दर्शन 20:4 - परमेश्‍वरए ताँ तमु क्युइर

⁴ झाइले ङइ ठिमैं म्रोंइ। धै परमेश्‍वरजी चए फिर क्हुँब्मैंलाइ निसाफ लबै हग पिंइ। येशूए ल्हागिर ग्वाइ पिंमा नेरो परमेश्‍वरए क्ह्रोंसेंन्बै ताँ बिप्रमा सैवाब्मैंए प्‍ल्‍ह ङइ म्रोंइ। च खेदोए छाप चमैंए ङ्‌हो नेरो योर आल्‍हैदिल, झाइले च खेदो नेरो चए कुलाज्यै या चमैंइ आफ्योल। चमैं सिबउँइँले धबै सोगों तसि ख्रीष्‍टने बालुन् हजार घ्रि बर्ष ग्याल्स लइ।

दर्शन 20:4 ပူးပေါင်းရင်းမြစ်များ

मत्ती 19:28

येशूजी चमैंने बिइ, “क्ह्रोंसेंन ङ क्हेमैंने बिमुँ, तारे खबै जुगरि बेल्‍ले मान योंबै राजगद्दिर म्हिए च्ह टिब्‍मुँ। क्‍हेमैं तोगो ङए लिलि ल्‍हैदिसेरो च त्हेर क्‍हेमैं या निसाफ लबै म्‍हिमैं धोंले ह्रों-ह्रोंसए च्युसे ङ्हिं गद्दिर टिब्‍मुँ। धै इस्राएल ह्रेंर्बै च्युसे ङ्हिं कुलए फिर क्‍हेमैंइ निसाफ लब्‍मुँ।

मत्ती 24:10

छतमा ल्‍हें म्‍हिमैंइ ङए फिर बिश्‍वास लब पिवाब्‍मुँ। चमैंइ खें-खेंमैंए न्‍होंर्न घ्रिइ-घ्रिए फिर धोका पिंसि क्हाल् पिंब्मुँ, धै हेल लुब्मुँ।

मर्कूस 6:16

दिलेया हेरोदइ चु ताँ थेसि बिइ, “चुम् क्ह्रोंसेंन् यूहन्‍ना ग। चए क्र ङइ थोबर ल्‍हैदिल, चम् सोइ खना।”

मर्कूस 6:27

छतसि हेरोद म्रुँइ सिपाइ घ्रि कुलसि यूहन्‍नाए क्र पखबर ल्हैदिइ। धै सिपाइ झेलर ह्‍यासि यूहन्‍नाए क्र थोइ।

मर्कूस 9:11

च लिउँइँ चमैंइ “‘परमेश्‍वरजी कुल्मिंबै म्रुँ ख्रीष्‍ट युब् भन्दा ओंसों एलिया युल् त्‍हुम्,’ बिसि शास्‍त्रिमैंइ तले बिमुँ?” बिसि येशूने ङ्योएइ।

लूका 1:17

परमेश्‍वरजी एलिया अगमबक्‍तालाइ शक्‍ति पिंब् धोंलेन्‌ क्‍हिए च्‍हज्यै या पबित्र प्ल्ह नेरो शक्‍ति योंब्‍मुँ। छतसि चइ आबामैं नेरो च्‍ह-चमिए म्हाँजोर क्ह्रिमिंब्‍मुँ, धै परमेश्‍वरजी बिब् आङिंब्‍मैंलाइ छ्याँबै घ्‍याँर डोरेब्मुँ। छले परमेश्‍वरजी कुल्‍मिंबै म्रुँ म्हाँदिबै ल्हागिर चइ म्‍हिमैं तयार लब्‍मुँ।”

लूका 14:14

छ लस्याँ क्‍हिइ आशिक योंब्‍मुँ। तलेबिस्याँ क्‍हिए खि चमैंइ फोल् आखाँ। दिलेया परमेश्‍वरजी बिब म्हाँदिबै म्हिमैं सिसि धबै सोगों तमा आयोंब्मैंलाइ पिंबै सैमैंए खि परमेश्‍वरजी क्‍हि पिंब्‍मुँ।”

लूका 22:30

झाइले क्‍हेमैं या ङए ग्याल्सर ङने बालु चल् योंब्‍मुँ, थुँल् योंब्‍मुँ। धै राजगद्दिर क्हुँसि इस्राएलर्बै च्युसे ङ्हिं कुलए निसाफ लब्‍मुँ।”

