दर्शन 13:10 - परमेश्‍वरए ताँ तमु क्युइर

¹⁰ झेलर झोंल् त्हुब्मैं झेलर्न झोंब्मुँ। सेलाँइ सैल् त्हुब्मैं, सेलाँइन सैब्मुँ। छतब म्रोंलेया परमेश्‍वरए म्‍हिमैं आङ्हिंन्, ढुक्‍कले बिश्‍वासर भोंब् तद्।”

दर्शन 13:10 ပူးပေါင်းရင်းမြစ်များ

मत्ती 26:52

छाब् म्रोंसि येशूजी चने “क्‍हिए सेलाँ स्युर झोंन् बिइ, तलेबिस्याँ सेलाँ छेब्मैं ताँन् सेलाँइन सैवाब्‍मुँ।

मत्ती 7:2

तलेबिस्याँ खैले क्हेमैंइ आगुए फिर छ्याब् ल्‍हैदिमुँ। छलेन परमेश्‍वरजी क्‍हेमैंए फिर छ्याब् ल्‍हैदिब्मुँ। क्‍हेमैंइ खैले क्होंएँमुँ, छलेन क्‍हेमैंलाज्यै या क्‍होंएँब्‍मुँ।

लूका 21:19

छतसि आनारद्, आसिन् समा सैदिद्, छलस्याँ क्‍हेमैं खोंयोंइ बिलै सोसि परमेश्‍वरने टिल् योंब्मुँ।”

कलस्सी 1:11

क्‍हेमैंए फिर तो तलेया क्हेमैंइ ढुक्‍कले सैदिल् खाँरिगे बिसि परमेश्‍वरए थेबै शक्‍तिउँइँले ताँन् भों योंरिगे। छतसि क्हेमैं सैं तोंदै भोंसि तद्।

हिब्रू 6:12

क्‍हेमैं प्ल्हेउ आतद्, बरु बिश्‍वास लसि दुःखै या सैदिसि परमेश्‍वरजी पिंम् बिसि बाछा फैबै सैमैं योंबै म्हिमैं तद्।

दर्शन 1:9

ङ क्‍हेमैंए आघें यूहन्‍ना ग। येशूए फिर बिश्‍वास लबइले क्‍हेमैंइ धोंलेन् ङज्यैया खैबन् दु:ख तलैया ङइ सैदिइमुँ। येशू ख्रीष्‍टए बारेर ग्वाइ पिंदै परमेश्‍वरए ताँ बिप्रबै लमा म्‍हिमैंइ ङलाइ मा ङ्युँइर मुँबै पत्‍मोस बिबै कोंर च्युथेंल।

दर्शन 11:18

ह्रें-ह्रेंमैं त्होंदो राइमुँ, दिलेया क्‍हि झन् बेल्‍ले ह्रिस खइमुँ, तलेबिस्याँ क्हिए फिर बिश्‍वास आलल्‍ले सियाब्‍मैंए ल्हागिर ठिक निसाफ लबै त्हे चेंदोन् खइमुँ। दिलेया क्‍हिए सेवा लबै अगमबक्‍तामैं, क्‍हिए पबित्र म्‍हिमैं नेरो क्‍हिने ङ्हिंब्‍मैं, थेब, च्‍योंब ताँनलाइ, इनाम पिंबै त्हे तइमुँ। छलेन पृथ्‍बीलाइ न्होह्रों लब्मैं ताँनलाइ नास लबै त्हे तइमुँ।”

दर्शन 14:12

दिलेया परमेश्‍वरए म्‍हिमैं बिस्याँ आङ्हिंन्ले ढुक्‍क तसि बिश्‍वासर भोंब तल् त्हुम्।

दर्शन 16:6

तलेबिस्याँ पृथ्‍बीर्बै म्‍हिमैंइ क्‍हिए पबित्र म्‍हिमैं नेरो क्‍हिए अगमबक्‍तामैं सैवासि को-कोन् लवाइ। छतसि चमैंए खि फोबर तोगो क्‍हिजी चमैंलाइ को थुँल् पिंइमुँ। चु चमैंइ योंल् त्हुबै सजैं ग।”

दर्शन 17:11

झाइले ओंसों सोगों मुँब दिलेया तोगो सियाबै खेदो प्ह्रेखेबै लार्बै म्रुँ ग। चु म्रुँ ङि न्‍होंर्बै घ्रि ग, दिलेया च नास तयाब्‍मुँ।

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।

दर्शन 2:19

क्‍हिइ लबै के ङइ सेइमुँ। झाइले क्‍हिइ कति थेबै म्हाँया लमुँ, कति थेबै बिश्‍वास मुँ, कति छ्याँबै सेवा लमुँ, कति ढुक्‍कले सैदिसि टिमुँ, च ताँन् ङइ सेइमुँ। झाइले क्‍हेमैंइ ओंसों लब् भन्दा तिंजोरो झन् ल्हें के लइमुँ बिब् ङइ सेइमुँ।

दर्शन 2:2

क्हिए बिश्‍वासीमैंइ लबै केमैं, क्हेमैंइ बेल्‍ले भोंले लबै केमैं नेरो क्हेमैंइ सैदिबै दु:खमैं ङइ सेइमुँ। झाइले क्हेमैंइ आछ्याँबै के लबै म्हिमैंलाइ आसैदि बिसे या ङइ सेइमुँ। को-कोइइ ‘ङि प्रभु येशूजी कुल्मिंबै चेला चिब्मैं ग’ बिसि स्योर तेमा चमैंए सैं फो किंसि क्हेमैंइ चमैं स्‍योर्गों मुँन बिब् सेबै या ङइ सेइमुँ।

दर्शन 3:10

पृथ्‍बीर्बै ताँन् म्हिलाइ जाँच लबर दुःख तबै त्हे खब्‍मुँ। दिलेया ङइ ‘ढुक्‍कले सैदिद्’ बिमा क्‍हेमैंइ ङिंइ, छतसि च जाँच लबै त्हेर खबै दु:खउँइँले ङइ क्‍हेमैंलाइ जोगेमिंस्‍यो।

दर्शन 3:3

छतसि क्‍हेमैंइ तो लोइ, तो थेइ, च ताँ मैंन्। च ताँइ बिब् धोंले के लसि पाप लबउँइँले सैं एद्। क्‍हि न्ह क्रों मि क्रों आतइबिस्याँ ह्‍यो खब् धोंले क्‍हेमैंइ था आसेल्‍ले ङ युब्‍मुँ।