भजनमैं 97:11 - परमेश्‍वरए ताँ तमु क्युइर

¹¹ ठिक के लब्मैंए फिर परमेश्‍वरए ह्‍वे चारम्, धै छ्याँबै खों प्ह्‍याब्मैं सैं तोंल् योंब्मुँ।

भजनमैं 97:11 ပူးပေါင်းရင်းမြစ်များ

एस्तर 8:16

धै यहूदीमैं बेल्‍ले सैं तोंइ, तलेबिस्याँ तारे ङ्हिंल् आत्हुमल।

भजनमैं 112:4

सोजो म्हिमैंए ल्हागिर म्हुँइँसरै या ह्‍वे चारम्, चमैंइ दयाम्हाँया लम्, ल्हयो खम्, ठिक के लम्।

भजनमैं 18:28

ओ याहवेह, क्हिजी ङए बत्ति लुँरिल् पिंम्, ङ मिछु खैबर प्ररिमा ङए परमेश्‍वरजी मि म्रोंल् लमिंम्।

भजनमैं 68:4

परमेश्‍वरए मिंर क्वे प्रिंन्, खीए मिं थेब् लबै क्वे प्रिंन्; न्हाँम्स्योमैंए फिर क्रेसि स्युरबै परमेश्‍वरलाइ थेब् लद्; खीए मिं याहवेह ग; खीए उँइँर सैं तोंन्!

हितोपदेश 4:18

दिलेया ठिक के लप्रबै म्हि प्रबै घ्याँ चारबै ह्‍वे धोंन् तम्, च ह्‍वे त्हिंयाँ आधा समा बेल्‍ले चारदै ह्‍याम्।

यूहन्‍ना 12:46

ङए फिर बि‍श्‍वास लब्मैं मिछु खैबर टिल् आत्हुरिगे बिसि ङ ह्‍युलर चारबै ह्‍वे तसि युइमुँ।

गलाती 6:8

खाबइ ह्रोंसए आछ्याँबै सैंउँइँले आछ्याँबै इच्‍छाए केमै लमुँ, च नास तयाब्‍मुँ, दिलेया खाबइ पबित्र प्ल्हजी बिब् धोंबै केमैं लमुँ, चइ पबित्र प्ल्हउँइँलेन् खोंयोंइ आखाँबै छ्ह योंब्‍मुँ।

दर्शन 21:23

च सहरर मि म्रोंबै ल्हागिर त्हिंयाँ नेरो लयाँ आचैदि, तलेबिस्याँ परमेश्‍वरए ह्‍वे चए फिर चारमुँ, च सहरर्बै बत्ति क्‍यु च्हजन् ग।

दर्शन 22:5

च सहरर खोंयोंइ या म्‍हुँइँस तरिब् आरे। छतसि चमैंलाइ बत्ति नेरो त्‍हिंयाँ चैदिरिब आरे, तलेबिस्याँ याहवेह परमेश्‍वरए ह्‍वेजीन् चमैंए मि म्रोंल् लमिंब्मुँ। धै म्रुँइ लब् धोंले चमैंइ खोंयोंइ या ग्याल्स लब्‍मुँ!