यूहन्‍ना 14:19

तारे तिस्‍याँदे लिउँइँ ह्‍युलर्बै म्हिमैंइ ङ म्रोंरिब् आरे। दिलेया क्हेमैंइ बिस्याँ ङ म्रोंब्मुँ। ङ सोगों तबइले क्हेमैं या सोगों तरिब्मुँ।

रोमी 11:15

तलेबिस्याँ परमेश्‍वरजी चमैंलाइ त्‍याग्‍दिवामा ताँन् ह्‍युलर्बै म्‍हिमैं परमेश्‍वरए म्‍हि तइबिस्‍याँ परमेश्‍वरजी चमैंलाइ खी ङाँइ एपमा तो तब्‍मुँ? चमैं सिसि धबै सोगों तब् धोंन् तब्‍मुँ।

रोमी 8:17

ङ्यो परमेश्‍वरए च्‍ह-च्हमिमैं तसेरो परमेश्‍वरजी खीए च्‍ह-च्हमिमैंए ल्हागिर साँथेंबै अँश ङ्योइ योंब्‍मुँ, धै परमेश्‍वरजी ख्रीष्‍टए ल्हागिर साँथेंबै अँश या ङ्योइ खीने बालो योंब्‍मुँ। तलेबिस्याँ येशू ख्रीष्‍टजी दुःख नोब् धोंले ङ्योज्यै या छाबै दुःख नोस्‍याँ खीजी योंबै मान ङ्योज्यै या योंब्‍मुँ।

२ तिमोथी 2:12

ङ्योइ दुःख सैदिसि टिइबिस्‍याँ खीनेन् ग्याल्स लल् योंब्‍मुँ। ङ्योइ खीलाइ ‘ङो आसे’ बिइबिस्‍याँ खिज्‍यै या ङ्योलाइ ‘ङो आसे’ बिब्‍मुँ।

दर्शन 1:2

झाइले यूहन्‍नाइ ह्रोंसइ म्रोंबै ताँन् सैमैं बिमिंइमुँ, चइ बिमिंबै परमेश्‍वरउँइँले खबै ताँ नेरो येशू ख्रीष्‍टजी उँइँमिंबै क्ह्रोंसेंन्बै ताँ चुन् ग।

दर्शन 1:9

ङ क्‍हेमैंए आघें यूहन्‍ना ग। येशूए फिर बिश्‍वास लबइले क्‍हेमैंइ धोंलेन् ङज्यैया खैबन् दु:ख तलैया ङइ सैदिइमुँ। येशू ख्रीष्‍टए बारेर ग्वाइ पिंदै परमेश्‍वरए ताँ बिप्रबै लमा म्‍हिमैंइ ङलाइ मा ङ्युँइर मुँबै पत्‍मोस बिबै कोंर च्युथेंल।

दर्शन 11:11

दिलेया सोंरो से आधा त्हिंइ लिउँइँ परमेश्‍वरउँइँले छ्ह योंबै सो च सिनु ङ्हिंए न्‍होंर होंइ। धै चमैं ह्रोंसए प्हलेर्न राइ। छले राब् म्रोंसि म्हिमैं बेल्‍ले ङ्हिंयाँइ।

दर्शन 11:15

झाइले धाँसे लिउँबै स्‍वर्गदूतइ थुतुरु ह्रामा स्‍वर्गउँइँले थेबै कैमैंइ “ङ्योए याहवेह परमेश्‍वर नेरो खीजी कुल्मिंबै म्रुँ ख्रीष्‍टजी पृथ्‍बीर्बै ग्याल्स लबै हग योंइमुँ। खीजी खोंयोंन् बिलै ग्याल्स लरिब्‍मुँ,” बिरिल।

दर्शन 11:3

दिलेया ङए ग्वाइ पिंब्‍मैं ङ्हिंलाइ हजार घ्रिसे ङ्हिप्रसे ट्हुच्‍यु त्हिंइ समा ह्रेंग खिसि ङए ताँ पोंबै भों पिंब्‍मुँ।”

