दर्शन 19:10 - परमेश्‍वरए ताँ तमु क्युइर

¹⁰ स्‍वर्गदूतइ छबिमा ङ चलाइ फ्‍योबर पद्खु तइ, दिलेया चइ ङने बिइ, “छ आलद्! ङ परमेश्‍वरए के लबै दूत मत्‍त्रे ग। ङज्यै या क्‍हि नेरो क्हिए अलि-अङाँमैं धोंले येशूए ताँ क्‍वेंम्। परमेश्‍वरलाइ मत्‍त्रे फ्‍योद्।” तलेबिस्याँ येशूजी पिंबै ग्वाइ अगमबक्‍तामैंइ पोंइ।

दर्शन 19:10 ပူးပေါင်းရင်းမြစ်များ

भजनमैं 45:11

छ लइ बिस्याँ क्हि छ्याँब् म्रोंसि म्रुँ सैं तोंब्मुँ। खीलाइ म्हाँदिद्, तलेबिस्याँ खी क्हिए क्ल्हे ग।

प्रस्थान 34:14

क्हेमैंइ अरू देवतामैंए पूजा आलद्, तलेबिस्याँ ङ याहवेह ह्रिस लबै परमेश्‍वर ग।

मत्ती 4:10

छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

मर्कूस 5:22

चर्बै च्हों धिंर्बै चिब्मैं न्होंर्बै याइरस बिबै म्‍हि घ्रि चर खइ, धै येशू म्रोंसि खीए प्‍हलेर फ्योसि

मर्कूस 7:25

येशू चर मुँ बिब च्हमिरि घ्रिइ था सेइ। चए च्हमि मोंइ स्‍याल। छतसि च येशू ङाँर खसि खीए प्‍हले फ्‍योइ।

लूका 1:19

स्‍वर्गदूतइ बिइ, “ङ गब्रिएल ग। ङ परमेश्‍वरए उँइँर रारिम्। क्‍हिने ताँ लबर नेरो चु सैं तोंबै ताँ बिद् बिसि परमेश्‍वरजी ङलाइ कुलब् ग।

लूका 24:44

झाइले खीजी चमैंने बिइ, “मोशाइ प्‍ह्रिबै ठिम, अगमबक्‍तामैंइ प्‍ह्रिबै ताँमैं नेरो भजनसंग्रहर ङए बारेर प्‍ह्रिथेंबै ताँमैं पूरा तल् त्‍हुम् बिसि ङइ ओंसोंन् क्‍हेमैंने मुँमा बिल।”

यूहन्‍ना 5:39

“परमेश्‍वरए छ्वेर खोंयोंइ आखाँबै छ्ह योंम् बिसि क्‍हेमैंइ म्हैरिम्, ङए बारेर ग्वाइ पिंबम् परमेश्‍वरए छ्वे ग।

चेला चिब्मैंए केमैं 10:43

स्योंम्बै अगमबक्‍तामैंइ ‘खीए फिर बिश्‍वास लब्मैं ताँनइ खीए मिंउँइँले पाप क्षमा योंम्,’ बिसि खीए ग्वाइ पिंइँमुँ।”

चेला चिब्मैंए केमैं 13:27

दिलेया यरूशलेमथेंमैं नेरो चमैंए क्रथे मिंथेमैंइ येशू खाब् जा बिसि ङो आसेल, धै प्रिबै त्हिंइ ह्रोंसे अगमवक्‍तए ताँ खेलेया, चमैंइ च ताँ तो जा बिसि आक्होल। छतसि चमैंइ येशूलाइ सजैं पिंसि अगमबक्‍तामैंइ खीए बारेर ओंसोंन् पोंब् धोंले पूरा लइ।

२ कोरिन्थी 8:7

क्‍हेमैं तोन्दोंरि सैर ओंसों बडिदै ह्‍याइमुँ: प्रभु येशूए फिर बिश्‍वास लबर, छेनाले ताँ पोंबर, ज्ञानर, भों खल्‍ले छ्याँबै के लबर, ङिए फिर म्हाँया लबर। छलेन छाबै छ्याँबै केमैं क्‍हेमैंइ ल्हें लरिगे बिब ङिए सैं मुँ।

एफिसी 5:15

छतसि खैले छ्ह थोरिइमुँ सैंर मैंन्, आह्र-आसेबै म्हि धोंब आतद्, बुद्धि मुँबै म्हि धोंलेन् छ्ह थोद्।

एफिसी 5:33

तो मुलेया क्‍हेमैं ताँन् ह्रोंसलाइ धोंलेन् मुँयुँमैंइ ह्रोंसए प्‍ह्रेंस्‍योलाइ म्हाँया लल् त्‍हुम्, छलेन प्ह्रेंस्योमैंज्यै या ह्रोंसए प्‍युँलाइ मान लल् त्‍हुम्।

फिलिप्पी 3:3

ङ्योम् ज्युर चिनु लबै केर भर लब्मैं आङिं! ङ्योम् छ्याँबै सैंइ खों न्होंउँइँलेन् परमेश्‍वरलाइ म्हाँदिब्मैं ग, तलेबिस्याँ ङ्योइ परमेश्‍वरए पबित्र प्ल्हउँइँलेन् खीलाइ म्हाँदिइमुँ। धै ख्रीष्‍ट येशूजी लबै केर ङ्योइ प्हैंल् खाँम्।

