दर्शन 17:12 - परमेश्‍वरए ताँ तमु क्युइर

¹² “क्‍हिइ म्रोंबै रुँ च्‍युए अर्थ च्‍योंबै म्रुँ च्‍यु ग। चमैंइ तिंयाँ समा ग्याल्स लल् आयोंइमुँ, दिलेया चमैंइ च खेदोने बालु घण्टा घ्रिए ल्हागिर ग्याल्स लल् योंब्‍मुँ।

दर्शन 17:12 ပူးပေါင်းရင်းမြစ်များ

दर्शन 10:11

झाइले कै घ्रिइ ङने बिइ, “क्‍हिइ ल्हें म्‍हिमैं, ल्हें ह्रेंमैं, ल्हें क्युइ पोंब्‍मैं नेरो ल्हें म्रुँमैंए फिर परमेश्‍वरउँइँले तखम् बिबै ताँमैं धबै बिल् त्‍हुब्‍मुँ।”

दर्शन 12:3

च लिउँइँ धबै मुर अर्को औदिबै चिनु म्रोंइ: चर बेल्‍ले थेबै ओल्‍ग्‍या अजिङ्गर मुँल। चए क्र ङि मुँल, धै क्र ह्रोंसे मुकुट मुँल। झाइले चए रुँ च्‍यु मुँल।

दर्शन 13:1

च लिउँइँ मा ङ्युँउँइँले खेदो घ्रि त्‍होंरिब् ङइ म्रोंइ। च खेदोल रुँ च्‍यु, क्र ङि मुँल। चए रुँ ह्रोंसे मुकुट मुँल, क्र ह्रोंसे परमेश्‍वरए मिं वाबै आछ्याँबै मिं प्‍ह्रिल।

दर्शन 17:16

क्‍हिइ म्रोंबै च रुँ च्‍यु मुँबै खेदोइ च फ्यालुस्योलाइ हेल लब्मुँ, धै चने मुँबै ताँन् सैमैं प्हेंवासि चलाइ क्‍लुना लवाब्‍मुँ। चमैंइ चए से चब्‍मुँ, झाइले चलाइ मिर झोंवाब्‍मुँ।

दर्शन 18:10

चमैं चए थेबै दुःख म्रोंसि ङ्हिंब्मुँ। झाइले चमैं ह्रेंगोन् रासि ‘आमै! आमै! कति थेबै नोक्‍सान तना! च थेब नेरो भोंबै बेबिलोन सहरइ तिस्यार्न सजैं योंना,’ बिब्मुँ।

दर्शन 18:17

तोगो तिस्यार्न चल च्‍हौ ल्हें सै न्होर थुँयाइ।’ “झाइले क्‍यु झाजर्बै कप्‍तानमैं, क्यु झाजर क्रेब्‍मैं नेरो क्यु झाजर के लसि छ्ह थोब्‍मैं ताँन् ह्रेंगोन् रासि

दर्शन 18:19

झाइले चमैंइ खेंमैंए क्रर त्‍हुल फ्रुँसि न्हुँ लइ। धै क्रोदै बिइ, ‘आमै! आमै! च सहरम् थुँयाना! चए सैंन्होरउँइँलेन् ताँन् क्यु झाज ओलेब्मैं प्लब् तल, दिलेया तिस्यार्न थुँयाइ।’”