दर्शन 12:15 - परमेश्‍वरए ताँ तमु क्युइर

¹⁵ झाइले च च्हमिरिलाइ नोबोरिगे बिसि च अजिङ्गरइ ह्रोंसए सुँउँइँले थेबै स्‍यों तेइ।

दर्शन 12:15 ပူးပေါင်းရင်းမြစ်များ

उत्पत्ति 3:1

याहवेह परमेश्‍वरजी बनेबै क्ह्‍योंर्बै सो प्ह्‍याबै सैमैं न्होंरि प्हुरि ताँन् भन्दा स्योर्गु मुँल। चइ च्हमिरिने “परमेश्‍वरजी क्हेमैंने बगैंचार्बै सिंधुँर्बै रो खाबै या आचद् बिइमुँ वा?” बिसि ङ्योएइ।

भजनमैं 18:4

कालए छोइ ङ कारग्यु लखइ, नास लवाबै बाढिइ ङ आदेल् लइ।

भजनमैं 65:7

थेबै कैले ङ्‍हेबै मा ङ्युँइ नेरो चर्बै भेल्गमैं ङ्‍हेब, नेरो ह्रें-ह्रेंमैंइ लबै खैला-बैला क्हिजीन् च्याँ लमिंम्।

२ कोरिन्थी 11:3

क्हेमैंइ छलकपट आलल्‍ले ख्रीष्‍टए फिर बिश्‍वास लबै सैं लइ, दिलेया स्‍योंम्‍बै हब्बालाइ प्‍हुरिइ खैले स्योर तेसि लुइ, छलेन क्हेमैंए सैं या न्होंवाम् उ बिसि ङ ङ्हिंइमुँ।

दर्शन 12:16

दिलेया च च्हमिरिलाइ जोगेमिंबै ल्हागिर पृथ्‍बीइ सुँ फैसि च अजिङ्गरए सुँउँइँले त्‍होंबै स्‍यों क्‍ल्‍ह्‍योंवाइ।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।

दर्शन 17:15

झाइले च स्‍वर्गदूतइ ङने बिइ, “च फ्यालुस्यो मुँबै सहरए कारर्ग्युबै स्योंमैं क्‍हिइ म्रोंइमुँ वा? चमैंए अर्थ स्यो-स्यो ह्‍युलमैं, स्यो-स्यो म्‍हिमैं, स्यो-स्यो ह्रेंमैं नेरो स्यो-स्यो क्युइमैं ग।

दर्शन 20:2

च स्‍वर्गदूतइ च अजिङ्गरलाइ, अथवा स्‍योंम्‍बै प्‍हुरिए क्हो किंबै स्‍योर्गु, शैतान बिबै दुष्‍टलाइ क्‍हासि हजार घ्रि बर्ष समा सँउँलिइ फैसि