दर्शन 18:23 - परमेश्‍वरए ताँ तमु क्युइर

²³ च सहर न्‍होंर बत्तिए ह्‍वे खोंयोंइ या म्रोंरिब् आरे, प्ह्रेंरो नेरो प्‍ह्रेंस्‍योइ पोंबै ताँ या खोंयोंइ या थेरिब् आरे। तलेबिस्याँ बेबिलोन सहरर्बै छों लब्मैं चु पृथ्‍बीरि थेबै चिब्‍मैं मुँल, झाइले च सहरर्बै म्‍हिमैंइ अरू ताँन् ह्‍युलर्बै ह्रेंमैंलाइ जादु लसि लुडिमल।

दर्शन 18:23 ပူးပေါင်းရင်းမြစ်များ

हितोपदेश 24:20

तलेबिस्याँ दुष्‍ट म्हिमैंए छ्हर आशिक आख; दुष्‍ट म्हिमैंए बत्ति सैवाब्मुँ।

चेला चिब्मैंए केमैं 8:11

चइ ल्हें त्हे ओंनोंन् जादु लसि म्हिमैं प्लेटोयाबै केमैं लरिल। छतसि चमैंइ च म्हिलाइ म्हाँदिमल।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।

दर्शन 17:2

पृथ्‍बीर्बै ताँन् म्रुँमैं च फ्यालुस्योने टिइमुँ। धै ह्‍युलर्बै म्‍हिमैं या च फ्यालुस्योनेन् ब्यभिचार लसि प्हा थुँब् धोंले म्हेरइमुँ।”

दर्शन 17:5

च च्हमिरिए ङ्‌होर मिं घ्रि प्‍ह्रिल। च मिंए अर्थ “थेबै बेबिलोन सहर, अथवा पृथ्‍बीर्बै आछ्याँबै ब्यभिचार लबै ताँन् फ्यालुस्योमैं नेरो छेरन ङ्हाँबै के लबै ताँन् म्‍हिए आमा चुन् ग बिब् मुँल।”

दर्शन 18:22

च सहरर बीणा नेरो अरू बाजामैंए कै, क्‍वे प्रिंब्‍मैं नेरो मुरलि थुतुरुए कै खोंयोंइ या थेरिब् आरे। अरू के लब्मैं नेरो सिंए के लब्मैं च सहरर खोंयोंइ या योंरिब् आरे, ह्रेंदोए कै या खोंयोंइ या थेरिब् आरे।

दर्शन 18:3

च च्हमिरिने ल्हैदिबै ताँन् ह्रेंर्बै म्‍हिमैं प्हाइ धोंले म्हेरइमुँ। पृथ्‍बीर्बै म्रुँमैं या च च्हमिरिने ल्हैदिइमुँ। च फ्यालुस्योइ तो लदा ङ्हाँमुँ चन् लप्रइमुँ, धै छों लब्मैं चने क्ह्रिसि प्लइमुँ।”

दर्शन 18:9

“चलाइ ख्रोंवाबै मिखु म्रोंसि च च्हमिरिने ल्हैदिसि सयल लबै पृथ्‍बीर्बै म्रुँमैं क्रोब-म्‍होब तसि थेबै शोक तब्‍मुँ।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”

दर्शन 22:15

दिलेया सहरए बैरु बिस्याँ आछ्याँबै सैं प्ह्‍याब्मैं: फाफुइ लब्मैं, ब्यभिचार लब्मैं, म्हि सैब्मैं, कु फ्योब्‍मैं, स्‍योलिबै ताँ पोंब्‍मैं नेरो स्‍योलिबै के लब्मैं तम्।

दर्शन 22:5

च सहरर खोंयोंइ या म्‍हुँइँस तरिब् आरे। छतसि चमैंलाइ बत्ति नेरो त्‍हिंयाँ चैदिरिब आरे, तलेबिस्याँ याहवेह परमेश्‍वरए ह्‍वेजीन् चमैंए मि म्रोंल् लमिंब्मुँ। धै म्रुँइ लब् धोंले चमैंइ खोंयोंइ या ग्याल्स लब्‍मुँ!

दर्शन 6:15

छतमा पृथ्‍बीर्बै म्रुँमैं, शासन लब्मैं, फौजए कप्‍तानमैं, प्लब्‍मैं, थे-थेबै म्‍हिमैं, झाइले केब्छैंमैं, केब्छैं आङिंब्मैं, ताँन् म्‍हिमैं कों जरेर्बै उ नेरो पाराजरे लोबर ह्‍याइ।

दर्शन 9:21

चमैंइ म्हि सैब, म्हुत मोंब, फा-फुइ टुना मुना लब, ब्यभिचार लब, ह्‍योब, छाबै आछ्याँबै केमैंउँइँले या सैं आए।