दर्शन 11:7

छले चमैंइ परमेश्‍वरए ताँ बिप्रबै के लल् खाँबै लिउँइँ च क्रोंउँइँले त्होंखबै खेदोइ च ग्वाइ पिंब्‍मैं ङ्हिंने ल्हडें लसि चमैंलाइ ट्होसि सैवाब्‍मुँ।

दर्शन 12:11

ङ्योए अलि-अङाँमैंइ क्‍यु च्हजए को नेरो खेंमैंइ पिंबै ग्वाइउँइँले च दुष्‍टए फिर ट्होइमुँ, तलेबिस्याँ खेंमैंए ज्युए म्हाँया आलल्‍ले चमैं सिबरै या तयार मुँल।

दर्शन 14:11

चमैंए सजैं पिंबै मिए मिखु खोंयोंइन कैंडो ह्‍यारिब्‍मुँ। च खेदो नेरो चए कुलाइ पूजा लब्मैं, धै चए मिंए छाप झोंल् ङिंब्मैंइ त्‍हिंयाँ म्‍हुँइँस सजैं योंसि खोंयोंइ छिं ङ्हाँल् योंरिब् आरे।”

दर्शन 15:2

च लिउँइँ मिने सिसा कोंब् धों तबै मा ङ्युँइ ङइ म्रोंइ। झाइले च खेदोए फिर, चए कुए फिर, चए मिंए नम्‍बरए फिर ट्होब्‍मैं ङइ म्रोंइ। चमैं परमेश्‍वरजी पिंबै बीणा छेसि सिसा धों तबै मा ङ्युँइए रेर रारिल।

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।

दर्शन 2:26

“खाब‍इ दुष्‍टए फिर ट्होमुँ, धै ङइ खोबै केमैं आखिरि त्हिंइ समा लरिमुँ, चमैंलाइ ङइ अरू ह्रेंमैंए फिर ग्याल्स लबै हग पिंब्‍मुँ।

दर्शन 20:6

च ओंसोंबै सिबउँइँले सोगों तल् योंब्‍मैं आशिक योंबै म्‍हिमैं ग, चमैं ङ्हिंखे सिल् आत्‍हु। चमैं परमेश्‍वर नेरो ख्रीष्‍टए ख्रो पिंबै खेगिमैं तसि टिल् योंम्। चमैंइ हजार घ्रि बर्ष समा ख्रीष्‍टने ग्याल्स लब्‍मुँ।

दर्शन 22:5

च सहरर खोंयोंइ या म्‍हुँइँस तरिब् आरे। छतसि चमैंलाइ बत्ति नेरो त्‍हिंयाँ चैदिरिब आरे, तलेबिस्याँ याहवेह परमेश्‍वरए ह्‍वेजीन् चमैंए मि म्रोंल् लमिंब्मुँ। धै म्रुँइ लब् धोंले चमैंइ खोंयोंइ या ग्याल्स लब्‍मुँ!

दर्शन 3:21

“शैतान दुष्‍टए फिर ट्होगों तब्मैंलाइ ङइ ङए राजगद्दिर ङने बालुन् क्हुँल् पिंब्‍मुँ। ङज्‍यै या ट्होसि ङए आबाने खीए राजगद्दिर क्हुँल् योंब् धोंलेन् ट्होबै म्‍हि या ङने बालुन् क्हुँल् योंब्‍मुँ।

दर्शन 4:4

च राजगद्दिए कारग्यु ङ्हिस्यु से प्लि ठिमैं मुँल। च ठिमैंए फिर क्हुँबै ङ्हिस्युसे प्लि चिब्मैंइ माराए मुकुट कुसि फोस्रे ब्योंबै क्‍वें खिल।

दर्शन 6:9

झाइले क्‍यु च्हजजी अर्को छाप फोर्दिमा परमेश्‍वरए मिंर ख्रो पिंबै क्ल्ह्‍योए न्‍होंर प्रभुए ल्हागिर सियाब्‍मैं ङइ म्रोंइ। चमैंइ परमेश्‍वरए ताँ बिप्रबइले, प्रभुए ल्हागिर ग्वाइ पिंबइले, म्‍हिमैंइ चमैंलाइ सैवाल।

दर्शन 7:3

“ङ्योए परमेश्‍वरए के लब्‍मैंए ङ्‌होर ङिइ परमेश्‍वरए छाप आझोंन् समा पृथ्‍बी, मा ङ्युँइ नेरो सिं धुँमैंलाइ नास आलद्।”