दर्शन 22:9 - परमेश्‍वरए ताँ तमु क्युइर

⁹ दिलेया चइ ङने बिइ, “छ आलद्! परमेश्‍वर मत्‍त्रे फ्‍योद्! क्हि, अगमबाणि पोंबै क्‍हिए आघें-अलिमैं नेरो चु कितबर मुँबै ताँमैंइ बिब् धोंले प्रब्मैं धोंबन् ङ परमेश्‍वरए के लबै दूत मत्‍त्रे ग।”

दर्शन 22:9 ပူးပေါင်းရင်းမြစ်များ

भजनमैं 45:11

छ लइ बिस्याँ क्हि छ्याँब् म्रोंसि म्रुँ सैं तोंब्मुँ। खीलाइ म्हाँदिद्, तलेबिस्याँ खी क्हिए क्ल्हे ग।

प्रस्थान 34:14

क्हेमैंइ अरू देवतामैंए पूजा आलद्, तलेबिस्याँ ङ याहवेह ह्रिस लबै परमेश्‍वर ग।

मत्ती 4:9

खीने बिइ, “क्‍हिजी पद्खु तसि ङलाइ फ्‍योइ बिस्‍याँ ङइ चु ताँन् सैमैं क्हिलाइ पिंस्यो।”

लूका 4:7

छतसि क्‍हिइ ङ फ्‍योस्‍याँ ङइ चु तोन्‍दोंरि सैमैं क्‍हिलाइ पिंब्मुँ।”

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।

दर्शन 1:1

येशू ख्रीष्‍टजी उँइँमिंबै ताँमैं, तारे युनन् तखबै ताँमैं खीए के लब्‍मैंइ क्होरिगे बिसि परमेश्‍वरजी येशूलाइ चु ताँ पिंब् ग। येशूजी खीए सेवा लबै म्‍हि यूहन्‍ना ङाँर खीए स्‍वर्गदूत कुल्‍मिंसि चु ताँमैं बिमिंइ।

दर्शन 1:11

“क्‍हिइ म्रोंबै ताँ कितबर प्‍ह्रिसि नाँस ङिर्बै एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नेरो लाउडिकिया बिबै नाँसर्बै बिश्‍वासीलाइ पिमिंन् बिब ङइ थेइ।”

दर्शन 14:7

चइ थेबै कैले बिइ, “परमेश्‍वरने ङ्हिंन्, धै खीए मिं क्वेद्। तलेबिस्याँ खीजी म्‍हिमैंलाइ निसाफ लबै त्हे तखइमुँ। स्वर्ग, पृथ्‍बी, मा ङ्युँइ नेरो क्‍युए मुल्मैं बनेबै परमेश्‍वरलाइ पद्खु तसि फ्‍योद्।”

दर्शन 15:4

ओ प्रभु, क्‍हि म्रोंसि ताँन् म्‍हिमैं ङ्हिंल् त्‍हुम्, धै ताँन् म्हिमैंइ क्हिए मान लल् त्‍हुम्, तलेबिस्याँ क्‍हि मत्‍त्रे पबित्र परमेश्‍वर ग। ताँन् ह्रेंमैं क्‍हि ङाँर खसि क्हिलाइ फ्‍योब्‍मुँ, तलेबिस्याँ क्‍हिजी ठिक निसाफ लम् बिसि ताँनइ म्रोंल् खाँइमुँ।”

दर्शन 19:10

स्‍वर्गदूतइ छबिमा ङ चलाइ फ्‍योबर पद्खु तइ, दिलेया चइ ङने बिइ, “छ आलद्! ङ परमेश्‍वरए के लबै दूत मत्‍त्रे ग। ङज्यै या क्‍हि नेरो क्हिए अलि-अङाँमैं धोंले येशूए ताँ क्‍वेंम्। परमेश्‍वरलाइ मत्‍त्रे फ्‍योद्।” तलेबिस्याँ येशूजी पिंबै ग्वाइ अगमबक्‍तामैंइ पोंइ।

दर्शन 22:10

धबै चइ ङने बिइ, “चु परमेश्‍वरए ताँ आलोथेंन्, तलेबिस्याँ चु ताँन् ताँ तबि छेबै त्हे चेंदोन् तखइमुँ।

दर्शन 22:18

चु कितबर्बै तारे तखबै ताँमैं थेब्‍मैंलाइ ङ यूहन्‍नाइ बिमुँ: चु ताँमैंए फिर अर्को ताँमैं थप्‍दिबै म्हिए फिर चु कितबर प्‍ह्रिबै थेबै दुःखमैं परमेश्‍वरजी थप्‍दिमिंब्‍मुँ।

दर्शन 22:7

“थेद्! ङ युनन् युब्‍मुँ बिसि,” येशूजी बिइमुँ। “चु कितबर प्ह्रिबै ‘लिउँइँ तखम्’ बिबै ताँ ङिंबै म्‍हिइ आशिक योंब्मुँ।”

दर्शन 4:10

छ लरिमा च ङ्हिस्युसे प्लि चिब्मैंइ राजगद्दिर क्हुँबै खोंयोंइ या तरिबै परमेश्‍वरलाइ पद्खु तसि फ्योम्, झाइले खेंमैंइ कुबै मुकुट राजगद्दिए उँइँर थेंसि छ बिरिम्,

दर्शन 9:20

छाबै दुःखउँइँले सोसेया चैबै म्‍हिमैंइ खेंमैंइ लबै पापउँइँले सैं आए। झन चमैंइ मोंए पूजा लब, धै मारा, चाँदि, पित्तल, युँमा, सिं, छाबै सैउँइँले बनेबै म्रोंल् आखाँब, थेल् आखाँब, प्रल् आखाँबै कुमैं पूजा लब आपि।