दर्शन 16:19 - परमेश्‍वरए ताँ तमु क्युइर

¹⁹ च लिउँइँ च थेबै सहर सोंबाँ तयाइ। झाइले ताँन् ह्‍युलर्बै सहरमैं नास तयाइ। च त्हेर परमेश्‍वरजी बेबिलोन बिबै थेबै सहरलाइ मैंइ। छतसि खीए बेल्‍ले थेबै ह्रिसइ प्लिंबै प्‍हेल बेबिलोनलाइ थुँबर कर ल्‍हैदिइ।

दर्शन 16:19 ပူးပေါင်းရင်းမြစ်များ

दर्शन 11:8

झाइले चमैंए सिनुमैं खेंमैंए प्रभुलाइ क्रूसर सैबै थेबै सहरए घ्याँर तब्‍मुँ। (च सहरलाइ अहानर सदोम सहर नेरो मिश्र ह्‍युल बिम्।)

दर्शन 17:1

झाइले च प्‍हेल ङि छेबै स्‍वर्गदूत ङि न्‍होंर्बै घ्रि ङ ङाँर खसि बिइ, “छुइ खो, ङइ क्हिलाइ च मिं चल्‍दिबै फ्यालुस्योइ खैबै सजैं योंम् बिसि उँइँमिंस्‍यो। च सहरए कार्ग्युले ल्हें स्योंमैं मुँ।

दर्शन 17:18

“क्‍हिइ म्रोंबै च्हमिरि थेबै सहर ग, चइ पृथ्‍बीर्बै ताँन् म्रुँए फिर ग्याल्स लम्।”

दर्शन 17:5

च च्हमिरिए ङ्‌होर मिं घ्रि प्‍ह्रिल। च मिंए अर्थ “थेबै बेबिलोन सहर, अथवा पृथ्‍बीर्बै आछ्याँबै ब्यभिचार लबै ताँन् फ्यालुस्योमैं नेरो छेरन ङ्हाँबै के लबै ताँन् म्‍हिए आमा चुन् ग बिब् मुँल।”

दर्शन 18:10

चमैं चए थेबै दुःख म्रोंसि ङ्हिंब्मुँ। झाइले चमैं ह्रेंगोन् रासि ‘आमै! आमै! कति थेबै नोक्‍सान तना! च थेब नेरो भोंबै बेबिलोन सहरइ तिस्यार्न सजैं योंना,’ बिब्मुँ।

दर्शन 18:2

चइ थेबै कै तेसि बिइ, “थुँयाइमुँ! थुँयाइमुँ! बेबिलोन बिबै थेबै सहर थुँयाइमुँ! चर स्यागि म्होंगिमैंइ प्लिंयाइमुँ, आछ्याँबै सैं प्ह्‍याबै प्ल्हमैंइ प्लिंइमुँ, धै से चल् आतबै नमेमैं नेरो से चल् आतबै खेदोमैं ताँन् चर मुँ।

दर्शन 18:21

च लिउँइँ धबै बेल्‍ले भोंबै स्‍वर्गदूत घ्रिइ ह्रेंदो धों तबै थेबै युँमा घ्रि छेसि मा ङ्युँइर भ्‍योंवासि “च थेबै बेबिलोन सहरलाज्यै या छलेन् भ्‍योंवाब्‍मुँ,” बिइ। “तारे क्हेमैंइ च धबै म्रोंरिब् आरे।

दर्शन 18:5

तलेबिस्याँ चइ लबै पापमैं मु समा फेखइमुँ, चइ लबै आछ्याँबै केमैं परमेश्‍वरजी मैंरिइमुँ।