दर्शन 19:9 - परमेश्‍वरए ताँ तमु क्युइर

⁹ च लिउँइँ स्‍वर्गदूतइ ङने बिइ, “चु ताँ प्‍ह्रिद्: क्‍यु च्हजए ब्ह्‍याए न्हिम्तोर हुइब्मैं ङ्‍हो सब्मैं ग।” स्‍वर्गदूतइ धबै बिइ, “परमेश्‍वरजी बिबै क्ह्रोंसेंन्बै ताँमैं चुमैंन् ग।”

दर्शन 19:9 ပူးပေါင်းရင်းမြစ်များ

लूका 22:16

तलेबिस्याँ ङ क्‍हेमैंने बिमुँ, परमेश्‍वरए सैंर मैंब् धों आतन् समा तारे ङइ चु भोज धबै चरिब आरे।”

१ तिमोथी 1:15

चु ताँ क्ह्रोंसेंन्बै मुँ, छतसि चु ताँ ताँन् म्हिमैंइ क्वेंल् त्‍हुम्: ङ्योए प्रभु पापिमैं जोगेबर ह्‍युलर युब् ग। पापिमैं न्होंरि ताँन् भन्दा ल्हें पाप लबै म्हि ङन् ग।

१ तिमोथी 4:9

चु ताँ क्‍ह्रोंसेंन्लेन् क्वेंल् त्हुब नेरो म्हाँदिल् त्हुब मुँ:

२ तिमोथी 2:11

चु ताँनइ क्वेंल् त्हुबै ताँ ग: “ङ्यो खीने बालुन् सिइमुँ बिस्‍याँ खीने बालुन् सोगों तसि रेब्मुँ।

तीतस 3:8

च ताँनइ क्वेंल् त्हुबै ताँ ग। चु ताँ क्‍हिइ छेनाले लोमिंरिगे बिब ङए सैं मुँ। परमेश्‍वरए फिर बिश्‍वास लब्मैंइ छ्याँबै केमैं खोंयोंन् बिलै लबर न्ह क्रों मि क्रों तल् त्हुम्, बिद्, तलेबिस्याँ चु ताँमैं म्‍हिमैंए ल्हागिर बेल्‍ले केर फेब् मुँ।

दर्शन 1:1

येशू ख्रीष्‍टजी उँइँमिंबै ताँमैं, तारे युनन् तखबै ताँमैं खीए के लब्‍मैंइ क्होरिगे बिसि परमेश्‍वरजी येशूलाइ चु ताँ पिंब् ग। येशूजी खीए सेवा लबै म्‍हि यूहन्‍ना ङाँर खीए स्‍वर्गदूत कुल्‍मिंसि चु ताँमैं बिमिंइ।

दर्शन 1:19

छतसि तोगो म्रोंरिबै ताँमैं नेरो लिउँइँ तखबै ताँमैं ङ्हिंन-ङ्हिंन् क्‍हिइ प्‍ह्रिद्।

दर्शन 10:4

च कैमैं त्होंमा ङ चमैंइ बिबै ताँ प्‍ह्रिबर होंइ, दिलेया “चु ङ्‌हेबै कैमैंइ बिबै ताँमैंर छाप ल्हैदिद्, चमैंइ बिबै ताँ आप्‍ह्रिद्, चु ताँ खाबलाज्यै आबिद्!” बिसि स्‍वर्गउँइँले युबै कै ङइ थेइ।

दर्शन 14:13

च लिउँइँ “चु ताँ प्‍ह्रिद्: प्रभुए फिर बिश्‍वास लबइले तारे पिरु दु:ख योंसि सिब्‍मैंइ आशिक योंब्मुँ,” बिसि स्‍वर्गउँइँले युबै कै ङइ थेइ। झाइले पबित्र प्ल्हजी बिइ, “चु ताँ क्‍ह्रोंसेंन् ग। चमैंइ दु:खले लबै केमैंए नों योंसि छिं ङ्हाँल् योंब्‍मुँ।”

