दर्शन 12:10 - परमेश्‍वरए ताँ तमु क्युइर

¹⁰ झाइले स्‍वर्गर छ बिबै थेबै कै ङइ थेइ, “तारे ङ्योए परमेश्‍वरजी ह्रोंसए म्हिमैं जोगेमिंइमुँ! खीजी ह्रोंसए ग्याल्स लबै भों उँइँमुँ! तारे परमेश्‍वरजी कुल्मिंबै म्रुँ ख्रीष्‍टजी ह्रोंसए ग्याल्स लबै हग उँइँमुँ! तलेबिस्याँ ङ्योए अलि-अङाँमैंलाइ परमेश्‍वरए उँइँर त्‍हिंयाँ म्‍हुँइँस छ्याब् ल्‍हैदिबै दुष्‍ट स्‍वर्गउँइँले मिखाएलइ भ्‍योंवाइमुँ।

दर्शन 12:10 ပူးပေါင်းရင်းမြစ်များ

भजनमैं 22:28

तलेबिस्याँ ताँन् ह्रेंमैंए म्रुँ क्हिन् ग, क्हिजीन् खन्तोंदोंन् ग्याल्स लम्।

भजनमैं 45:6

ओ परमेश्‍वर, क्हिए ग्याल्स खोंयोंन् बिलै तरिम्। ठिक केमैं लसि ह्रोंसए म्हिमैंए फिर क्हिजी ग्याल्स लम्;

मत्ती 26:64

येशूजी चने बिइ, “ङ चन् ग बिसि क्‍हिइन बिइमुँ दि। ङ क्हेमैंने बिमुँ, तारे म्हिए च्ह ताँनइ म्हाँदिल् त्हुबै परमेश्‍वरए क्‍योलोउँइँ क्हुँरिब नरो मुर्बै न्‍हाँम्‍स्योर युरिब क्‍हेमैंइ म्रोंब्‍मुँ।”

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

मत्ती 6:10

क्हिए ग्याल्स युरिगे, स्‍वर्गर धोंले क्‍हिए सैंर मैंबै के पृथ्‍बीरै पूरा तरिगे।

लूका 11:2

येशूजी चमैंने बिइ, “क्‍हेमैंइ प्राथना लमा छले लद्: ‘ओ आबा, ताँन् म्हिमैंइ क्हिए मिं पबित्र म्हाँदिरिगे, क्हिए ग्याल्स युरिगे,

लूका 22:31

“ओ सिमोन, सिमोन, थेद्! म्हिमैंइ नौलिर गहुँ टाब् धोंले दुष्‍टइ क्‍हि टाल् योंरिगे बिसि यो छ्युँ लइमुँ।

१ कोरिन्थी 5:4

क्‍हेमैं ङ्योए प्रभु येशूए मिंर खागु तमा ङए सैं या क्‍हेमैंने बालु तमुँ। धै ङ्योए प्रभु येशूए शक्‍तिए के चर तब्मुँ।

२ कोरिन्थी 12:9

दिलेया प्रभुजी ङने बिइ, “ङए दयाम्हाँया योंसेरो क्हिलाइ अरू सै तोइ आचैदि, तलेबिस्याँ क्‍हि आखाँ आथुबै त्हेर ङए भोंइन तोन्दोंरि के लम्।” छतसि ख्रीष्‍टए भों ङने तरिगे बिसि आखाँ आथुबै त्हेरै या ङ सैं तोंन्लेन् प्हैंब्मुँ।

तीतस 2:3

छलेन माँब्‍मैंने या “छ्याँबै सैं प्‍ह्‍याल् त्‍हुम्, फ्रोम् ताँ क्योम् ताँ लब आत, प्हा ल्‍हें थुँब आत। बरु अरूलाइ छ्याँबै ताँमैं लोमिंल् त्‍हुम्,” बिद्।

१ पत्रुस 5:8

बरु न्ह क्रों मि क्रोंले टिद्, तलेबिस्याँ क्‍हेमैंए शत्तुर दियाबलस बिबै दुष्‍ट खाबलाइ सैसि चब् ङ्‍हे बिसि सिंह धोंले बेल्‍ले थेबै कै तेदै स्युर प्रम्।

दर्शन 11:15

झाइले धाँसे लिउँबै स्‍वर्गदूतइ थुतुरु ह्रामा स्‍वर्गउँइँले थेबै कैमैंइ “ङ्योए याहवेह परमेश्‍वर नेरो खीजी कुल्मिंबै म्रुँ ख्रीष्‍टजी पृथ्‍बीर्बै ग्याल्स लबै हग योंइमुँ। खीजी खोंयोंन् बिलै ग्याल्स लरिब्‍मुँ,” बिरिल।

दर्शन 2:26

“खाब‍इ दुष्‍टए फिर ट्होमुँ, धै ङइ खोबै केमैं आखिरि त्हिंइ समा लरिमुँ, चमैंलाइ ङइ अरू ह्रेंमैंए फिर ग्याल्स लबै हग पिंब्‍मुँ।

दर्शन 7:10

झाइले चमैंइ थेबै कैले बिइ, “राजगद्दिर क्हुँबै ङ्योए परमेश्‍वर नेरो क्‍यु च्हजजी मुक्‍ति पिंम्।”