१ थेसलोनिकी 5:15

खाबज्‍यै क्हेमैंए न्होह्रों लवालेया खि आफोद्, दिलेया बिश्‍वासीमैंए फिर नेरो अरू म्‍हिमैंए फिरै या छ्याँबै के लबै सैं मैंन्।

हिब्रू 1:14

स्‍वर्गदूतमैं बिब, परमेश्‍वरए सेवा लबै प्ल्हमैं ग। धै परमेश्‍वरजी येशूए फिर बिश्‍वास लसि मुक्‍ति योंब्मैं ल्होबै ल्हागिरै या चमै कुल्‍मिंम्।

हिब्रू 12:25

छतसि न्ह क्रों मि क्रो तद्, ङ्योने पोंबै परमेश्‍वरजी बिब ङिंन्। तलेबिस्याँ चु पृथ्‍बीर्बै म्‍हि मोशाइ बिबै ताँ इस्राएलीमैंइ थेल् आङिंमा चमैं दण्‍डउँइँले स्योल् आखाँ बिस्याँ, झन् स्‍वर्गउँइँले पोंबै परमेश्‍वरजी बिबै ताँ आङिंब्मैं खैले स्योरल् खाँमुँ?

१ यूहन्‍ना 5:10

छतसि परमेश्‍वरए च्‍हए फिर बिश्‍वास लबै म्हिए सैंर चु ग्वाइ तम्, दिलेया परमेश्‍वरए फिर बिश्‍वास आलबै म्हिमैंइ परमेश्‍वरलाइ स्‍योर्गु ठर्दिम्, तलेबिस्याँ परमेश्‍वरजी खीए च्‍हए बारेर पिंबै ग्वाइ चमैंइ आक्वें।

१ यूहन्‍ना 5:21

ओ ङए कोलोमैं, कु पूजा आलद्।

दर्शन 1:1

येशू ख्रीष्‍टजी उँइँमिंबै ताँमैं, तारे युनन् तखबै ताँमैं खीए के लब्‍मैंइ क्होरिगे बिसि परमेश्‍वरजी येशूलाइ चु ताँ पिंब् ग। येशूजी खीए सेवा लबै म्‍हि यूहन्‍ना ङाँर खीए स्‍वर्गदूत कुल्‍मिंसि चु ताँमैं बिमिंइ।

दर्शन 1:9

ङ क्‍हेमैंए आघें यूहन्‍ना ग। येशूए फिर बिश्‍वास लबइले क्‍हेमैंइ धोंलेन् ङज्यैया खैबन् दु:ख तलैया ङइ सैदिइमुँ। येशू ख्रीष्‍टए बारेर ग्वाइ पिंदै परमेश्‍वरए ताँ बिप्रबै लमा म्‍हिमैंइ ङलाइ मा ङ्युँइर मुँबै पत्‍मोस बिबै कोंर च्युथेंल।

दर्शन 12:11

ङ्योए अलि-अङाँमैंइ क्‍यु च्हजए को नेरो खेंमैंइ पिंबै ग्वाइउँइँले च दुष्‍टए फिर ट्होइमुँ, तलेबिस्याँ खेंमैंए ज्युए म्हाँया आलल्‍ले चमैं सिबरै या तयार मुँल।

दर्शन 12:17

छतमा च अजिङ्गर च च्हमिरिने बेल्‍ले ह्रिस खइ। धै च च्हमिरिए अर्को सन्‍तानमैंने, अथवा परमेश्‍वरए ताँ ङिंब्‍मैं नेरो येशूए बारेर क्ह्रोंसेंन्‍बै ग्वाइ पिंब्मैंने ल्हडें लबर ह्‍याइ।

दर्शन 14:7

चइ थेबै कैले बिइ, “परमेश्‍वरने ङ्हिंन्, धै खीए मिं क्वेद्। तलेबिस्याँ खीजी म्‍हिमैंलाइ निसाफ लबै त्हे तखइमुँ। स्वर्ग, पृथ्‍बी, मा ङ्युँइ नेरो क्‍युए मुल्मैं बनेबै परमेश्‍वरलाइ पद्खु तसि फ्‍योद्।”

दर्शन 15:4

ओ प्रभु, क्‍हि म्रोंसि ताँन् म्‍हिमैं ङ्हिंल् त्‍हुम्, धै ताँन् म्हिमैंइ क्हिए मान लल् त्‍हुम्, तलेबिस्याँ क्‍हि मत्‍त्रे पबित्र परमेश्‍वर ग। ताँन् ह्रेंमैं क्‍हि ङाँर खसि क्हिलाइ फ्‍योब्‍मुँ, तलेबिस्याँ क्‍हिजी ठिक निसाफ लम् बिसि ताँनइ म्रोंल् खाँइमुँ।”

दर्शन 19:9

च लिउँइँ स्‍वर्गदूतइ ङने बिइ, “चु ताँ प्‍ह्रिद्: क्‍यु च्हजए ब्ह्‍याए न्हिम्तोर हुइब्मैं ङ्‍हो सब्मैं ग।” स्‍वर्गदूतइ धबै बिइ, “परमेश्‍वरजी बिबै क्ह्रोंसेंन्बै ताँमैं चुमैंन् ग।”

दर्शन 4:10

छ लरिमा च ङ्हिस्युसे प्लि चिब्मैंइ राजगद्दिर क्हुँबै खोंयोंइ या तरिबै परमेश्‍वरलाइ पद्खु तसि फ्योम्, झाइले खेंमैंइ कुबै मुकुट राजगद्दिए उँइँर थेंसि छ बिरिम्,