दर्शन 16:15 - परमेश्‍वरए ताँ तमु क्युइर

¹⁵ प्रभु येशूजी बिइ, “थेद्, क्‍हेमैंइ था आसेल्‍ले ङ ह्‍यो धोंले युब्मुँ। छतसि न्ह क्रों मि क्रोंले टिबै म्हि ङ्‍हो सब् ग। ह्रोंस क्‍लुना तसि म्‍हिमैंए उँइँर फा पिन् आतरिगे बिसि ह्रोंसए क्‍वें ह्रोंसनेन् साँथेंम्।”

दर्शन 16:15 ပူးပေါင်းရင်းမြစ်များ

प्रस्थान 32:25

हारूनइ म्हिमैंलाइ तो लदा ङ्हाँम् लल् पिंबइले म्हिमैंइ ह्रोंसए सैंर तो मैंमुँ चन् लसि शत्तुरमैं निस्युबै के तल् पिंना बिसि मोशाइ था सेइ।

मत्ती 25:13

“छतसि न्हक्रो मिक्रोले टिद्, तलेबिस्याँ ङ एयुबै त्हिंइ नेरो त्हे खोंयों तमुँ बिसि क्‍हेमैंइ आसे।

मत्ती 26:41

दुष्‍टए ङोर आफेरिगे बिसि न्हरु आच्हुइनाले प्राथना लद्। क्ह्रोसेंन सैंरम् खाँलै ङ्हाँमुँ, ज्यु बिस्याँ आखाँ।”

मर्कूस 14:38

दुष्‍टइ क्‍हेमैंलाइ पापर आच्होरिगे बिसि न्हरु आच्हुइल्‍ले प्राथना लद्। क्‍हेमैंए सैंइ खाँलै ङ्हाँम्, दिलेया ज्युइ बिस्याँ आखाँ।”

लूका 21:36

छतसि च ङ्हिंन् तबै ताँमैंउँइँले जोगेसि म्हिए च्हए उँइँर राल् योंबै ल्हागिर परमेश्‍वरने प्राथना लब्रें लसि न्ह क्रोंले टिद्।”

चेला चिब्मैंए केमैं 20:31

छतसि चु ताँ मैंसि छेनाले टिद्! सोंदिं समन् त्हिंयाँ म्‍हुँइँसा मिक्लि पिंदै ताँन् म्हिमैंने ङइ लोमिंबै ताँ आम्‍लेद्।

२ कोरिन्थी 5:3

तलेबिस्याँ ङ्योए ल्हागिर स्वर्गरै या धिं मुँ। छतसि सिबै लिउँइँ ङ्यो क्लुना नेरो ज्यु आरेब्मैं तरिब् आरे।

१ थेसलोनिकी 5:4

दिलेया ओ अलि-अङाँमैं, क्‍हेमैं मिछु खैबर आरे। छतसि क्हेमैंइ च त्हिंइ ह्‍यो खब् धों ङ्हाँल् आत्‍हु।

१ थेसलोनिकी 5:6

छतसि अरूमैं धोंले ङ्यो न्‍हरु आच्‍हुइल्‍ले बरु न्ह क्रों मि क्रोंले टिले।

१ पत्रुस 4:7

ताँन् सै नुयाबै त्हे तखइमुँ। छतसि प्राथना लल् खाँरिगे बिसि छ्याँबै सैं प्ह्‍यासि न्ह क्रों मि क्रों तरिद्।

२ पत्रुस 3:10

दिलेया खाबज्यै आसेल्‍ले ह्‍यो खब् धोंले प्रभु खैलसे युब्‍मुँ। च त्हिंइर मु थेबै कैले म्हयाब्मुँ, मुर्बै ताँन् सैमैं मिइ ख्रोंसि नास तयाब्मुँ, धै चु ह्‍युल नेरो ह्‍युलर्बै सैमैं ताँन् म्हयाब्‍मुँ।

दर्शन 22:7

“थेद्! ङ युनन् युब्‍मुँ बिसि,” येशूजी बिइमुँ। “चु कितबर प्ह्रिबै ‘लिउँइँ तखम्’ बिबै ताँ ङिंबै म्‍हिइ आशिक योंब्मुँ।”

दर्शन 3:11

ङ युनन् युम्। क्हेमैंइ ट्होसि योंल् त्हुबै इनाम खाबज्‍यै क्हेमैंउँइँले प्‍हेंइ बोल् आखाँरिगे बिसि क्हेमैंइ तो ताँर बिश्‍वास लइमुँ, च ताँर्न अझै छेनाले बिश्‍वास लद्।

दर्शन 3:18

छतसि ङइ क्हेमैंलाइ चु सल्‍ला पिंम्: क्‍हि प्लब् तबै ल्हागिर मिर खारदिबै छ्याँबै मारा ङउँइँले किंन्, म्‍हिमैंइ क्‍हेमैंलाइ क्‍लुना तब् आम्रोंरिगे बिसि खिबै ल्हागिर ङउँइँले फोस्रे ब्योंबै क्‍वें किंन्, झाइले क्‍हिए मि म्रोंरिगे बिसि ङउँइँले मि म्रोंल् लबै मैं किंसि फोद्।