भजनमैं 96:4 - परमेश्‍वरए ताँ तमु क्युइर

⁴ तलेबिस्याँ याहवेह बेल्‍ले थेब मुँ, धै खीए मिं बेल्‍ले नुल्‍ले क्वेल् त्हुब मुँ; ताँन् देवतामैंल् भन्दा खीए मिं बेल्‍ले क्वेल् त्हुम्।

भजनमैं 96:4 ပူးပေါင်းရင်းမြစ်များ

भजनमैं 145:3

याहवेह थेब मुँ, धै थेब् लसि म्हाँदिल् त्हुब मुँ, खी कति थेब मुँ बिसि खाबज्यै क्होल् आखाँ।

भजनमैं 150:2

खीजी लबै थे-थेबै केमैंए बारेर खीए मिं क्वेद; खी बेल्‍ले थेबै परमेश्‍वर ग, छतसि खीए मिं क्वेद्!

भजनमैं 18:3

ङ याहवेहए मिं किंम्, खी मान लल् त्हुब मुँ, ङए शत्तुरमैंउँइँले खीजी ङ जोगेमिंब्मुँ।

भजनमैं 48:1

याहवेह बेल्‍ले थेब मुँ, धै ङ्योए परमेश्‍वरए सहरर, खीए पबित्र कोंर, खी बेल्‍ले थब् लल् त्हुब मुँ!

भजनमैं 66:3

“क्हिजी लबै केमैं औदिले छ्याँब मुँ!” बिसि परमेश्‍वरने बिद्। “क्हिए शक्ति बेल्‍ले थेब् मुँ, छतसि क्हिए शत्तुरमैं ङ्हिंसि क्हिए उँइँर कुरम्।

भजनमैं 66:5

खो, परमेश्‍वरजी लबै केमैं ङ्‍ह्‍योद्, म्हिमैंए ल्हागिर खीजी लबै केमैं औदिले छ्याँब् मुँ!

भजनमैं 76:7

दिलेया ओ याहवेह, क्हिने मत्‍त्रे ङ्हिल् त्हुब मुँ! क्हि ह्रिस खमा क्हिए उँइँर खाब् राल् खाँमुँ?

भजनमैं 86:10

तलेबिस्याँ क्हि बेल्‍ले थेब मुँ धै औदिबै केमैं लम्; घ्रि मत्‍त्रे परमेश्‍वर क्हि ग।

भजनमैं 89:7

स्वर्गदूतमैं च्होंबै क्ल्ह्‍योर परमेश्‍वरने बेल्‍ले ङ्हिंल् त्हुम्, धै खीए खागु मुँब्मैंइ खीए मान लल् त्हुम्।

भजनमैं 95:3

तलेबिस्याँ याहवेह बेल्‍ले थेबै परमेश्‍वर ग, ताँन् देवतामैंए फिर्बै थेबै म्रुँ खीन् ग।

प्रस्थान 18:11

याहवेह ताँन् देवतामैं भन्दा थेब मुँन बिसि ङइ तोगो सेइ, तलेबिस्याँ मिश्रीमैंइ इस्राएलीमैंए फिर आछ्याँबै के लमा खीजी चमैंलाइ जोगेमिंइ।”

लूका 12:5

दिलेया खाब् म्रोंसि ङ्हिंल् त्‍हुम् बिस्याँ ङ क्‍हेमैंने बिमुँ, क्‍हेमैं परमेश्‍वर म्रोंसि ङ्हिंनु, तलेबिस्याँ म्हि सैवासि नर्गर भ्‍योंवाबै शक्‍ति खीने मुँ।

दर्शन 15:4

ओ प्रभु, क्‍हि म्रोंसि ताँन् म्‍हिमैं ङ्हिंल् त्‍हुम्, धै ताँन् म्हिमैंइ क्हिए मान लल् त्‍हुम्, तलेबिस्याँ क्‍हि मत्‍त्रे पबित्र परमेश्‍वर ग। ताँन् ह्रेंमैं क्‍हि ङाँर खसि क्हिलाइ फ्‍योब्‍मुँ, तलेबिस्याँ क्‍हिजी ठिक निसाफ लम् बिसि ताँनइ म्रोंल् खाँइमुँ।”