दर्शन 10:3 - परमेश्‍वरए ताँ तमु क्युइर

³ झाइले सिंह ङ्‌हेब् धोंले चइ थेबै कै तेइ। चइ कै तेबै लिउँइँ काम्‍लि तिम्‍लि रादै मुउँइँले थेबै कै ङि त्होंइ।

दर्शन 10:3 ပူးပေါင်းရင်းမြစ်များ

भजनमैं 29:3

याहवेहए कै मा ङ्युँइ फिर थेल् खाँम्, मान पिंल् त्हुबै परमेश्‍वर बेल्‍ले ओरम्, याहवेह थेबै कैले मा ङ्युँइए फि-फि ओरम्।

हितोपदेश 19:12

म्रुँ ह्रिस खब सिंह ङ्‍हेब् धों तब् ग, दिलेया म्रुँइ ल्हयो खस्याँ छिर्बै शीत धों तम्।

दर्शन 14:2

झाइले ङइ स्‍वर्गउँइँले बेल्‍ले नुबै क्‍यु छारेए कै धों तब, अथवा थेबै मु ङ्‌हेब् धों तबै कै थेइ। चए कै बीणा ह्राब्मैंइ ह्राबै बिणाए कै धों तब् मुँल।

दर्शन 15:1

धबै स्‍वर्गर बेल्‍ले थेबै औदिबै चिनु घ्रि ङइ म्रोंइ। चर स्‍वर्गदूत ङि मुँल, चमैंने आखिरि थेबै दुःख ङि मुँल। च दुःख तल् खाँबै लिउँइँ मत्‍त्रे परमेश्‍वरए ह्रिस म्हम्।

दर्शन 15:7

चर्बै सो प्ह्‍याबै सै प्लि न्‍होंर्बै घ्रिइ च स्‍वर्गदूत ङिलाइ खोंयोंइ तरिबै परमेश्‍वरए ह्रिसइ प्लिंबै प्‍हेल ङि पिंइ। च प्‍हेल ङि माराल् मुँल।

दर्शन 4:5

च राजगद्दिउँइँले काम्‍लि तिम्‍लि धोंबै चारबै बत्तिमैं म्रोंमल धै मु ङ्‌हेबै कैमैं थेमल। च राजगद्दिए उँइँरि मि लुँब् धोंबै बत्ति ङि मुँल। च बत्तिमैं परमेश्‍वरए प्ल्ह ङि मुँल।

दर्शन 8:5

झाइले च स्‍वर्गदूतइ ख्रो पिंबै क्ल्ह्‍योर्बै मि भुर धूपारार तिगोंले झोंसि पृथ्‍बीर भ्‍योंवाइ। झाइले मु ङ्‌हेसि, काम्‍लि तिम्‍लि रासि पृथ्‍बीर सयो ह्‍याइ।