दर्शन 22:11 - परमेश्‍वरए ताँ तमु क्युइर

¹¹ आछ्याँबै के लब्मैंइ आछ्याँबै केन् लरिगे, छेरन् ङ्हाँबै केमैं लब्मैंइ छेरन् ङ्हाँबै केन् लरिगे। झाइले छ्याँबै केमैं लब्मैंइ छ्याँबै केमैंन् लरिगे, परमेश्‍वरलाइ म्हाँदिब्मैइ अझै परमेश्‍वरलाइ म्हाँदिरिगे।”

दर्शन 22:11 ပူးပေါင်းရင်းမြစ်များ

भजनमैं 81:12

छतसि चमैं खेंमैंए सैंर मैंब् धोंले प्ररिगे बिसि चमैंए सैंर्बै इच्छार्न ङइ पिमिंइ।

हितोपदेश 14:32

दुष्‍ट म्हिमैंए लबै केइ ह्रोंसन् नास तयाम्, दिलेया ठिक के लब्मैं सिमै या आशा योंम्।

हितोपदेश 4:18

दिलेया ठिक के लप्रबै म्हि प्रबै घ्याँ चारबै ह्‍वे धोंन् तम्, च ह्‍वे त्हिंयाँ आधा समा बेल्‍ले चारदै ह्‍याम्।

मत्ती 15:14

छतसि च फरिसीमैं म्रोंसि तोइ न्हुँ आलद्। चमैं कन अगुवामैं ग। कनइ कन डोरिदिस्‍याँ, ङ्हिंना ङ्हिंन् होंल्‍दोंर पायाम्।”

मत्ती 21:19

घ्याँए रेर खीजी तुँबुए धुँ घ्रि म्रोंसि च धुँए ङाँर खमा च धुँर प्‍हो मत्‍त्रे म्रोंइ रो आयों। छतमा खीजी च धुँने बिइ, “तारे पिरु क्‍हिने खोंयोंइ रोमैं आरोरिगे।” छ बिबै तोदोंन् च धुँ ङ्योंलोंयाइ।

मत्ती 25:10

“छबिमा च बुद्धि आरेब्‍मैं छ्युगु किंबर ह्‍यारिमा प्ह्रेंरो धिंर फेखइ, धै बत्तिर छ्युगु झोंसि टिरिब्मैं प्ह्रेंरोने बालुन् ब्ह्‍याए भत्‍यार चबर धिं न्‍होंर होंइ। धै म्हिमैंइ म्रा तोरवाइ।

मत्ती 5:45

छ लस्‍याँ मत्‍त्रे क्‍हेमैं स्‍वर्गर टिबै आबाए सन्‍तान तब्‍मुँ। तलेबिस्याँ परमेश्‍वरजी दुष्‍ट म्हिमैं नेरो छ्याँब् लब्मैं ङ्हिंना-ङ्हिंनए फिर त्‍हिंयाँ प्रेमिंमुँ, धै धर्मि नेरो पापिमैं ङ्हिंना ङ्हिंनए ल्हागिर नाँ युमिंइमुँ।

मत्ती 5:6

फो ख्रेंबर कैं, क्यु पिबर क्यु म्हैब् धोंले परमेश्‍वर म्हैब्मैंइ आशिक योंब्मुँ, तलेबिस्याँ चमैंए सैंर मैंब योब्मुँ।

यूहन्‍ना 8:21

येशूजी धबै चमैंने बिइ, “ङ छुइले ह्‍याब्मुँ, झाइले क्‍हेमैंइ ङ म्‍हैब्‍मुँ, दिलेया क्‍हेमैं ह्रोंसए पापर्न सियाब्मुँ। तलेबिस्याँ ङ ह्‍याबै क्ल्ह्‍योर क्‍हेमैं खल् आखाँ।”

एफिसी 5:27

बिश्‍वासीमैंलाइ पबित्र, छ्याब् आरेब, दाग आरेब, आच्युँब, तोइ खोट आरेब तसि ह्रोंसए ल्हागिर छ्याँबै प्ह्रेंस्यो लबर खीजी ह्रोंसए ज्यु पिंइ।

कलस्सी 1:22

दिलेया खीए उँइँर तोइ छ्याब् आरेल्‍ले पबित्र लमिंबै ल्हागिर म्हिए क्हो किंसि युबै ख्रीष्‍ट क्रूसर सिमिंबइले परमेश्‍वरजी क्‍हेमैं खीने क्ह्रिल् लमिंइमुँ।

२ तिमोथी 3:13

दिलेया आछ्याँबै के लबै म्हिमैं नेरो आगुलाइ लुब्मैंइ अरूमैंलाइ लुसि अरूमैंउँइँलेन् लुयासि चमैं झन्-झन् दुष्‍ट त-तै ह्‍याम्।

यहूदाइ प्‍ह्रिबै प्ह्रिछ्या 1:24

क्‍हेमैंलाइ पापर च्होवाबै सैउँइँले परमेश्‍वरजी जोगेल् खाँम्, धै तोइ छ्याब् आरेब् लमिंसि परमेश्‍वरए उँइँर सैं तोंन्ले टिल् योंब लमिंल् खाँम्।

दर्शन 16:21

प्लिच्यु-प्लिच्यु किलोर्बै थे-थेबै तिस्‍यु मुउँइँले म्‍हिमैंए फिर युइ। छतमा बेल्‍ले थेबै दुःख तसि म्‍हिमैंइ परमेश्‍वरए फिर गाल् केइ।

दर्शन 22:3

तारे पिरु चर खोंयोंइ सराप तरिब आरे। परमेश्‍वर नेरो क्‍यु च्हज क्हुँबै राजगद्दि च सहर न्‍होंर तब्‍मुँ। झाइले खीए के लब्‍मैंइ खीए मिं क्वेसि खीलाइ फ्‍योब्‍मुँ।