दर्शन 14:10 - परमेश्‍वरए ताँ तमु क्युइर

¹⁰ चमैंइ परमेश्‍वरए बेल्‍ले थेबै ह्रिसए प्हा थुँल् त्‍हुब्‍मुँ। च त्हेर तिफुँइ ल्हयो आखल्‍ले परमेश्‍वरजी सजैं पिंब्‍मुँ। च म्‍हिमैंइ पबित्र स्‍वर्गदूतमैं नेरो क्‍यु च्हजए उँइँरि मि नेरो गन्‍धकरि बेल्‍ले दुःख योंब्‍मुँ।

दर्शन 14:10 ပူးပေါင်းရင်းမြစ်များ

उत्पत्ति 19:24

झाइले याहवेहजी सदोम नेरो गमोराए फिर मुउँइँले मि नेरो बारुद कुल्मिंइ।

भजनमैं 11:6

आछ्याँबै के लब्मैंए फिर खीजी मि नेरो बारुद प्रामिंब्मुँ, धै ट्हुबिन् लास्युवाबै लल खैंइ चमैं ख्रोंवाब्मुँ।

भजनमैं 37:34

याहवेहए घ्यार्न प्ररिद्, खीलाइन पैंरिद्। धै खीजी क्हेमैंलाइ चु ह्‍युलर्बै क्ल्हे तल् पिंब्मुँ; धै दुष्‍टमैं नास तब क्हिए मिइन म्रोंब्मुँ।

भजनमैं 52:6

छलब् म्रोंसि ठिक के लब्मैं या ङ्हिंब्मुँ; धै निस्योसि चलाइ छ बिब्मुँ,

भजनमैं 60:3

क्हिजी ह्रोंसए म्हिमैंए फिर सैदिलै आखाँबै दुःख तल् पिंइमुँ; छलमा क्हिजी ह्रिस खसि ङिलाइ म्हेरबै प्हा थुँल् पिंब् धोंले ङिए प्हलेमैं छेनाले म्हैल् आखाँब् तइमुँ।

भजनमैं 73:10

छतसि परमेश्‍वरए म्हिमैं चमैं ङाँइ एखम्, धै ल्हें क्यु थुँब् धोंले चमैंए ताँ क्वेंम्।

भजनमैं 75:8

याहवेहए योर प्हेल घ्रि मुँ, खीए ह्रिसइ च प्हेलर प्लिंइमुँ। पृथ्बीर्बै दुष्‍टमैं ताँनइ दण्ड योंम्, प्हेलर मुँबै सै तोइ आचैल्‍ले चमैं थुँल् खाँल् त्हुम्।

भजनमैं 91:8

क्हिइ ह्रोंसए मिइ मत्‍त्रे च म्रोंब्मुँ धै दुष्‍टमैंइ योंबै सजैं म्रोंब्मुँ।

मत्ती 20:22

दिलेया येशूजी चमैंने बिइ, “क्‍हेमैंइ तो ह्रिरिइमुँ च सै क्‍हेमैंइ था आसे। तारे ङइ नोबि छेबै दुःख क्‍हेमैंइ नोल् खाँम्‍मा?” बिमा चमैंइ “खाँम्,” बिइ।

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मत्ती 26:39

झाइले येशू दे क्‍याइ ह्‍यासि सर पद्खु तसि “ओ ङए आबा, तल् खाँम् बिस्‍याँ चु दुःख ङ ङाँइँले स्‍योमिंन्। दिलेया ङइ मैंब् धोंले आङिं, क्‍हिए सैंर मैंब् धोंले तरिगे,” बिसि प्राथना लइ।

मर्कूस 8:38

छतसि खाबइ चु आछ्याँबै पापि जुगरि ङ नेरो ङए ताँ थेसि फापिमुँ, ङ म्हिए च्ह या ह्रोंसए आबाजी पिंबै मान नेरो पबित्र स्‍वर्गदूतमैंने बालु चु ह्‍युलए निसाफ लबर युमा च म्‍हि म्रोंसि ङै या फा पिब्‍मुँ।”

मर्कूस 9:44

[चर्बै प्हुलुँ खोंयोंइ आसि, चर्बै मि या खोंयोंइ आसि।]

चेला चिब्मैंए केमैं 10:22

चमैंइ बिइ, “कप्‍तान कर्नेलियसइ ङि चुर कुलब् ग। च छ्याँब सैं प्ह्‍याब नेरो परमेश्‍वर म्हाँदिबै म्हि मुँ, धै ताँन् यहूदी ह्रेंमैंउँइँले मान योंबै म्हि ग। चए धिंर क्हि हुइसि क्हिउँइँले ताँ थेद् बिसि पबित्र स्वर्गदूत घ्रिइ चने बिइमुँ।”

