चन् स्वर्गर्बै सेनामैंए चिब याहवेहए सहरर म्रोंइमुँ, ङ्योए परमेश्‍वरए सहरर ङ्योइ छले म्रोंइमुँ। खीजी च सहर खोंयोंन् बिलै जोगेसि थेंब्मुँ। तिस्याँदे मैंन्

भजनमैं 87:3

ओ परमेश्‍वरए सहर, क्हिए बारेर छ्याँब बयन लइमुँ। तिस्याँदे मैंन्

मर्कूस 12:16

चमैंइ मुइ घ्रि पखसि पिंमा येशूजी चमैंने बिइ, “चु मुइर खाबै छाप नेरो मिं मुँ?” चमैंइ “चुम् रोमी कैसर म्रुँल् ग,” बिइ।

गलाती 2:9

याकूब, पत्रुस नेरो यूहन्‍ना बिश्‍वासीमैं न्होंर्बै चिब्मैं मुँल। परमेश्‍वरए दयाम्हाँया ङए फिर मुँबइले ङइ छ्याँबै के लइमुँ बिब् चमैंइ क्होसि ङ नेरो बारनाबासलाइ खेंमैंने संगतिर घ्रि तल् पिंइ। छले खेंमैंइ यहूदीमैं न्होंर, ङिइ अरू ह्रेंमैं न्होंर परमेश्‍वरए के लबै ल्हागिर चमैं ङिने सैं क्ह्रिइ।

एफिसी 3:15

तलेबिस्याँ स्वर्ग नेरो पृथ्‍बीर मुँबै ताँन् परवामैंलाइ परमेश्‍वर आबाजीन् बनेसि मिं थेंइमुँ।

हिब्रू 12:22

दिलेया क्हेमैंम् सियोन कोंर खइमुँ, सोगों परमेश्‍वरए सहरर, स्‍वर्गर्बै यरूशलेमर, च्योलै आखाँबै स्‍वर्गदूतमैं सैं तोंदै परमेश्‍वरए मिं क्वेबै क्ल्ह्‍योर,

हिब्रू 13:14

तलेबिस्याँ ङ्योए ल्हागिर चुर खोंयोंइ तरिबै सहर आरे। ङ्योम् लिउँइँ तखबै खोंयोंइ बिलै तरिबै सहरए घ्याँ ङ्‍ह्‍योसि टिब्मैं ग।

१ यूहन्‍ना 4:4

दिलेया ओ ङइ खोबै कोलोमैं, क्‍हेमैं परमेश्‍वरए म्हिमैं ग। क्‍हेमैंने मुँबै पबित्र प्ल्ह ख्रीष्‍टए फिर बिश्‍वास आलबै म्हिमैंने मुँबै प्ल्ह भन्दा थेबै शक्‍ति मुँबै प्ल्ह ग। छतसि क्‍हेमैंइ स्‍योलिबै ताँ पोंब्‍मैंलाइ ट्होवाइमुँ।

दर्शन 14:1

ङइ धबै ङ्ह्‍योमा क्‍यु च्हज सियोन बिबै कोंर रारिब् म्रोंइ। खीने बालु लाख घ्रि से प्लिच्यु से हजार प्लि (१,४४,०००) म्‍हि मुँल। चमैंए ङ्‌होर क्‍यु च्हजए मिं नेरो खीए आबाए मिं प्‍ह्रिथेंल।

दर्शन 17:14

चमैंइ क्‍यु च्हजए बिरोधर ल्हडें लब्‍मुँ। दिलेया क्‍यु च्हज नेरो खीजी हुइसि त्‍हाँबै बिश्‍वास लबै म्‍हिमैंइ चमैंलाइ ट्होवाब्‍मुँ, तलेबिस्याँ खी प्रभुमैंए फिर्बै प्रभु नेरो म्रुँमैंए फिर्बै म्रुँ ग।”

दर्शन 2:11

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे। “शैतान दुष्‍टए फिर ट्होगों तबै म्हि ङ्हिंब्ले सिल् त्हुरिब् आरे, बरु खोंयोंइ आखाँबै छ्ह योंब्मुँ।”

दर्शन 2:17

“पबित्र प्ल्हजी बिश्‍वासीमैंने बिबै ताँ न्ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ लोथेंबै मन्‍न ङइ चल् पिंब्‍मुँ। चलाइ ङइ तार्ग्या युँमा पिंब्‍मुँ। च युँमार चए छारा मिं प्ह्रिइमुँ। च मिं योंबै म्‍हिइ मत्‍त्रे च छारा मिं था सेम्।”

दर्शन 2:7

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ परमेश्‍वरए बगैंचार मुँबै छ्ह पिंबै सिं धुँर्बै रोमैं ङइ चल् पिंब्‍मुँ।”

दर्शन 21:2

दिलेया छारा यरूशलेम, “परमेश्‍वरए पबित्र सहर” प्ह्रेंरोए ल्हागिर प्‍ह्रेंस्‍यो पैरेब् धोंले पैरिसि स्‍वर्गउँइँले युरिब ङइ म्रोंइ।

दर्शन 22:4

चमैंइ परमेश्‍वरए लि म्रोंब्‍मुँ, धै चमैंए ङ्‌होर खीए मिं तब्‍मुँ।

दर्शन 3:5

“शैतान दुष्‍टए फिर ट्होगों तब्मैंलाइ ङइ फोस्रे ब्योंबै क्‍वें खिमिंब्‍मुँ। झाइले छ्ह योंब्‍मैंए मिं प्‍ह्रिथेंबै कितबउँइँले ङइ चए मिं मेटिरिब आरे। ङए आबाए उँइँर नेरो खीए स्‍वर्गदूतमैंए उँइँर ‘च ङल् ग’ बिसि ङइ ग्वाइ पिंब्‍मुँ।