दर्शन 22:16 - परमेश्‍वरए ताँ तमु क्युइर

¹⁶ येशूजी बिइमुँ, “क्हेमैं ङए फिर बिश्‍वास लब्‍मैंए ल्हागिर चु ताँ बिमिंबर ह्रोंसए स्‍वर्गदूत ङइ कुल्मिंइमुँ। ङ दाऊदए सन्‍तानर्बै मुल खे ग। न्‍हाँगर्बै चारबै मुसारा ङन् ग।”

दर्शन 22:16 ပူးပေါင်းရင်းမြစ်များ

मत्ती 1:1

चु येशूए खलकर्बै ताँ ग। येशू खीए खे, दाऊद म्रुँए हाँगउँइँले फिब् ग। दाऊद स्‍योंम्‍बै खे अब्राहामए हाँगउँइँले फिब् ग। च हाँगर्बै खेमैंए मिं छाब् मुँल:

मत्ती 2:2

च ङ्‌ह्‍योब् लिब्मैंइ बिइ, “यहूदीमैंए म्रुँ तसि फिबै कोलो खनिर मुँ? तलेबिस्याँ खी फिइमुँ बिसि सेल् पिंबै मुसारा ङिइ स्यारउँइँले त्‍होंब म्रोंइ। छतसि खीलाइ फ्योबर ङि चुर खइमुँ।”

मत्ती 22:42

“परमेश्‍वरजी कुल्मिंबै म्रुँ ख्रीष्‍टए बारेर क्‍हेमैं खै ङ्हाँम्? खी खाबै च्ह जा?” चमैंइ “दाऊदए च्ह ग,” बिइ।

मत्ती 22:45

छले दाऊदइ खीने प्रभु बिम् बिस्याँ खी खैले दाऊदए च्ह तल् खाँमुँ?”

लूका 1:78

तलेबिस्याँ ङ्योए परमेश्‍वरए ल्हयो म्हाँया मुँब मुँ, छतसि न्हाँगर प्योबै त्हिंयाँ धोंले खीए चारबै ह्‍वे स्वर्गउँइँले ङ्योए फिर चारब्मुँ।

लूका 20:44

छले दाऊद ह्रोंसइन ख्रीष्‍टने प्रभु बिइमुँ बिस्याँ ख्रीष्‍ट दाऊदए च्ह खैले तइ?”

रोमी 15:12

झाइले यशैया अगमबक्‍ताज्‍यै या येशू ख्रीष्‍ट युबै बारेर छ बिल, “दाऊद म्रुँए खलकउँइँले म्‍हि घ्रि युब्‍मुँ, खीजी अरू ह्रेंर्बै म्‍हिमैंए फिर ग्याल्स लब्‍मुँ, खीए फिर अरू ह्रेंर्बै म्‍हिमैंइ आशा थेंब्‍मुँ।”

रोमी 9:5

स्योंम्बै मिं कालदिबै थे-थेबै चिबनाँब्मैं यहूदीमैंए खेमैंन् ग। धै ख्रीष्‍ट या म्‍हि तसि च ह्रेंर्न फिइ। म्‍हि तनाबिलेया खी ताँन् म्‍हिमैंए फिर ग्याल्स लबै परमेश्‍वर ग। छतसि खोंयोंन् बिलै खीए मिं थेब् लल् त्हुम्। आमेन, छान् तरिगे।

२ पत्रुस 1:19

धै अगमवक्तामैंइ येशूए बारेर बिबै ताँलाइ ङ्योइ भर लल् खाँम्। न्हाँग छझँ मि म्रोंबै त्हे आतन् समा धै न्हाँग छझँबै मुसारा आत्होंब् धोंले प्रभु येशू ख्रीष्‍ट युसि क्हेमैंए खोंर आचारन् समा अगमवक्तामैंइ प्ह्रिबै ताँ मिछु खैबर चारबै बत्ति धों तम्। छतसि चमैंए ताँलाइ न्ह क्रों मि क्रोंले थेंस्‍याँ क्‍हेमैंलाइ फायदा तम्।

दर्शन 1:1

येशू ख्रीष्‍टजी उँइँमिंबै ताँमैं, तारे युनन् तखबै ताँमैं खीए के लब्‍मैंइ क्होरिगे बिसि परमेश्‍वरजी येशूलाइ चु ताँ पिंब् ग। येशूजी खीए सेवा लबै म्‍हि यूहन्‍ना ङाँर खीए स्‍वर्गदूत कुल्‍मिंसि चु ताँमैं बिमिंइ।

