दर्शन 12:7 - परमेश्‍वरए ताँ तमु क्युइर

⁷ च लिउँइँ स्‍वर्गर ल्हडें तइ। मिखाएल बिबै थेबै स्‍वर्गदूत नेरो चए न्होंर्बै स्‍वर्गदूतमैंइ च अजिङ्गरने ल्हडें लइ। च अजिङ्गर नेरो चए दूतमैं या चमैंने ल्हडें लइ।

दर्शन 12:7 ပူးပေါင်းရင်းမြစ်များ

भजनमैं 78:49

चमैंने बालु खी थेबै ह्रिस खल। छतसि चमैंलाइ न्होह्रों लबर खीजी सैवाबै दूतए बगल कुलइ।

मत्ती 13:41

च त्हिंइर म्हिए च्हजी ह्रोंसए स्‍वर्गदूतमैं ह्‍युलर कुल्‍मिंब्‍मुँ, धै पाप लबर ल्हैदिब्मैं नेरो आछ्याँबै के लब्मैं ताँनलाइ चमैंइ ङए ग्याल्सउँइँले खागु लसि

मत्ती 16:27

तलेबिस्याँ म्हिए च्ह खीए आबाए मान योंसि स्‍वर्गदूतमैंने युमा म्‍हिमैंइ खैबै के लइमुँ छाबन् नों खीजी पिंब्‍मुँ।

मत्ती 24:31

झाइले थेबै कैलै थुतुरि ह्रासि खीजी ह्रोंसए स्‍वर्गदूतमैं कुल्‍मिंब्‍मुँ। धै खीजी त्हाँबै म्हिमैं मुर्बै छेउ घ्रिउँइँले अर्को छेउ समा ह्‍युलर्बै ताँन् क्ल्ह्‍योउँइँले स्‍वर्गदूतमैंइ खी ङाँर खागु लब्मुँ।”

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मत्ती 26:53

ङ ह्रोंसए आबाने बालु ल्होमिंन् बिसि यो छ्युँ लल् आखाँ ङ्हाँल् वा? ङइ बिस्याँ आबाइ तोगोंन् ङ जोगेमिंबर च्युसे ङ्हिं पल्टन भन्दा ल्हें स्‍वर्गदूतमैं आकुल रो वा?

२ कोरिन्थी 12:7

दिलेया छाबै औदिबै दर्शनमैं ङइ ल्हें म्रोंलेया ङ थेब् आप्‍हैंरिगे बिसि प्रभुजी ङए ज्युर पुजु घ्रि थेंमिंइ। ङ थेब् आप्हैंरिगे बिसि च पुजु अथबा दुष्‍टए दूत घ्रि ङलाइ ह्रुगुदिबर थेंमिंइ।

एफिसी 6:12

तलेबिस्याँ ङ्यो म्‍हिमैंने नेब्मैं आङिं, ङ्योम् शासकमैं, अधिकारमैं, चु जुगए मिछु खैबर टिबै दुष्‍ट शक्‍ति मुँबै सैमैं नेरो परमेश्‍वरलाइ आम्‍हाँदिबै ताँन् स्‍यागि-म्‍होंगिमैंए बिरोधर नेब्मैं ग।

२ थेसलोनिकी 1:7

झाइले क्‍हेमैं दुःख योंब्‍मैं नेरो ङि या परमेश्‍वरजी सुख पिंब्‍मुँ। प्रभु येशू ह्रोंसए शक्‍ति मुँबै स्‍वर्गदूतमैंने लुँरिबै मिने स्‍वर्गउँइँले युबै त्हेर परमेश्‍वरजी ङ्योलाइ च सुख पिंब्मुँ।

हिब्रू 2:10

परमेश्‍वरजी खीउँइँलेन् ताँन् सै बनेइ बनेबै ताँन् सै खीए ल्हागिर्न बनेइ। चु बेल्‍ले छ्याँब मुँल। परमेश्‍वरजी ल्‍हें सन्तानमैं खीने बालुन् मान योंबै क्ल्ह्‍योर पखबै ल्हागिर चमैंए मुक्‍ति पिंबै येशूलाइ ल्‍हें दुःख नोल् पिंसि म्हिमैंए पाप त्होमिंइ।

२ पत्रुस 2:4

आछ्याँबै के लमा स्‍वर्गदूतलाज्यै या परमेश्‍वरजी ल्हयो आखल्‍ले निसाफ लबै त्हिंइ समा फैसि नर्गर्बै मिछु खबै क्ल्ह्‍योर भ्योंवाइ।

यहूदाइ प्‍ह्रिबै प्ह्रिछ्या 1:9

दिलेया स्वर्गदूतमैं न्होंर्बै चिब मिखाएलज्यै या मोशाए सिनुए बारेर दुष्‍ट‍ने ताँ लमा गाल् आके, छ्याब् ल्हैदिबै आँटै या आलल, बरु “क्‍हिलाइ याहवेहजीन् हौदिरिगे,” बिल।

दर्शन 12:8

दिलेया मिखाएलइ ट्होवासि च अजिङ्गर नेरो चए दूतमैं च त्हेउँइँले स्‍वर्गर टिल् आयों।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।

दर्शन 13:7

च खेदोइ परमेश्‍वरए म्‍हिमैंने ल्हडें लसि चमैंलाइ ट्होवाल् पिंइ। झाइले ताँन् कुलर्बै म्‍हिमैं, ताँन् ह्‍युलर्बै म्‍हिमैं, ताँन् क्युइ पोंब्‍मैं नेरो ताँन् ह्रेंर्बै म्‍हिमैंए फिरै या चलाइन ग्याल्स लल् पिंइ।

दर्शन 20:2

च स्‍वर्गदूतइ च अजिङ्गरलाइ, अथवा स्‍योंम्‍बै प्‍हुरिए क्हो किंबै स्‍योर्गु, शैतान बिबै दुष्‍टलाइ क्‍हासि हजार घ्रि बर्ष समा सँउँलिइ फैसि