भजनमैं 96:7 - परमेश्‍वरए ताँ तमु क्युइर

⁷ ओ ह्रें-ह्रेंमैंए परवा, याहवेहए बयन लद्! याहवेहए मिं बेल्‍ले थेब् मुँ, खी बेल्‍ले भोंब् मुँ बिसि बयन लद्!

भजनमैं 96:7 ပူးပေါင်းရင်းမြစ်များ

भजनमैं 22:27

ह्‍युलर मुँबै ताँन् ह्रेंमैंइ क्हिलाइन मैंब्मुँ धै क्हि ङाँइँन तोखब्मुँ। ह्रें-ह्रेंर्बै म्हिमैं ताँनइ क्हिलाइन फ्योब्मुँ।

मत्ती 6:13

ङिलाइ पापर च्होल् आपिंनु, दुष्‍टउँइँले जोगेमिंनु। [तलेबिस्याँ ग्याल्स, शक्‍ति नेरो थेबै मान खोंयोंइ बिले क्हिलन् ग। आमेन।]

लूका 2:14

“स्वर्गरि परमेश्‍वए मिं थेब तरिगे, धै पृथ्‍बीरि खीजी त्‍हाँबै म्‍हिमैंने शान्‍ति तरिगे!”

१ पत्रुस 5:11

खीलाइन भों नेरो शक्‍ति खोंयोंन् बिलै तरिगे। आमेन, छाबन् तरिगे।

दर्शन 14:7

चइ थेबै कैले बिइ, “परमेश्‍वरने ङ्हिंन्, धै खीए मिं क्वेद्। तलेबिस्याँ खीजी म्‍हिमैंलाइ निसाफ लबै त्हे तखइमुँ। स्वर्ग, पृथ्‍बी, मा ङ्युँइ नेरो क्‍युए मुल्मैं बनेबै परमेश्‍वरलाइ पद्खु तसि फ्‍योद्।”

दर्शन 19:1

छ तबै लिउँइँ स्‍वर्गर म्‍हिए हुलइ थेबै कैले छ बिरिब ङइ थेइ, “परमेश्‍वरए मिं थेब तरिगे! खीए मान तरिगे! तलेबिस्याँ खीए शक्‍तिजी ङ्योलाइ जोगेथेंइमुँ,

दर्शन 19:6

च लिउँइँ ङइ धबै कै थेइ। च कै म्‍हि हुलए कै धों तब, क्‍यु छारेए कै धों तब नेरो मु ङ्‌हेब् धों तब मुँल। च कैइ बिइ, “परमेश्‍वरए मिं थेब तरिगे! तलेबिस्याँ याहवेह ङ्योए परमेश्‍वर, ताँन् भन्दा थेबै शक्‍ति मुँबै परमेश्‍वर ग, खीजी ताँन् सैए फिर ग्याल्स लम्।

दर्शन 5:13

छलेन स्‍वर्गर, पृथ्‍बीर, क्रोंर, मा ङ्युँइर, खन्तोंदोंन् मुँबै सो प्ह्‍याबै सैमैंइ “राजगद्दिर क्हुँबै परमेश्‍वर नेरो क्‍यु च्हजलाइ धन्‍यबाद, थेबै मान नेरो भों खोंयोंन् बिलै तरिगे।” बिसि क्वे प्रिंब ङइ थेइ।

दर्शन 5:9

झाइले चमैंइ छारा भजन घ्रि प्रिंइ: “च काउदए प्हैं किंसि चर्बै छाप फोर्दिसि ङ्‍ह्‍योबै लायकर्बै क्‍हि मुँ। तलेबिस्याँ म्‍हिमैंइ क्हिलाइ सैवाल, दिलेया ताँन् कुलउँइँले, ताँन् क्युइ पोंब्‍मैंउँइँले, ताँन् ह्‍युलर्बै म्हिमैंउँइँले नेरो ताँन् ह्रेंमैंउँइँले, क्‍हिए कोजी परमेश्‍वरए ल्हागिर क्हिजी म्हिमैंलाइ खामिंइ।

दर्शन 7:12

“आमेन! ङ्योए परमेश्‍वरए मिं खोंयोंन् बिलै थेब् तरिगे! थेबै मान, ह्रब् सेब, धन्‍यबाद, ट्होब नेरो भोंब खोंयोंन् बिलै या खीलन् तरिगे। आमेन!”