दर्शन 2:13 - परमेश्‍वरए ताँ तमु क्युइर

¹³ दुष्‍टइ ग्याल्स लबै क्ल्ह्‍योर क्‍हि टिइमुँ बिब ङइ सेइमुँ। दिलेया दुष्‍ट टिबै क्‍ल्‍ह्‍योर ङए बारेर भर लल् खाँबै ग्वाइ पिंबै एण्‍टिपासलाइ म्‍हिमैंइ सैवानाबिलेया क्‍हिइ ङए फिर बिश्‍वास लब आपिइमुँ।

दर्शन 2:13 ပူးပေါင်းရင်းမြစ်များ

मत्ती 10:23

छतसि म्हिमैंइ क्हेमैंलाइ क्ल्ह्‍यो घ्रिर ह्रुगुदिइ बिस्याँ च क्ल्ह्‍योउँइँले अर्को क्ल्ह्‍योउँइँ भौदिह्‍याद्। क्ह्रोंसेंन ङ क्हेमैंने बिमुँ, परमेश्‍वरउँइँले कुल्‍मिंबै म्हिए च्ह युब् भन्दा ओंसों क्‍हेमैंइ इस्राएलर्बै ताँन् क्ल्ह्‍योर खैलसेया स्युरल् खाँरिब् आरे।

मत्ती 24:9

“च त्हेर म्‍हिमैंइ क्‍हेमैं दुःख योंरिगे बिसि क्‍हासि दुष्‍टमैंए योर पिंवाब्मुँ, धै चमैंइ क्‍हेमैं सैवाब्‍मुँ। क्‍हेमैंइ ङए ताँ क्वेंइ बिसि ताँन् म्हिमैंइ क्‍हेमैंलाइ हेल लब्‍मुँ।

मत्ती 4:10

छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

लूका 21:17

क्‍हेमैंइ ङए मिं किंबइले ताँन् म्हिमैंइ क्हेमैं हेल लब्‍मुँ।

चेला चिब्मैंए केमैं 22:20

चमैंइ क्हिए ग्वाइ पिंबै स्‍तिफनस सैवामा ङै या चमैंने क्ह्रिसि चलाइ सैवाबै म्हिमैंए क्वें रुँसि टिल।’

चेला चिब्मैंए केमैं 9:14

चुरै या क्हिए मिं किंब्मैं ताँन् क्हासि झेलर च्युवाबै हग ख्रो पिंबै खेगि चिब्मैंउँइँले चइ योंइँमुँ।”

१ थेसलोनिकी 5:21

दिलेया चमैंइ बिबै ताँन् ताँमैं छेनाले मैंन्, धै छ्याँबै ताँ म्हाँदिद्,

१ तिमोथी 5:8

खाबज्यै या ह्रोंसए म्हिमैं नेरो बिलन् त्हुमा ह्रोंसए परवालाइ छेनाले आङ्ह्‍यो बिस्‍याँ, चइ लबै बिश्‍वास स्योलिबै ग। च बिश्‍वास आलब्‍मैं भन्दा आछ्याँबै के लबै म्हि तम्।

२ तिमोथी 1:13

छतसि ङइ लोमिंबै ताँमैं छेनाले सैंर थेंसि च धोंले छ्ह थोद्। धै येशू ख्रीष्‍टउँइँले खबै बिश्‍वास नेरो म्हाँया खोंयोंन् बिलै लरिद्।

२ तिमोथी 2:12

ङ्योइ दुःख सैदिसि टिइबिस्‍याँ खीनेन् ग्याल्स लल् योंब्‍मुँ। ङ्योइ खीलाइ ‘ङो आसे’ बिइबिस्‍याँ खिज्‍यै या ङ्योलाइ ‘ङो आसे’ बिब्‍मुँ।

हिब्रू 10:23

ङ्योइ खीए फिर बिश्‍वास लसि थेंबै आशार सैं ङ्हिरि आलल्‍ले भोंसि तसि टिले, तलेबिस्याँ ङ्योने बाछा फैबै परमेश्‍वर भर लल् खाँब मुँ।

हिब्रू 3:6

दिलेया ख्रीष्‍ट बिस्याँ परमेश्‍वरए च्‍ह मुँल। छतसि ङ्योइ थेंबै आशार लिउँइँ समा खीए फिर भर थेंसि सैं भोंब् लरिस्याँ ङ्यो या परमेश्‍वरए प्हसेमैं तम्।

याकूब 2:7

ङ्योए प्रभु येशू ख्रीष्‍टए बारेर आछ्याँबै ताँ पोंब्मैं चमैंन् ग। खीए मिंउँइँलेन् क्हेमैं हुइब् आङिं वा?

