दर्शन 16:2 - परमेश्‍वरए ताँ तमु क्युइर

² छबिमा ओंसोंबै स्‍वर्गदूतइ ह्‍यासि पृथ्‍बीए फिर ह्रोंसने मुँबै प्‍हेलार्बै ह्रिस युवाइ। च लिउँइँ खेदोए छाप मुँब्‍मैं नेरो चए कुलाइ पूजा लब्मैंए ज्युर बेल्‍ले नल् लबै छेरन ङ्हाँबै घामैं खइ।

दर्शन 16:2 ပူးပေါင်းရင်းမြစ်များ

भजनमैं 78:26

खीजी मुर स्यारउँइँले खैं खल् पिंइ, धै खीजी ह्रोंसए शक्तिजी न्हुरउँइँले खैं खल् पिंइ;

चेला चिब्मैंए केमैं 12:23

दिलेया चइ परमेश्‍वरए मान आलबइले च त्हेर्न प्रभुए स्वर्गदूतइ चम्हिमैंए उँइँरलाइ ल्हिवाइ धै चए ज्युर प्हुँलुँ उजी उजी तसि च म्रुँ सियाइ।

दर्शन 13:12

चइ ओंसोंबै खेदोए ताँन् हग चए उँइँर्न ओलेमल। पृथ्‍बी नेरो पृथ्‍बीर टिब्मैंलाइ च ओंसोंबै खेदोलाइ चइ फ्‍योद् बिसि ल्‍हैदिमल। च ओंसोंबै खेदोए थेबै घा सयाल।

दर्शन 14:16

छबिमा च न्‍हाँम्‍स्योर क्हुँबै म्‍हिइ ह्रोंसने मुँबै कोरेइ पृथ्‍बीर्बै ताँन् बालिमैं खैंवाइ।

दर्शन 14:9

झाइले अर्को स्‍वर्गदूत ओंसोंबै स्‍वर्गदूत ङ्हिंए लिलि ल्‍हौदिसि थेबै कैले बिइ, “खाब‍मैंइ च खेदो नेरो चए कुलाइ पूजा लमुँ, धै ह्रोंसए यो नेरो ङ्‌होर च खेदोए छाप झोंमुँ,

दर्शन 16:1

झाइले च स्‍वर्गदूत ङिलाइ स्‍वर्गउँइँले थेबै कैले छ बिब ङइ थेइ, “ह्‍याद्, धै प्‍हेल ङिर मुँबै परमेश्‍वरए ह्रिस पृथ्‍बीए फिर युवाद्।”

दर्शन 16:11

झाइले चमैंलाइ बेल्‍ले नल् लबै घा नेरो रुँइ दुःख पिंमा चमैंइ स्वर्गर्बै परमेश्‍वरए फिर गाल् केइ। दिलेया चमैं खेंमैंइ लबै पापउँइँले अझै सैं आए।

दर्शन 8:7

ओंसोंबै स्‍वर्गदूतइ थुतुरु ह्रामा को कोंबै तिस्‍यु नेरो मि पृथ्‍बीर युइ। पृथ्‍बीए भाग सोंबाँर्बै तिबाँ, सिं धुँए भाग सोंबाँर्बै तिबाँ, झाइले पृथ्‍बीर मुँबै ताँन् सिं धुँमैं नेरो प्याँ पिंमैं ताँन् ख्रोंवाइ।