दर्शन 13:15 - परमेश्‍वरए ताँ तमु क्युइर

¹⁵ च कु पोंल् खाँरिगे, धै च कुलाइ आम्हाँदिब्‍मैंलाइ चइ सैवाल् खाँरिगे बिसि च लिउँबै खेदोइ च कुलाइ सोगों तबै हग पिंइ।

दर्शन 13:15 ပူးပေါင်းရင်းမြစ်များ

उत्पत्ति 2:7

झाइले याहवेह परमेश्‍वरजी सउँइँले म्हि बनेसि चए नखुँरि सो फुइमिंमा म्हि सोगों तइ।

भजनमैं 115:5

चमैंल सुँ मुँ, दिलेया पोंल् आखाँ; मि मुँ, दिलेया म्रोंल् आखाँ।

याकूब 2:26

छतसि खैले ज्युर प्‍ल्‍ह आरेस्‍याँ म्हि सियामुँ, छलेन छ्याँबै के आलबै बिश्‍वासै या सियाब् धोंन् ग।

दर्शन 13:1

च लिउँइँ मा ङ्युँउँइँले खेदो घ्रि त्‍होंरिब् ङइ म्रोंइ। च खेदोल रुँ च्‍यु, क्र ङि मुँल। चए रुँ ह्रोंसे मुकुट मुँल, क्र ह्रोंसे परमेश्‍वरए मिं वाबै आछ्याँबै मिं प्‍ह्रिल।

दर्शन 13:12

चइ ओंसोंबै खेदोए ताँन् हग चए उँइँर्न ओलेमल। पृथ्‍बी नेरो पृथ्‍बीर टिब्मैंलाइ च ओंसोंबै खेदोलाइ चइ फ्‍योद् बिसि ल्‍हैदिमल। च ओंसोंबै खेदोए थेबै घा सयाल।

दर्शन 13:14

ओंसोंबै खेदोए उँइँर चइ औदिबै चिनु मुँबै केमैं लबै शक्ति योंल, छतसि प्लेटोयान् तबै केमैं लसि चइ पृथ्‍बीर टिब्मैंए सैं खेंमैं ङाँइ लवाइ। धै “सेलाँइ ल्हिबै घा ससि सोबै ओंसोंबै खेदोए मान लबै ल्हागिर खेदोए कु घ्रि बनेद्” बिसि चइ म्‍हिमैंलाइ कर ल्‍हैदिइ।

दर्शन 14:11

चमैंए सजैं पिंबै मिए मिखु खोंयोंइन कैंडो ह्‍यारिब्‍मुँ। च खेदो नेरो चए कुलाइ पूजा लब्मैं, धै चए मिंए छाप झोंल् ङिंब्मैंइ त्‍हिंयाँ म्‍हुँइँस सजैं योंसि खोंयोंइ छिं ङ्हाँल् योंरिब् आरे।”

दर्शन 14:9

झाइले अर्को स्‍वर्गदूत ओंसोंबै स्‍वर्गदूत ङ्हिंए लिलि ल्‍हौदिसि थेबै कैले बिइ, “खाब‍मैंइ च खेदो नेरो चए कुलाइ पूजा लमुँ, धै ह्रोंसए यो नेरो ङ्‌होर च खेदोए छाप झोंमुँ,

दर्शन 16:2

छबिमा ओंसोंबै स्‍वर्गदूतइ ह्‍यासि पृथ्‍बीए फिर ह्रोंसने मुँबै प्‍हेलार्बै ह्रिस युवाइ। च लिउँइँ खेदोए छाप मुँब्‍मैं नेरो चए कुलाइ पूजा लब्मैंए ज्युर बेल्‍ले नल् लबै छेरन ङ्हाँबै घामैं खइ।

दर्शन 16:5

झाइले ताँन् ‍क्युए फिर हग मुँबै स्‍वर्गदूतइ छ बिब ङइ थेइ, “ओ पबित्र परमेश्‍वर, क्‍हि ओंसों ओनोंन् मुँल। तोगो या मुँ, क्‍हिइ क्ह्रोंसेंन्बै ठिक निसाफ लइमुँ!

दर्शन 17:14

चमैंइ क्‍यु च्हजए बिरोधर ल्हडें लब्‍मुँ। दिलेया क्‍यु च्हज नेरो खीजी हुइसि त्‍हाँबै बिश्‍वास लबै म्‍हिमैंइ चमैंलाइ ट्होवाब्‍मुँ, तलेबिस्याँ खी प्रभुमैंए फिर्बै प्रभु नेरो म्रुँमैंए फिर्बै म्रुँ ग।”

दर्शन 17:17

तलेबिस्याँ च म्रुँमैं च्‍युलाइ परमेश्‍वरजी छाबै के लबै सैं पिंइ: परमेश्‍वरजी बिबै ताँ ताँन् आतन् समा च खेदोइ ग्याल्स लरिगे बिसि चमैंइ ताँन् सैं घ्रिले खेंमैंए ग्याल्स लबै भों च खेदोलाइ पिंब्मुँ।

दर्शन 17:6

झाइले च च्हमिरिइ परमेश्‍वरए म्‍हिमैंए को नेरो येशूए ल्हागिर सिब्‍मैंए को थुँसि म्हेरब ङइ म्रोंइ। च म्रोंसि ङ प्लेटोयाइ।

दर्शन 18:20

(ओ स्वर्ग, च सहर थुँयाब् म्रोंसि सैं तोंन्! ओ परमेश्‍वरए म्‍हिमैं, कुल्मिंबै चेला चिब्मैं नेरो अगमबक्‍तामैं क्हेमैं ताँन् सैं तोंन्। तलेबिस्याँ च सहरइ क्‍हेमैं बेल्‍ले दुःख पिंल, छतसि परमेश्‍वरजी चलाइ नास लवाइ।)

दर्शन 18:24

अगमबक्‍तामैं नेरो परमेश्‍वरए म्‍हिमैं सैवाबै को च सहर तिगोंन् तल, छलेन पृथ्‍बीर म्हिमैंइ सैवाब्मैंए को या च सहरर्न मुँल।”

दर्शन 19:20

दिलेया परमेश्‍वरए फौजमैंइ च खेदो नेरो स्योर तेबै अगमबक्‍तालाइ क्‍हाइ। (च स्योर तेबै अगमबक्‍ताइ च खेदोए उँइँर ओंसों औदिबै चिनुमैं लसि खेदोए छाप किंब्‍मैं नेरो चए कुए पूजा लब्‍मैंलाइ स्योलिबै ताँ पोंसि चमैंए सैं खेंमैं ङाँइ च्यारवाल।) छतसि चमैं ङ्हिं सोगोंन् मि लुँरिबै बारुदए होंल्दोंर भ्योंवाइ।

दर्शन 20:4

झाइले ङइ ठिमैं म्रोंइ। धै परमेश्‍वरजी चए फिर क्हुँब्मैंलाइ निसाफ लबै हग पिंइ। येशूए ल्हागिर ग्वाइ पिंमा नेरो परमेश्‍वरए क्ह्रोंसेंन्बै ताँ बिप्रमा सैवाब्मैंए प्‍ल्‍ह ङइ म्रोंइ। च खेदोए छाप चमैंए ङ्‌हो नेरो योर आल्‍हैदिल, झाइले च खेदो नेरो चए कुलाज्यै या चमैंइ आफ्योल। चमैं सिबउँइँले धबै सोगों तसि ख्रीष्‍टने बालुन् हजार घ्रि बर्ष ग्याल्स लइ।