भजनमैं 92:12 - परमेश्‍वरए ताँ तमु क्युइर

¹² ठिक के लबै म्हिमैं बिस्याँ छोग्रए धुँ धोंले मौलदिम्; लेबनानल कोंर्बै थेबै देवदारु सिं धुँ धोंले चमैं थेब त-तै ह्‍याब्मुँ।

भजनमैं 92:12 ပူးပေါင်းရင်းမြစ်များ

एस्तर 9:5

छतसि यहूदीमैंइ खेंमैंलाइ हेल लब्मैंलाइ खै लदा ङ्हामुँ छान् लल् योंइ। धै चमैंइ ताँन् शत्तुरमैं सेलाँइ सैवाइ।

भजनमैं 1:3

च स्योंए रेर रुँइँबै सिंधुँ धोंन् तम्। चइ रो रोल् त्हुबै त्हेर रो पिंम्, धै चए प्हो खोंयोंइ आङ्योंलों। चइ तो के ललेया छ्याँब तम्।

भजनमैं 104:16

लेबनान कोंर्बै देबदारुमैंलाइ याहवेहजी ल्हें क्यु पिंइमुँ, चमैं खीजी रुँइँबै सिंधुँमैं ग।

भजनमैं 148:9

क्लिंक्हाँ नेरो ताँन् कोंमैं, रो-रोबै सिंधुँमैं नेरो ताँन् थे-थेबै देवदारुमैं,

भजनमैं 37:34

याहवेहए घ्यार्न प्ररिद्, खीलाइन पैंरिद्। धै खीजी क्हेमैंलाइ चु ह्‍युलर्बै क्ल्हे तल् पिंब्मुँ; धै दुष्‍टमैं नास तब क्हिए मिइन म्रोंब्मुँ।

भजनमैं 52:8

दिलेया ङ बिस्याँ परमेश्‍वरए धिंर मुँबै पिंक्यो भ्योंबै जैतुनए धुँ धोंन् तइमुँ, तलेबिस्याँ परमेश्‍वरए खोंयोंइ आनुबै म्हाँयार ङइ भर थेंइमुँ।

भजनमैं 72:7

चए ग्याल्सर ठिक के लब्मैंल बिब् धों तरिगे, धै लयाँ मुँन् समा तोन्दोंरि सै छ्याँब तरिगे!

भजनमैं 92:7

दुष्‍ट म्हिमैं छि धोंले मौलिदिलेया धै आछ्याँबै के लब्मैंल बिब् धों मैंब् धों तलेया, चमैं युगुर्ले नास तयाब्मुँ।