दर्शन 2:24 - परमेश्‍वरए ताँ तमु क्युइर

²⁴ “दिलेया क्‍हेमैं न्होंर ईजेबेलए लिलि आप्रबै म्हिमैं मुँ। को-कोइ म्‍हिमैंइ चइ लोमिंबै ताँमैंलाइ ‘दुष्‍टए गैरु ताँ ग’ बिलेया क्‍हेमैंइ च ताँ आलोइमुँ। छतसि ङइ क्‍हेमैंने बिमुँ, ङइ क्‍हेमैंए फिर अरू दु:ख पिंरिब आरे।

दर्शन 2:24 ပူးပေါင်းရင်းမြစ်များ

चेला चिब्मैंए केमैं 15:28

चु चैदिबै ताँमैं बाहेक अरू ति क्हेमैंलाइ नोल् पिंब आत बिसि पबित्र प्ल्ह नेरो ङिइ छ्याँब ङ्हाँइ:

चेला चिब्मैंए केमैं 16:14

छले ताँ सेरिमा थिआटीरा सहरर्बै कलाँजी रङबै क्वेंए छों लबै च्हमिरि घ्रि चर्न मुँल। चए मिं लिडिया मुँल। चइ परमेश्‍वर म्हाँदिमल धै पावलइ पोंबै ताँ छेनाले थेरिगे बिसि प्रभुजी चए खों थोंमिंइ।

१ कोरिन्थी 2:10

चुन् क्होल् आखाँबै ताँमैं परमेश्‍वरजी खीए पबित्र प्ल्हउँइँले ङ्योलाइ क्होल् लमिंइ। तलेबिस्याँ पबित्र प्ल्हजी परमेश्‍वरए ताँन् सै म्हैमुँ, तिफुँइ क्होल् आखाँबै परमेश्‍वरए गैरु-गैरु ताँमैं या खीजी म्हैमुँ।

२ कोरिन्थी 11:3

क्हेमैंइ छलकपट आलल्‍ले ख्रीष्‍टए फिर बिश्‍वास लबै सैं लइ, दिलेया स्‍योंम्‍बै हब्बालाइ प्‍हुरिइ खैले स्योर तेसि लुइ, छलेन क्हेमैंए सैं या न्होंवाम् उ बिसि ङ ङ्हिंइमुँ।

२ कोरिन्थी 2:11

ङ्योए फिर दुष्‍टइ तोइ लल् आखाँरिगे बिसि च पाप लबै म्हिलाइ क्षमा पिंल् त्‍हुम्, तलेबिस्याँ दुष्‍टइ खैले पापर च्होवाम् बिब ङ्योइ सेइमुँ।

याकूब 3:15

छाबै के परमेश्‍वरउँइँले योंबै ह्रब्-सेबै ताँ आङिं। दिलेया चु ह्‍युलर्बै, ङ्योए आछ्याँबै सैंउँइँले खब नेरो शैतान बिबै दुष्‍टउँइँले खबै ताँ ग।

दर्शन 1:11

“क्‍हिइ म्रोंबै ताँ कितबर प्‍ह्रिसि नाँस ङिर्बै एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नेरो लाउडिकिया बिबै नाँसर्बै बिश्‍वासीलाइ पिमिंन् बिब ङइ थेइ।”

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।

दर्शन 13:14

ओंसोंबै खेदोए उँइँर चइ औदिबै चिनु मुँबै केमैं लबै शक्ति योंल, छतसि प्लेटोयान् तबै केमैं लसि चइ पृथ्‍बीर टिब्मैंए सैं खेंमैं ङाँइ लवाइ। धै “सेलाँइ ल्हिबै घा ससि सोबै ओंसोंबै खेदोए मान लबै ल्हागिर खेदोए कु घ्रि बनेद्” बिसि चइ म्‍हिमैंलाइ कर ल्‍हैदिइ।

दर्शन 2:13

दुष्‍टइ ग्याल्स लबै क्ल्ह्‍योर क्‍हि टिइमुँ बिब ङइ सेइमुँ। दिलेया दुष्‍ट टिबै क्‍ल्‍ह्‍योर ङए बारेर भर लल् खाँबै ग्वाइ पिंबै एण्‍टिपासलाइ म्‍हिमैंइ सैवानाबिलेया क्‍हिइ ङए फिर बिश्‍वास लब आपिइमुँ।

दर्शन 2:18

“थिआटिर नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “चु ताँ मिए राब धों तबै मि नेरो टल्‍कदिबै पित्तल धों तबै प्‍हले मुँबै परमेश्‍वरए च्‍हजी बिइमुँ:

दर्शन 2:9

क्‍हिए दुःखमैं नेरो क्‍हि ङ्हाँदु मुँ बिब ङइ सेइमुँ। दिलेया क्‍हिम् क्‍ह्रोंसेंन प्लब मुँ। कोइ म्‍हिमैंइ ‘ङ यहूदी ग,’ बिमुँ, दिलेया चमैं यहूदीमैं आङिं, चमैं दुष्‍टए न्होंर टिब्‍मैं ग। चमैंइ क्‍हिए फिर पोंबै आछ्याँबै ताँमैं ङइ सेइमुँ।