भजनमैं 93:2 - परमेश्‍वरए ताँ तमु क्युइर

² ओ याहवेह, क्हि टिबै राजगद्दि स्योंम् ओंनोंन् भोंन्ले थेंइमुँ, क्हि ओंसों ओंनोंन् मुँल।

भजनमैं 93:2 ပူးပေါင်းရင်းမြစ်များ

भजनमैं 145:13

क्हिए ग्याल्स खोंयोंन् बिलै तरिबै ग्याल्स ग, पुस्ता-पुस्ता समा क्हिजी क्ल्हे लरिब्मुँ। याहवेहजी फैबै ताँन् बाछामैं भर लल् खाँब मुँ, ह्रोंसइ बनेबै तोन्दोंरि सैलाइ खीजी म्हाँया लम्।

भजनमैं 45:6

ओ परमेश्‍वर, क्हिए ग्याल्स खोंयोंन् बिलै तरिम्। ठिक केमैं लसि ह्रोंसए म्हिमैंए फिर क्हिजी ग्याल्स लम्;

भजनमैं 55:20

ङए थुइ ह्रोंसने क्ह्रिबै थुमैंए फिर्न खैच्हिजी लइ; छले चइ ह्रोंसइ फैबै बाछा फुवाइ।

भजनमैं 90:2

कोंमैं तखब् भन्दा ओंसों, क्हिजी पृथ्बी नेरो ह्‍युल बनेब भन्दा ओंसों, ओंसोंउँइँले लिउँइँ समा क्हिन् परमेश्‍वर ग।

हिब्रू 13:8

येशू ख्रीष्‍ट खोंयोंन् बिलै ङ्‍हरि-कुरि आत! खी तेला, तिंयाँ, खोंयोंइ बिलेन् घ्रिन् तरिम्।

दर्शन 1:11

“क्‍हिइ म्रोंबै ताँ कितबर प्‍ह्रिसि नाँस ङिर्बै एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नेरो लाउडिकिया बिबै नाँसर्बै बिश्‍वासीलाइ पिमिंन् बिब ङइ थेइ।”

दर्शन 1:8

“ताँन् भन्दा ओंसोंबै नेरो ताँन् भन्दा लिउँइँबै ङन् ग। बिसि तोन्दोंरि लल् खाँबै परमेश्‍वरजी बिइमुँ, खी मुँल, मुँ, लिउँज्यै या युब्‍मुँ। ग!”

दर्शन 2:8

“स्‍मुर्ना नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “चु ताँ ओंसों ओनोंन् मुँब नेरो लिउँइँ समा तरिबै येशूजी बिइमुँ, ङ सियाल, दिलेया धबै सोगों तइ।