दर्शन 13:3 - परमेश्‍वरए ताँ तमु क्युइर

³ च खेदोए क्र ङि न्‍होंर्बै क्र घ्रिर बेल्‍ले नल् लब थेबै घा धों तब् म्रोंइ, दिलेया लिउँइँ च घा सयाइ। छतसि ताँन् पृथ्‍बीर्बै म्‍हिमैं प्लेटोयासि च खेदोए लिलि ल्‍हैदिइ।

दर्शन 13:3 ပူးပေါင်းရင်းမြစ်များ

लूका 2:1

यूहन्‍ना फिबै त्‍हेजरे ह्‍युल तोगोंर्बै म्‍हिमैं च्योबै ल्हागिर मिं प्‍ह्रिल् त्‍हुम् बिसि अगस्‍टस बिबै रोमी म्रुँइ बिइ।

यूहन्‍ना 12:19

छतमा फरिसीमैंइ खेंमैंए न्होंर “ङ्‍ह्‍‍योत्ति! कहेमैंइ तोइ लल् खाँरिब् आरे। म्रोंइँमुँ वा, ह्‍युलर्बै ताँन् म्हिमैं चए लिलि ल्हैदिल् खाँइ बिबर होंइ।”

चेला चिब्मैंए केमैं 8:13

चु ताँमैं च जादु लबै सिमोनज्यै क्वेंइ, धै चज्यैया बप्‍तिस्‍मा किंसि फिलिपने बालु प्रइ। झाइले फिलिपइ लबै थे-थेबै औदिबै चिनुमैं म्रोंसि च प्लेटोयाइ।

दर्शन 13:12

चइ ओंसोंबै खेदोए ताँन् हग चए उँइँर्न ओलेमल। पृथ्‍बी नेरो पृथ्‍बीर टिब्मैंलाइ च ओंसोंबै खेदोलाइ चइ फ्‍योद् बिसि ल्‍हैदिमल। च ओंसोंबै खेदोए थेबै घा सयाल।

दर्शन 13:14

ओंसोंबै खेदोए उँइँर चइ औदिबै चिनु मुँबै केमैं लबै शक्ति योंल, छतसि प्लेटोयान् तबै केमैं लसि चइ पृथ्‍बीर टिब्मैंए सैं खेंमैं ङाँइ लवाइ। धै “सेलाँइ ल्हिबै घा ससि सोबै ओंसोंबै खेदोए मान लबै ल्हागिर खेदोए कु घ्रि बनेद्” बिसि चइ म्‍हिमैंलाइ कर ल्‍हैदिइ।

दर्शन 17:10

चमैं न्होंरि म्रुँ ङ्‌हए पलो तल् खाँइ, म्रुँ घ्रिइ अझै ग्याल्स लसिन् मुँ, ङिखेबै म्रुँल अझै पलो आखइमुँ। च म्रुँ खसि तिस्याँदे मत्‍त्रे ग्याल्स लल् योंब्‍मुँ।

दर्शन 17:11

झाइले ओंसों सोगों मुँब दिलेया तोगो सियाबै खेदो प्ह्रेखेबै लार्बै म्रुँ ग। चु म्रुँ ङि न्‍होंर्बै घ्रि ग, दिलेया च नास तयाब्‍मुँ।

दर्शन 17:13

च म्रुँ च्‍युए सैं घ्रिन् तसि खेंमैंए ग्याल्सए हग नेरो भों च खेदोलाइ पिंब्मुँ।

दर्शन 17:17

तलेबिस्याँ च म्रुँमैं च्‍युलाइ परमेश्‍वरजी छाबै के लबै सैं पिंइ: परमेश्‍वरजी बिबै ताँ ताँन् आतन् समा च खेदोइ ग्याल्स लरिगे बिसि चमैंइ ताँन् सैं घ्रिले खेंमैंए ग्याल्स लबै भों च खेदोलाइ पिंब्मुँ।

दर्शन 17:6

झाइले च च्हमिरिइ परमेश्‍वरए म्‍हिमैंए को नेरो येशूए ल्हागिर सिब्‍मैंए को थुँसि म्हेरब ङइ म्रोंइ। च म्रोंसि ङ प्लेटोयाइ।

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।