दर्शन 1:10 - परमेश्‍वरए ताँ तमु क्युइर

¹⁰ प्रभुए त्हिंइर पबित्र प्ल्हजी ङलाइ प्लिंइ। च्हमा ङए लिउँइँ थुतुरुल् धों तबै कैइ,

दर्शन 1:10 ပူးပေါင်းရင်းမြစ်များ

मत्ती 22:43

येशूजी चमैंने बिइ, “छ बिस्‍याँ दाऊदइ परमेश्‍वरए पबित्र प्ल्हउँइँले खैले खीने प्रभु बिइ दि? तलेबिस्याँ दाऊदइ खीए बारेर छले बिइमुँ:

यूहन्‍ना 20:19

च आइतबारए ङेसार चेलामैं यहूदी चिबनाँब्मैंने ङ्हिंसि म्रा तोरसि धिं न्होंर टिरिल। छले टिरिमा येशू चमैंए म्हाँजोर राखसि “क्हेमैं छिं ङ्हाँरिगे,” बिइ।

यूहन्‍ना 20:26

प्रेरो लिउँइँ खीए चेलामैं म्रा तोरसि धिं न्होंर्न टिरिल। थोमा या चमैंने बालुन् मुँल। च त्हेर्न येशू धिं न्होंर होंखसि चमैंए म्हाँजुर रासि “क्‍हेमैं छिं ङ्हाँरिगे,” बिइ।

चेला चिब्मैंए केमैं 20:7

आइतबार त्हिंइर ङि प्रभु भोज चबर खागु तमा पावलइ प्हँन्हाँग्धों ह्‍याबै सैं लबइले म्‍हुँइँस आधा समन् चमैंने बालु ताँमैं सेरिल।

१ कोरिन्थी 12:3

छतसि क्‍हेमैंइ चु ताँ क्होरिगे बिब ङए सैं मुँ, परमेश्‍वरए प्ल्हउँइँले पोंबै म्हिइ येशूलाइ स्यारल् आखाँ, झाइले अर्को ताँ पबित्र प्ल्हउँइँले मत्‍त्रे “येशून् प्रभु ग” बिल् खाँम्।

१ कोरिन्थी 16:2

सद् ह्रोंसे क्हेमैं ताँनइ ह्रों‍-ह्रोंसए कमैं अनुसार मुइ स्यो थेंन्। छ लस्याँ ङ खबै त्हेर मुइ स्योरिल् आत्‍हु।

दर्शन 17:3

झाइले ङ पबित्र प्ल्हए न्होंर मुँमा च स्‍वर्गदूतइ क्यु आयोंबै क्ल्ह्‍योरि ङलाइ क्‍हासि बोइ। चर च्हमिरि घ्रि ओल्‍ग्‍या खेदो फिर क्हुँरिब् ङइ म्रोंइ। च खेदोए ज्यु तिगोंन् परमेश्‍वरए आब्रु वाबै ताँमैं प्‍ह्रिथेंल, धै चल क्र ङि नेरो रुँ च्‍यु मुँल।

दर्शन 21:10

च्हमा ङ परमेश्‍वरए प्ल्हजी प्लिंल, स्‍वर्गदूतइ ङलाइ बेल्‍ले नुबै कोंर बोइ। झाइले परमेश्‍वर टिबै स्वर्गउँइँले क्युरु तयुरिबै पबित्र सहर यरूशलेम चइ ङने उँइँइ।