दर्शन 1:11

“क्‍हिइ म्रोंबै ताँ कितबर प्‍ह्रिसि नाँस ङिर्बै एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नेरो लाउडिकिया बिबै नाँसर्बै बिश्‍वासीलाइ पिमिंन् बिब ङइ थेइ।”

दर्शन 1:4

एशिया ह्‍युलर्बै नाँस ङिर्बै बिश्‍वासीमैंने ङ यूहन्‍नाउँइँले जय मसीह मुँ। क्‍हेमैंलाइ परमेश्‍वर, प्ल्ह ङिउलो नेरो येशू ख्रीष्‍टउँइँले दयाम्हाँया नेरो शान्ति तरिगे। परमेश्‍वर मुँल, मुँ, लिउँज्‍यै या युब्‍मुँ। प्ल्ह ङिउलो खीए राजगद्दिए उँइँर मुँ।

दर्शन 2:11

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे। “शैतान दुष्‍टए फिर ट्होगों तबै म्हि ङ्हिंब्ले सिल् त्हुरिब् आरे, बरु खोंयोंइ आखाँबै छ्ह योंब्मुँ।”

दर्शन 2:17

“पबित्र प्ल्हजी बिश्‍वासीमैंने बिबै ताँ न्ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ लोथेंबै मन्‍न ङइ चल् पिंब्‍मुँ। चलाइ ङइ तार्ग्या युँमा पिंब्‍मुँ। च युँमार चए छारा मिं प्ह्रिइमुँ। च मिं योंबै म्‍हिइ मत्‍त्रे च छारा मिं था सेम्।”

दर्शन 2:7

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ परमेश्‍वरए बगैंचार मुँबै छ्ह पिंबै सिं धुँर्बै रोमैं ङइ चल् पिंब्‍मुँ।”

दर्शन 22:1

च लिउँइँ च स्‍वर्गदूतइ खोंयोंइ आखाँबै छ्ह पिंबै क्‍यु मुँबै स्‍यों ङलाइ उँइँइ। च स्‍यों बेल्‍ले टल्‍कदिबै तुथु धोंले वाँ-वाँ ब्योंब् मुँल। च स्‍यों परमेश्‍वर नेरो क्‍यु च्हजए राजगद्दिउँइँले त्होंसि,

दर्शन 22:11

आछ्याँबै के लब्मैंइ आछ्याँबै केन् लरिगे, छेरन् ङ्हाँबै केमैं लब्मैंइ छेरन् ङ्हाँबै केन् लरिगे। झाइले छ्याँबै केमैं लब्मैंइ छ्याँबै केमैंन् लरिगे, परमेश्‍वरलाइ म्हाँदिब्मैइ अझै परमेश्‍वरलाइ म्हाँदिरिगे।”

दर्शन 22:20

चु ताँन् ताँए ग्वाइ पिंबै प्रभु येशूजी “क्ह्रोंसेंन, ङ युनन् युसिन् मुँ,” बिइमुँ। आमेन! ओ प्रभु येशू, युनन् यु!

दर्शन 22:6

च लिउँइँ स्‍वर्गदूतइ ङने बिइ, “चु ताँमैं क्वेंल् त्हुब नेरो भर लल् खाँब् मुँ। याहवेह परमेश्‍वरजी खीए अगमबक्‍तामैंलाइ खीए प्ल्ह पिंम्। तारे युनन् तखबै सैमैं उँइँबर परमेश्‍वरजी ह्रोंसए स्‍वर्गदूतलाइ खीए के लब्मैं ङाँर कुल्मिंइमुँ।”

दर्शन 3:13

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे।

दर्शन 3:22

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे।”

दर्शन 3:6

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे।

दर्शन 5:5

ङ छले क्रोमा ङ्हिस्युसे प्लि न्‍होंर्बै चिब घ्रिइ ङने बिइ, “आक्रोद्, ङ्ह्‍योद्! यहूदाए कुलर्बै सिंह, खी स्‍योंम्‍बै दाऊद म्रुँए खलगउँइँले फिब् ग। खीजी ट्होइमुँ। छतसि खीजीन् चु छाप ङि फोर्दिसि चु काउदए प्हैं प्ल्हल् खाँम्।”