दर्शन 1:5

येशू ख्रीष्‍ट क्ह्रोंसेंन्‍बै भर लल् खाबै साक्षि मुँ, सिबउँइँले खी ताँन् भन्दा ओंसों सोगों तल, खी पृथ्‍बीर्बै म्रुँमैंए क्ल्हे ग। प्रभु येशूजी ङ्योलाइ म्हाँया लम्। खी सिमिंसि खीए कोउँइँले ङ्यो पापउँइँले फ्रेमिंइमुँ।

दर्शन 11:3

दिलेया ङए ग्वाइ पिंब्‍मैं ङ्हिंलाइ हजार घ्रिसे ङ्हिप्रसे ट्हुच्‍यु त्हिंइ समा ह्रेंग खिसि ङए ताँ पोंबै भों पिंब्‍मुँ।”

दर्शन 12:11

ङ्योए अलि-अङाँमैंइ क्‍यु च्हजए को नेरो खेंमैंइ पिंबै ग्वाइउँइँले च दुष्‍टए फिर ट्होइमुँ, तलेबिस्याँ खेंमैंए ज्युए म्हाँया आलल्‍ले चमैं सिबरै या तयार मुँल।

दर्शन 13:2

ङइ म्रोंबै च खेदो चितुवा धों ब्योंब् मुँल। चए प्‍हले भलुए प्‍हले धों तब् मुँल, झाइले चए सुँ सिंहल् धों ब्योंब् मुँल। च अजिङ्गरइ च चितुवा धों ब्योंबै खेदोलाइ ह्रोंसए शक्‍ति, थेबै हग नेरो राजगद्दि पिंइ।

दर्शन 14:12

दिलेया परमेश्‍वरए म्‍हिमैं बिस्याँ आङ्हिंन्ले ढुक्‍क तसि बिश्‍वासर भोंब तल् त्हुम्।

दर्शन 17:14

चमैंइ क्‍यु च्हजए बिरोधर ल्हडें लब्‍मुँ। दिलेया क्‍यु च्हज नेरो खीजी हुइसि त्‍हाँबै बिश्‍वास लबै म्‍हिमैंइ चमैंलाइ ट्होवाब्‍मुँ, तलेबिस्याँ खी प्रभुमैंए फिर्बै प्रभु नेरो म्रुँमैंए फिर्बै म्रुँ ग।”

दर्शन 17:6

झाइले च च्हमिरिइ परमेश्‍वरए म्‍हिमैंए को नेरो येशूए ल्हागिर सिब्‍मैंए को थुँसि म्हेरब ङइ म्रोंइ। च म्रोंसि ङ प्लेटोयाइ।

दर्शन 2:2

क्हिए बिश्‍वासीमैंइ लबै केमैं, क्हेमैंइ बेल्‍ले भोंले लबै केमैं नेरो क्हेमैंइ सैदिबै दु:खमैं ङइ सेइमुँ। झाइले क्हेमैंइ आछ्याँबै के लबै म्हिमैंलाइ आसैदि बिसे या ङइ सेइमुँ। को-कोइइ ‘ङि प्रभु येशूजी कुल्मिंबै चेला चिब्मैं ग’ बिसि स्योर तेमा चमैंए सैं फो किंसि क्हेमैंइ चमैं स्‍योर्गों मुँन बिब् सेबै या ङइ सेइमुँ।

दर्शन 3:11

ङ युनन् युम्। क्हेमैंइ ट्होसि योंल् त्हुबै इनाम खाबज्‍यै क्हेमैंउँइँले प्‍हेंइ बोल् आखाँरिगे बिसि क्हेमैंइ तो ताँर बिश्‍वास लइमुँ, च ताँर्न अझै छेनाले बिश्‍वास लद्।

दर्शन 3:3

छतसि क्‍हेमैंइ तो लोइ, तो थेइ, च ताँ मैंन्। च ताँइ बिब् धोंले के लसि पाप लबउँइँले सैं एद्। क्‍हि न्ह क्रों मि क्रों आतइबिस्याँ ह्‍यो खब् धोंले क्‍हेमैंइ था आसेल्‍ले ङ युब्‍मुँ।