दर्शन 18:10 - परमेश्‍वरए ताँ तमु क्युइर

¹⁰ चमैं चए थेबै दुःख म्रोंसि ङ्हिंब्मुँ। झाइले चमैं ह्रेंगोन् रासि ‘आमै! आमै! कति थेबै नोक्‍सान तना! च थेब नेरो भोंबै बेबिलोन सहरइ तिस्यार्न सजैं योंना,’ बिब्मुँ।

दर्शन 18:10 ပူးပေါင်းရင်းမြစ်များ

दर्शन 11:8

झाइले चमैंए सिनुमैं खेंमैंए प्रभुलाइ क्रूसर सैबै थेबै सहरए घ्याँर तब्‍मुँ। (च सहरलाइ अहानर सदोम सहर नेरो मिश्र ह्‍युल बिम्।)

दर्शन 14:8

झाइले अर्को स्‍वर्गदूत ओंसोंबै स्‍वर्गदूतए लिलि ल्‍हैदिसि बिइ, “नास तयाइ! च बेबिलोन बिबै थेबै सहर नास तयाइ। च सहरर्बै म्‍हिमैंइ खैले खेंमैंइ ब्यभिचार लमुँ छलेन ताँन् ह्‍युलर्बै म्हिमैंलाइ ब्यभिचार लबर ल्हैदिल।”

दर्शन 16:19

च लिउँइँ च थेबै सहर सोंबाँ तयाइ। झाइले ताँन् ह्‍युलर्बै सहरमैं नास तयाइ। च त्हेर परमेश्‍वरजी बेबिलोन बिबै थेबै सहरलाइ मैंइ। छतसि खीए बेल्‍ले थेबै ह्रिसइ प्लिंबै प्‍हेल बेबिलोनलाइ थुँबर कर ल्‍हैदिइ।

दर्शन 17:12

“क्‍हिइ म्रोंबै रुँ च्‍युए अर्थ च्‍योंबै म्रुँ च्‍यु ग। चमैंइ तिंयाँ समा ग्याल्स लल् आयोंइमुँ, दिलेया चमैंइ च खेदोने बालु घण्टा घ्रिए ल्हागिर ग्याल्स लल् योंब्‍मुँ।

दर्शन 18:18

च सहरलाइ ख्रोंवाबै मिखु म्रोंसि कै तेसि बिइ, ‘च धों तबै थेबै सहर अरू खाबै आरेल!’

दर्शन 18:19

झाइले चमैंइ खेंमैंए क्रर त्‍हुल फ्रुँसि न्हुँ लइ। धै क्रोदै बिइ, ‘आमै! आमै! च सहरम् थुँयाना! चए सैंन्होरउँइँलेन् ताँन् क्यु झाज ओलेब्मैं प्लब् तल, दिलेया तिस्यार्न थुँयाइ।’”

दर्शन 18:21

च लिउँइँ धबै बेल्‍ले भोंबै स्‍वर्गदूत घ्रिइ ह्रेंदो धों तबै थेबै युँमा घ्रि छेसि मा ङ्युँइर भ्‍योंवासि “च थेबै बेबिलोन सहरलाज्यै या छलेन् भ्‍योंवाब्‍मुँ,” बिइ। “तारे क्हेमैंइ च धबै म्रोंरिब् आरे।

दर्शन 18:8

दिलेया चए फिर तिगेंर्न ल्हें दु:खमैं खसि, रोग, शोक नेरो अँङ्गल् तब्‍मुँ। झाइले चलाइ मिर ख्रोंवाब्‍मुँ, तलेबिस्याँ चए निसाफ लबै याहवेह परमेश्‍वर थेबै शक्‍ति मुँबै परमेश्‍वर ग।