दर्शन 20:10 - परमेश्‍वरए ताँ तमु क्युइर

¹⁰ झाइले च ह्रेंमैंलाइ लुबै स्योर्गुलाइ बारुदए थाँ खबै लुँरिबै मिए होंल्दोंर भ्‍योंवाइ। च खेदो नेरो स्योर तेबै अगमबक्‍तालाज्यै या ओंसोंन् चर भ्‍योंवाल। चर चमैंइ त्‍हिंयाँ म्‍हुँइँस खोंयोंन् बिलै थेबै दुःख योंल् त्‍हुब्‍मुँ।

दर्शन 20:10 ပူးပေါင်းရင်းမြစ်များ

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मत्ती 25:46

“छतसि चुमैंइ खोंयोंइ आखाँबै दण्‍ड योंब्‍मुँ, दिलेया ठिक के लब्मैंइ बिस्याँ खोंयोंइ आखाँबै छ्ह योंब्‍मुँ।”

मत्ती 7:15

“झाइले परमेश्‍वरए ताँमैं स्योर ताँ पोंब्मैंउँइँले न्हक्रों मि क्रोंले टिद्। चमैं क्‍हेमैंए उँइँर क्‍यु धोंले खमुँ, दिलेया सैं न्‍होंनों बिस्‍याँ बनर्बै ङ्हिंन् ङ्हाँबै प्‍याँगु धों तम्।

मर्कूस 9:44

[चर्बै प्हुलुँ खोंयोंइ आसि, चर्बै मि या खोंयोंइ आसि।]

दर्शन 16:13

झाइले अजिङ्गरए सुँउँइँले, आछ्याँबै खेदोए सुँउँइँले नेरो स्योलिबै ताँ पोंबै अगमबक्‍ताए सुँउँइँले प्‍हत्‍गु धों तबै स्यागि म्होंगि सों त्‍होंह्‍याब ङइ म्रोंइ।

दर्शन 19:20

दिलेया परमेश्‍वरए फौजमैंइ च खेदो नेरो स्योर तेबै अगमबक्‍तालाइ क्‍हाइ। (च स्योर तेबै अगमबक्‍ताइ च खेदोए उँइँर ओंसों औदिबै चिनुमैं लसि खेदोए छाप किंब्‍मैं नेरो चए कुए पूजा लब्‍मैंलाइ स्योलिबै ताँ पोंसि चमैंए सैं खेंमैं ङाँइ च्यारवाल।) छतसि चमैं ङ्हिं सोगोंन् मि लुँरिबै बारुदए होंल्दोंर भ्योंवाइ।

दर्शन 20:8

च लिउँइँ शैतान बिबै दुष्‍ट ह्‍युलर्बै ताँन् ह्रेंमैं ङाँर लुबर ह्‍याब्मुँ। (च ह्रेंमैं गोग नेरो मागोग बिब्‍मैं ग।) चमैंलाइ वाँसि शैतानइ ल्हडें लबर हुइब्‍मुँ। झाइले चमैं खागु तसि मा ङ्युँइर्बै बालुवा धोंले बेल्‍ले ल्हें तब्‍मुँ।

दर्शन 9:17

झाइले ङइ दर्शनर घोडामैं नेरो घोडा क्रेब्‍मैं म्रोंइ। घोडाए फिर क्रेब्‍मैंए तिंर्बै पैए प्लाँ मि लुँब् धोंबै ओल्‍ग्‍या, निलम् बिबै युँमा धों तबै मु रङबै नेरो उर्ग्‍या मुँल। च घोडामैंए क्र सिंहमैंल् धों ब्योंब मुँल। धै च घोडामैंए सुँउँइँले मि, मिखु नेरो आछ्याँबै थाँ नाँबै सै त्‍होंरिल।