दर्शन 13:11 - परमेश्‍वरए ताँ तमु क्युइर

¹¹ च लिउँइँ धबै अर्को खदो घ्रि पृथ्‍बीउँइँले त्‍होंखरिब् ङइ म्रोंइ। च खेदोल क्यु च्हजए रुँ धों ब्योंबै रुँ ङ्हिं मुँल। दिलेया अजिङ्गर धोंलेन् च खेदो पोंमल।

दर्शन 13:11 ပူးပေါင်းရင်းမြစ်များ

मत्ती 7:15

“झाइले परमेश्‍वरए ताँमैं स्योर ताँ पोंब्मैंउँइँले न्हक्रों मि क्रोंले टिद्। चमैं क्‍हेमैंए उँइँर क्‍यु धोंले खमुँ, दिलेया सैं न्‍होंनों बिस्‍याँ बनर्बै ङ्हिंन् ङ्हाँबै प्‍याँगु धों तम्।

रोमी 16:18

तलेबिस्याँ छाबै म्‍हिमैंइ ङ्योए प्रभु येशू ख्रीष्‍टए ल्हागिर आङिं, दिलेया ह्रोंसए फोए ल्हागिर सेवा लम्। चमैंइ ननाओलिबै छ्याँबै ताँमैं पोंसि सोजो म्‍हिमैं धोका पिंम्।

२ थेसलोनिकी 2:4

म्हिमैंइ म्हाँदिरिबै ताँन् सैमैं भन्दा खी थेब् ग बिसि म्हिमैंइ म्हाँदिरिबै सैमैंए बिरोध चइ लम्। धै ङन् परमेश्‍वर ग बिसि च परमेश्‍वरए मन्‍दिरर क्हुँम्।

दर्शन 11:7

छले चमैंइ परमेश्‍वरए ताँ बिप्रबै के लल् खाँबै लिउँइँ च क्रोंउँइँले त्होंखबै खेदोइ च ग्वाइ पिंब्‍मैं ङ्हिंने ल्हडें लसि चमैंलाइ ट्होसि सैवाब्‍मुँ।

दर्शन 12:17

छतमा च अजिङ्गर च च्हमिरिने बेल्‍ले ह्रिस खइ। धै च च्हमिरिए अर्को सन्‍तानमैंने, अथवा परमेश्‍वरए ताँ ङिंब्‍मैं नेरो येशूए बारेर क्ह्रोंसेंन्‍बै ग्वाइ पिंब्मैंने ल्हडें लबर ह्‍याइ।

दर्शन 13:1

च लिउँइँ मा ङ्युँउँइँले खेदो घ्रि त्‍होंरिब् ङइ म्रोंइ। च खेदोल रुँ च्‍यु, क्र ङि मुँल। चए रुँ ह्रोंसे मुकुट मुँल, क्र ह्रोंसे परमेश्‍वरए मिं वाबै आछ्याँबै मिं प्‍ह्रिल।

दर्शन 13:17

च खेदोए मिंए छाप, अथवा चए मिंए नम्‍बरए छाप, ह्रोंसए ज्युर आरेइबिस्‍याँ खाबज्यै तोइ सै किंलै आयोंमल, तोइ चुँलै आयोंमल।

दर्शन 13:4

झाइले च अजिङ्गरइ ह्रोंसए हग खेदोलाइ पिंबइले ताँन् म्‍हिमैंइ अजिङ्गरलाइ फ्‍योइ। चमैंइ च खेदोलाज्यै या फ्‍योसि बिइ, “चु खेदो धों तब खाब् मुँ? चुने बालु खाबै या ल्हडें लल् आखाँ।”

दर्शन 16:13

झाइले अजिङ्गरए सुँउँइँले, आछ्याँबै खेदोए सुँउँइँले नेरो स्योलिबै ताँ पोंबै अगमबक्‍ताए सुँउँइँले प्‍हत्‍गु धों तबै स्यागि म्होंगि सों त्‍होंह्‍याब ङइ म्रोंइ।

दर्शन 17:6

झाइले च च्हमिरिइ परमेश्‍वरए म्‍हिमैंए को नेरो येशूए ल्हागिर सिब्‍मैंए को थुँसि म्हेरब ङइ म्रोंइ। च म्रोंसि ङ प्लेटोयाइ।

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।