२ थेसलोनिकी 1:7

झाइले क्‍हेमैं दुःख योंब्‍मैं नेरो ङि या परमेश्‍वरजी सुख पिंब्‍मुँ। प्रभु येशू ह्रोंसए शक्‍ति मुँबै स्‍वर्गदूतमैंने लुँरिबै मिने स्‍वर्गउँइँले युबै त्हेर परमेश्‍वरजी ङ्योलाइ च सुख पिंब्मुँ।

यहूदाइ प्‍ह्रिबै प्ह्रिछ्या 1:7

धै सदोम, गमोरा नेरो चमैंए खागुबै सहरर्बै म्हिमैंलाइ मैंन्। चमैंइ ब्यभिचार लसि आतबै के लइ। छतसि खोंयोंइ आसिबै मिर दण्‍ड योंसि चमैं नमुना तइमुँ।

दर्शन 15:7

चर्बै सो प्ह्‍याबै सै प्लि न्‍होंर्बै घ्रिइ च स्‍वर्गदूत ङिलाइ खोंयोंइ तरिबै परमेश्‍वरए ह्रिसइ प्लिंबै प्‍हेल ङि पिंइ। च प्‍हेल ङि माराल् मुँल।

दर्शन 16:19

च लिउँइँ च थेबै सहर सोंबाँ तयाइ। झाइले ताँन् ह्‍युलर्बै सहरमैं नास तयाइ। च त्हेर परमेश्‍वरजी बेबिलोन बिबै थेबै सहरलाइ मैंइ। छतसि खीए बेल्‍ले थेबै ह्रिसइ प्लिंबै प्‍हेल बेबिलोनलाइ थुँबर कर ल्‍हैदिइ।

दर्शन 18:3

च च्हमिरिने ल्हैदिबै ताँन् ह्रेंर्बै म्‍हिमैं प्हाइ धोंले म्हेरइमुँ। पृथ्‍बीर्बै म्रुँमैं या च च्हमिरिने ल्हैदिइमुँ। च फ्यालुस्योइ तो लदा ङ्हाँमुँ चन् लप्रइमुँ, धै छों लब्मैं चने क्ह्रिसि प्लइमुँ।”

दर्शन 18:6

चइ खै लल चने छान् लद्, चइ तिल दुःख पिंल, क्हिइ ङ्हिल दु:ख पिंन्। चइ क्हेमैंलाइ तो सैइ म्हेरल् लल च भन्दा झन् म्हेरल् लबै सैइ क्हिइ चलाइ म्हेरल् लवाद्।

दर्शन 19:15

ताँन् ह्रेंमैंलाइ ल्हिबर खीए सुँउँइँले छ्यारबै सेलाँ त्‍होंल। खीजी पैए प्‍हरे छेसि ताँन् ह्रेंमैंए फिर ग्याल्स लमा ताँन् भन्दा थेबै शक्‍ति मुँबै परमेश्‍वरए ह्रिसइ प्लिंबै कोल खीजी प्लेवाब्‍मुँ।

दर्शन 19:20

दिलेया परमेश्‍वरए फौजमैंइ च खेदो नेरो स्योर तेबै अगमबक्‍तालाइ क्‍हाइ। (च स्योर तेबै अगमबक्‍ताइ च खेदोए उँइँर ओंसों औदिबै चिनुमैं लसि खेदोए छाप किंब्‍मैं नेरो चए कुए पूजा लब्‍मैंलाइ स्योलिबै ताँ पोंसि चमैंए सैं खेंमैं ङाँइ च्यारवाल।) छतसि चमैं ङ्हिं सोगोंन् मि लुँरिबै बारुदए होंल्दोंर भ्योंवाइ।

दर्शन 20:10

झाइले च ह्रेंमैंलाइ लुबै स्योर्गुलाइ बारुदए थाँ खबै लुँरिबै मिए होंल्दोंर भ्‍योंवाइ। च खेदो नेरो स्योर तेबै अगमबक्‍तालाज्यै या ओंसोंन् चर भ्‍योंवाल। चर चमैंइ त्‍हिंयाँ म्‍हुँइँस खोंयोंन् बिलै थेबै दुःख योंल् त्‍हुब्‍मुँ।

दर्शन 20:14

च लिउँइँ परमेश्‍वरजी काल नेरो क्रोंलाइ मि मुँबै होंल्दोंर भ्‍योंवाइ। च मि मुँबै होंल्दों प्ल्हइ दु:ख योंबै क्ल्ह्‍यो ग।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”