दर्शन 19:4 - परमेश्‍वरए ताँ तमु क्युइर

⁴ झाइले ङ्हिस्युसे प्लि चिब्मैं नेरो सो प्ह्‍याबै सै प्‍लिइ राजगद्दिर टिरिबै परमेश्‍वरलाइ पद्खुले फ्‍योसि बिइ, “आमेन। परमेश्‍वरए मिं थेब तरिगे!”

दर्शन 19:4 ပူးပေါင်းရင်းမြစ်များ

भजनमैं 104:35

पापिमैं बिस्याँ पृथ्बीउँइँले मेटियारिगे, धै दुष्‍टमैं धबै खोंयोंइ आचैरिगे! ओ ङए सो, याहवेहलाइ धन्यबाद पिंन्! याहवेहए मिं थेब लद्!

भजनमैं 106:48

इस्राएलए याहवेह परमेश्‍वर खोंयोंन् बिलै थेब् तरिगे! धै ताँन् म्हिमैंइ “आमेन” बिरिगे। याहवेहए मिं थेब् लद्!

भजनमैं 41:13

इस्राएलए याहवेह परमेश्‍वरए मिं खोंयोंन् बिलै थेब् तरिगे। आमेन। छान् तरिगे।

भजनमैं 72:19

खीए थेबै मिं खोंयोंन बिलै क्वेरिगे; पृथ्बी तिगोंन् म्हिमैंइ खीए थेबै के म्रोंरिगे! आमेन नेरो आमेन!

भजनमैं 89:52

याहवेहए मिं खोंयोंन् बिलै थेब् तरिगे! आमेन धै आमेन।

मत्ती 28:20

झाइले ङइ क्‍हेमैंने ल्हैदिबै आलसि आतबै ताँन् केमैं लद् बिसि चमैंलाइ लोमिंन्। थेद्! ह्‍युल नुयाबै त्हिंइ समा ङ खोंयोंन् बिलै क्‍हेमैंने बालुन् तब्मुँ।”

मत्ती 6:13

ङिलाइ पापर च्होल् आपिंनु, दुष्‍टउँइँले जोगेमिंनु। [तलेबिस्याँ ग्याल्स, शक्‍ति नेरो थेबै मान खोंयोंइ बिले क्हिलन् ग। आमेन।]

१ कोरिन्थी 14:16

क्‍हिइ पबित्र प्ल्हजी पिंबै आक्होबै क्युइर परमेश्‍वरलाइ धन्‍यबाद पिंइबिस्‍याँ अरू म्‍हिमैंइ “आमेन,” अथवा छान तरिगे, बिल् आखाँ। तलेबिस्याँ क्‍हिइ तो बिइमुँ बिसि चमैंइ आक्‍हो।

दर्शन 15:7

चर्बै सो प्ह्‍याबै सै प्लि न्‍होंर्बै घ्रिइ च स्‍वर्गदूत ङिलाइ खोंयोंइ तरिबै परमेश्‍वरए ह्रिसइ प्लिंबै प्‍हेल ङि पिंइ। च प्‍हेल ङि माराल् मुँल।

दर्शन 19:1

छ तबै लिउँइँ स्‍वर्गर म्‍हिए हुलइ थेबै कैले छ बिरिब ङइ थेइ, “परमेश्‍वरए मिं थेब तरिगे! खीए मान तरिगे! तलेबिस्याँ खीए शक्‍तिजी ङ्योलाइ जोगेथेंइमुँ,

दर्शन 19:3

धबै चमैंइ थेबै कैले बिइ, “परमेश्‍वरए मिं थेब तरिगे! च थेबै सहर ख्रोंसि खबै मिखु खोंयोंन् बिलै कैंडो ह्‍यारिब्‍मुँ।”

दर्शन 19:6

च लिउँइँ ङइ धबै कै थेइ। च कै म्‍हि हुलए कै धों तब, क्‍यु छारेए कै धों तब नेरो मु ङ्‌हेब् धों तब मुँल। च कैइ बिइ, “परमेश्‍वरए मिं थेब तरिगे! तलेबिस्याँ याहवेह ङ्योए परमेश्‍वर, ताँन् भन्दा थेबै शक्‍ति मुँबै परमेश्‍वर ग, खीजी ताँन् सैए फिर ग्याल्स लम्।

दर्शन 5:14

झाइले सो प्ह्‍याबै सै प्लिइ बिइ, “आमेन, छान् तरिगे!” छबिबै तोदोंन् ङ्हिस्युसे प्लि चिब्मैंइ पद्खु तसि फ्‍योइ।