दर्शन 17:1

झाइले च प्‍हेल ङि छेबै स्‍वर्गदूत ङि न्‍होंर्बै घ्रि ङ ङाँर खसि बिइ, “छुइ खो, ङइ क्हिलाइ च मिं चल्‍दिबै फ्यालुस्योइ खैबै सजैं योंम् बिसि उँइँमिंस्‍यो। च सहरए कार्ग्युले ल्हें स्योंमैं मुँ।

दर्शन 17:17

तलेबिस्याँ च म्रुँमैं च्‍युलाइ परमेश्‍वरजी छाबै के लबै सैं पिंइ: परमेश्‍वरजी बिबै ताँ ताँन् आतन् समा च खेदोइ ग्याल्स लरिगे बिसि चमैंइ ताँन् सैं घ्रिले खेंमैंए ग्याल्स लबै भों च खेदोलाइ पिंब्मुँ।

दर्शन 2:1

“एफिसस नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “मुसारा ङिउलो क्‍योलो योर छेसि माराए पानस ङिउलोए म्‍हाँजोर प्रबै येशूजी चु ताँ बिइमुँ:

दर्शन 2:12

“पर्गामम नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “छ्यारबै दोहोरो धार मुँबै सेलाँ मुँबै येशूजी चु ताँ बिइमुँ:

दर्शन 2:18

“थिआटिर नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “चु ताँ मिए राब धों तबै मि नेरो टल्‍कदिबै पित्तल धों तबै प्‍हले मुँबै परमेश्‍वरए च्‍हजी बिइमुँ:

दर्शन 2:8

“स्‍मुर्ना नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “चु ताँ ओंसों ओनोंन् मुँब नेरो लिउँइँ समा तरिबै येशूजी बिइमुँ, ङ सियाल, दिलेया धबै सोगों तइ।

दर्शन 21:5

राजगद्दिर क्हुँरिबै परमेश्‍वरजी ङने बिइ, “तारे ङइ ताँन् सैमैं छारा लम्।” खीजी धबै ङने बिइ, “चु ताँ प्‍ह्रिद्, तलेबिस्याँ चु ताँमैं क्वेंल् त्हुब नेरो भर लल् खाँब मुँ।”

दर्शन 22:6

च लिउँइँ स्‍वर्गदूतइ ङने बिइ, “चु ताँमैं क्वेंल् त्हुब नेरो भर लल् खाँब् मुँ। याहवेह परमेश्‍वरजी खीए अगमबक्‍तामैंलाइ खीए प्ल्ह पिंम्। तारे युनन् तखबै सैमैं उँइँबर परमेश्‍वरजी ह्रोंसए स्‍वर्गदूतलाइ खीए के लब्मैं ङाँर कुल्मिंइमुँ।”

दर्शन 3:1

“सार्डिस नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “चु ताँ परमेश्‍वरए प्ल्ह ङि नेरो मुसारा ङि मुँबै येशूजी बिइमुँ: क्‍हेमैंइ लबै के ङइ सेइमुँ। म्हिमैंइमि क्‍हेमैं सोगोंन् मुँ ङ्हाँइमुँ, दिलेया क्‍हेमैं सियाइमुँ।

दर्शन 3:14

“लाउडिकिया नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “भर लल् खाँब नेरो क्ह्रोंसेंन्बै ग्वाइ पिंबै येशूजी चु ताँ बिइमुँ: ङउँइँले परमेश्‍वरजी तोन्दोंरि सै बनेइमुँ, छतसि ङ आमेन ग।

दर्शन 3:20

थेद्, ङ म्रार रासि हुइमुँ। खाबज्‍यै या ङए कै थेसि म्रा थोंस्‍याँ ङ न्‍होंर खब्मुँ, धै चने बालु चब्‍मुँ, चै या ङने बालुन् चब्‍मुँ।

दर्शन 3:7

“फिलाडेल्‍फिया नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “पबित्र नेरो क्ह्रोंसेंन्बै ताँ पोंबै येशूजी चु ताँ बिइमुँ: ङने स्‍योंम्‍बै दाऊद म्रुँए साँजु मुँ। छतसि ङइ थोंबै म्रा खाबज्‍यै तोरल् आखाँ, छलेन ङइ तोरबै म्रा खाबज्‍यै थोंल् आखाँ।