भजनमैं 97:12 - परमेश्‍वरए ताँ तमु क्युइर

¹² ओ ठिक के लब्मैं, याहवेहने सैं तोंन्, धै खीए पबित्र मिंर धन्यबाद पिंन्!

भजनमैं 97:12 ပူးပေါင်းရင်းမြစ်များ

भजनमैं 30:4

ओ याहवेहए म्हिमैं, खीए ल्हागिर भजन प्रिंन्, धै खीए पबित्र मिंर धन्यबाद पिंन्।

भजनमैं 30:5

तलेबिस्याँ खी तिस्याँदे मत्‍त्रे ह्रिस खम्, दिलेया ङ्योए छ्ह तिगोंन् खीजी ल्हयो खरिम्। म्हुँइँस् तिमिंन् मिग्लि युलेया न्हाँगर बिस्याँ सैं तोंल् योंब्मुँ।

भजनमैं 32:11

ओ ठिक के लब्मैं, याहवेहजी लबै केमै मैंसि सैं तोंसि कै तेद्, ओ छ्याँबै सैं प्ह्‍याब्मैं, सैं तोंदै खीए जयजय लद्।

भजनमैं 60:6

“शकेमलाइ ट्होसि ङइ चुमिंब्मुँ, धै सुक्‍कोतर्बै ब्याँसि च्हैंसि स्यो-स्यो लब्मुँ,” बिसि परमेश्‍वरजी ह्रोंसए पबित्र क्‍ल्‍ह्‍योउँइले बिइमुँ।

फिलिप्पी 4:4

छतसि प्रभुर खोंयोंन् बिलै सैं तोंन्। ङ धबै बिमुँ, सैं तोंन्।

हिब्रू 12:10

ङ्योए आबामैंइ छ्याँब् मैंब् धों तरिगे बिसि ङ्योलाइ तिस्याँदे तार झोंइ। दिलेया परमेश्‍वर आबाजीम् ङ्यो खी धोंबन् पबित्र तसि ङ्योइ आशिक योंरिगे बिसि तार झोंम्।