दर्शन 18:9 - परमेश्‍वरए ताँ तमु क्युइर

⁹ “चलाइ ख्रोंवाबै मिखु म्रोंसि च च्हमिरिने ल्हैदिसि सयल लबै पृथ्‍बीर्बै म्रुँमैं क्रोब-म्‍होब तसि थेबै शोक तब्‍मुँ।

दर्शन 18:9 ပူးပေါင်းရင်းမြစ်များ

उत्पत्ति 19:28

चर ह्‍यासि माइ ङ्ह्‍योमा सदोम, गमोरा नेरो ब्याँसिर्बै ताँन् क्ल्ह्‍योमैं म्रोंइ। च क्ल्ह्‍योउँइँले भट्टिर्बै मिखु धोंब कैंडो खरिब् म्रोंइ।

भजनमैं 58:10

छले पापिमैंइ दण्ड योंब् म्रोंसि ठिक के लब्मैं सैं तोंब्मुँ; धै दुष्‍ट म्हिमैंए कोर चमैंइ प्हले ख्रुब्मुँ।

१ तिमोथी 5:11

दिलेया ट्च्यु बर्ष न्होंर्बै म्हरेस्योमैंए मिं सेवा लमिंबर आप्ह्रिद्, तलेबिस्याँ चमैं ब्ह्‍या लदा ङ्हाँसि ख्रीष्‍टउँइँले ह्रेंगो तयाम्, धै ब्ह्‍या लबै सैं लम्।

दर्शन 14:11

चमैंए सजैं पिंबै मिए मिखु खोंयोंइन कैंडो ह्‍यारिब्‍मुँ। च खेदो नेरो चए कुलाइ पूजा लब्मैं, धै चए मिंए छाप झोंल् ङिंब्मैंइ त्‍हिंयाँ म्‍हुँइँस सजैं योंसि खोंयोंइ छिं ङ्हाँल् योंरिब् आरे।”

दर्शन 17:2

पृथ्‍बीर्बै ताँन् म्रुँमैं च फ्यालुस्योने टिइमुँ। धै ह्‍युलर्बै म्‍हिमैं या च फ्यालुस्योनेन् ब्यभिचार लसि प्हा थुँब् धोंले म्हेरइमुँ।”

दर्शन 18:18

च सहरलाइ ख्रोंवाबै मिखु म्रोंसि कै तेसि बिइ, ‘च धों तबै थेबै सहर अरू खाबै आरेल!’

दर्शन 18:20

(ओ स्वर्ग, च सहर थुँयाब् म्रोंसि सैं तोंन्! ओ परमेश्‍वरए म्‍हिमैं, कुल्मिंबै चेला चिब्मैं नेरो अगमबक्‍तामैं क्हेमैं ताँन् सैं तोंन्। तलेबिस्याँ च सहरइ क्‍हेमैं बेल्‍ले दुःख पिंल, छतसि परमेश्‍वरजी चलाइ नास लवाइ।)

दर्शन 18:3

च च्हमिरिने ल्हैदिबै ताँन् ह्रेंर्बै म्‍हिमैं प्हाइ धोंले म्हेरइमुँ। पृथ्‍बीर्बै म्रुँमैं या च च्हमिरिने ल्हैदिइमुँ। च फ्यालुस्योइ तो लदा ङ्हाँमुँ चन् लप्रइमुँ, धै छों लब्मैं चने क्ह्रिसि प्लइमुँ।”

दर्शन 18:7

चइ खैले सयल लसि सुख योंल, छलेन् चए फिर दुःख नेरो शोक तल् पिंन्। तलेबिस्याँ ‘ङ चुर म्रुँस्‍यो तसि टिइमुँ। म्हरेस्योलाइ धोंले ङलाइ शोक तरिब् आरे, ङ क्रोब-म्‍होब खोंयोंइ लल् त्हुरिब् आरे!’ बिसि चइ मैंम्।

दर्शन 19:3

धबै चमैंइ थेबै कैले बिइ, “परमेश्‍वरए मिं थेब तरिगे! च थेबै सहर ख्रोंसि खबै मिखु खोंयोंन् बिलै कैंडो ह्‍यारिब्‍मुँ।”

दर्शन 2:22

छतसि ङइ च च्हमिरिलाइ नल् लब्‍मुँ, झाइले चने ब्यभिचार लब्‍मैंलाज्यै या थेबै दुःख पिंब्‍मुँ। चमैंइ चने लबै पापउँइँले सैं आएइबिस्‍याँ ङइ चमैंलाइ तोगोंन् थेबै दुःख पिंब्‍मुँ।