दर्शन 1:16 - परमेश्‍वरए ताँ तमु क्युइर

¹⁶ खीए क्‍योलो योर मुसारा ङि मुँल। झाइले खीए सुँउँइँले दोहोरोन् धार मुँबै सेलाँ त्‍होंल। खीए लि त्‍हिंयाँ आधार्बै त्‍हिंयाँ धोंले बेल्‍ले चारब मुँल।

दर्शन 1:16 ပူးပေါင်းရင်းမြစ်များ

भजनमैं 45:3

ओ थेब शक्‍ति मुँबै म्रुँ, क्हिए थेबै मिंए मान नेरो क्हिए थेबै केमैं उँइँबै ल्हागिर ह्रोंसए क्रेर सेलाँ खिद्।

मत्ती 17:2

कोंर फेनेमा चमैंए उँइँर येशूए रुप फेर्दियासि खीए लि त्‍हिंयाँ धोंले चारयाइ।

चेला चिब्मैंए केमैं 26:13

ओ अग्रिपास म्रुँ, च त्हिंइ आधार ङि घ्याँर ह्‍यारिमा त्हिंयाँ भन्दा चारबै ह्‍वे ङइ स्वर्गउँइले युब म्रोंइ। च ह्‍वे ङ नेरो ङने ह्‍याब्मैंए कारग्युले चाररिल।

एफिसी 6:17

झाइले तो सैज्यै या क्रर आटरिगे बिसि पैए कुले कुब् धोंलेन् परमेश्‍वरजी ङ्योलाइ जोगेमिंइमुँ बिसि खैलसे था सेद्। धै पबित्र प्ल्हजी पिंबै सेलाँ छेद्। च तो जा बिस्याँ परमेश्‍वरए बचन ग।

हिब्रू 4:12

परमेश्‍वरए ताँ सोगों मुँ धै खोंयोंन् बिलै के लरिम्, धै चु धार ङ्हिं मुँबै सेलाँ भन्दा छ्यारब् तम्। चुइ सो नेरो प्ल्हलाइ, चए जोर्नि-जोर्नि नेरो ह्रुइबए टों समा भाग भाग लसि क्योंजा चोंजा तल्‍ले थोंसि सैंर्बै ताँ नेरो बिचार जाँच लल् खाँम्।

दर्शन 1:20

ङए क्‍योलो योर क्‍हिइ म्रोंबै मुसारा ङिउलो नेरो माराए पानस ङिउलोए अर्थ चु ग: मुसारा ङिउलोए अर्थ नाँस ङिउलोर्बै बिश्‍वासीमैंए फिर्बै चिब्मैं ग, झाइले चु पानस ङिउलोए अर्थ नाँस ङिउलोर्बै बिश्‍वासीमैं ग।

दर्शन 10:1

च लिउँइँ अर्को बेल्‍ले भों मुँबै स्‍वर्गदूत घ्रि स्‍वर्गउँइँले युरिब् ङइ म्रोंइ। च स्‍वर्गदूतलाइ न्‍हाँम्‍स्योइ बेर्दिल, झाइले चए क्र कारग्युले ह्‍यागों मुँल। चए लि त्‍हिंयाँ धों तब् मुँल, धै चए प्‍हले लुँरिबै मिए प्हैं धों तब् मुँल।

दर्शन 12:1

च लिउँइँ मुर औदिबै चिनु म्रोंइ: च्हमिरि घ्रिइ त्‍हिंयाँ खिल, चए प्‍हले न्‍होंर लयाँ मुँल, धै चए क्रर च्युसे ङ्हिं मुसारए मुकुट मुँल।

दर्शन 19:15

ताँन् ह्रेंमैंलाइ ल्हिबर खीए सुँउँइँले छ्यारबै सेलाँ त्‍होंल। खीजी पैए प्‍हरे छेसि ताँन् ह्रेंमैंए फिर ग्याल्स लमा ताँन् भन्दा थेबै शक्‍ति मुँबै परमेश्‍वरए ह्रिसइ प्लिंबै कोल खीजी प्लेवाब्‍मुँ।

दर्शन 19:21

झाइले चमैंए ताँन् फौजमैंलाइ घोडाए फिर क्रेबै म्‍हिए सुँउँइँले त्‍होंबै सेलाँइ सैवाइ। धै ताँन् नमेमैंइ चमैंए से म्रेंन्ले चइ।

दर्शन 2:1

“एफिसस नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “मुसारा ङिउलो क्‍योलो योर छेसि माराए पानस ङिउलोए म्‍हाँजोर प्रबै येशूजी चु ताँ बिइमुँ:

दर्शन 2:12

“पर्गामम नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “छ्यारबै दोहोरो धार मुँबै सेलाँ मुँबै येशूजी चु ताँ बिइमुँ:

दर्शन 2:16

छतसि क्हेमैंए पापमैंउँइँले सैं एद्। आस्‍याँ ङ क्‍हि ङाँर युनन् युसि च म्‍हिमैंने बालु ङए सुँउँइँले त्‍होंबै सेलाँइ ङइ ल्हडें लब्‍मुँ।

दर्शन 3:1

“सार्डिस नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “चु ताँ परमेश्‍वरए प्ल्ह ङि नेरो मुसारा ङि मुँबै येशूजी बिइमुँ: क्‍हेमैंइ लबै के ङइ सेइमुँ। म्हिमैंइमि क्‍हेमैं सोगोंन् मुँ ङ्हाँइमुँ, दिलेया क्‍हेमैं सियाइमुँ।