भजनमैं 96:6 - परमेश्‍वरए ताँ तमु क्युइर

⁶ खीए उँइँर इजेत नेरो मान मुँ; खीए पबित्र क्‍ल्‍ह्‍यो म्रोंमा खी कति भोंब मुँ, कति छ्याँब् मुँ बिसि सेल् खाँम्।

भजनमैं 96:6 ပူးပေါင်းရင်းမြစ်များ

भजनमैं 104:1

ओ ङए सो, याहवेहए मिं क्वेद्! ओ ङए याहवेह परमेश्‍वर, क्हि बेल्‍ले थेब मुँ! क्वें खिब् धोंले क्हिजी मान नेरो इजेत पैरेइमुँ।

भजनमैं 19:1

परमेश्‍वरए छ्याँबै बयन मुइ लमुँ, खीजी बनेबै मुसारामैंइ खीए केमैं उँइँमिंम्।

भजनमैं 27:4

ङइ याहवेहने ताँ घ्रि ह्रिइमुँ, ङइ म्हैबै ताँ चुन् ग: खी टिबै क्ल्ह‍योर ङइ खीलाइ म्हैल् खाँरिगे, ङए छ्ह तिगोंन् याहवेहए धिंर टिल् योंरिगे, धै खीए छ्याँबै केमैं ङ्ह्‍योल् योंरिगे।

भजनमैं 29:9

याहवेहए कैइ चाँफए धुँमैं ख्योदे लवाम्, क्ह्‍यों तोइ आचैन् लवाम्, छतसि “परमेश्‍वर बेल्‍ले थेब मुँ!” बिदै खीए मन्दिरर ताँन् म्हिमैं ओरम्।

भजनमैं 50:2

बेल्‍ले छ्याँबै सियोनउँइँले बेल्‍ले म्हारल्‍ले परमेश्‍वर चारइमुँ।

भजनमैं 63:5

लिंबै चबै सैमैं चसि म्रेंब् धोंले ङए सो छिं ङ्हाँब्मुँ, ङए सुँइ सैं तोंबै क्वेमैं प्रिंसि क्हिलाइन थेब् लब्मुँ,

भजनमैं 8:1

ओ याहवेह, ङिए क्ल्हे, ह्‍युल तिगोंन् क्हिए मिं बेल्‍ले थेब मुँ! क्हिए मिंर क्वे प्रिंब मु भन्दा क्होवाइ थेनेम्।

भजनमैं 93:1

याहवेहजी ग्याल्स लमुँ! म्रुँइ खिब् धों तबै क्वें खीजी खिम्, फगि खिसि भों खब् धोंले याहवेह बेल्‍ले शक्‍ति मुँब मुँ। पृथ्बीए तें बेल्‍ले भोंब् मुँ, च खोंयोंइ छाइ-छुइ तरिब् आरे।

हिब्रू 1:3

परमेश्‍वरए ह्‍वे खीए च्हनेन् चारमुँ, परमेश्‍वर खैब मुँ खी या छाबन् मुँ। धै मु नेरो पृथ्‍बी खीए शक्‍ति मुँबै बचनइ धाँदिइमुँ। म्‍हिमैंए पाप त्होमिंबै के लल् खाँसि खी ताँन् भन्दा थेबै शक्‍ति मुँबै परमेश्‍वरए क्‍योलोउँइँ नुबै क्ल्ह्‍योर टिइमुँ।