भजनमैं 92:1 - परमेश्‍वरए ताँ तमु क्युइर

¹ ओ ताँन् भन्दा थेबै परमेश्‍वर, क्हिए मिंर क्वे प्रिंब नेरो याहवेहलाइ धन्यबाद पिंब बेल्‍ले छ्याँबै ताँ ग।

भजनमैं 92:1 ပူးပေါင်းရင်းမြစ်များ

भजनमैं 107:1

याहवेहलाइ धन्यबाद पिंन्, तलेबिस्याँ खी स्वाब मुँ, खीए म्हाँया खोंयोंन् बिलै तरिम्!

भजनमैं 107:15

याहवेहजी लबै खोंयोंइ आनुबै म्हाँयाए ल्हागिर नेरो म्हिमैंए फिर खीजी लबै औदिबै केमैंए ल्हागिर खीलाइ धन्यबाद पिंरिगे।

भजनमैं 107:8

याहवेहजी लबै खोंयोंइ आनुबै म्हाँयाए ल्हागिर नेरो म्हिमैंए फिर खीजी लबै औदिबै केमैंए ल्हागिर चमैंइ धन्यबाद पिंरिगे।

भजनमैं 135:3

याहवेह बेल्‍ले स्वाब मुँ, छतसि खीए मिं थेब लद्; खीजी म्हिमैंए फिर ल्हयो खम्, छतसि खीए मिंर क्वे प्रिंन्।

भजनमैं 147:1

हल्‍लेलूयाह! ङ्योए परमेश्‍वरए क्वे प्रिंब बेल्‍ले छ्याँब ताँ गो, खीए मिं थेब् लब कति सैं तोंबै ताँ मुँ।

भजनमैं 33:1

ओ ठिक के लब्मैं, सैं तोंदै याहवेहए मिंर भजन प्रिंन्! छ्याँबै सैं प्ह्‍याब्मैंइ खीए मिंर क्वे प्रिंब ङ्‍हेंम्।

भजनमैं 50:23

धन्यबादए ख्रो पिंबै म्हिइन ङए मिं थेब् लब्मुँ। धै ठिक घ्याँर प्रब्मैंलाइन ङइ जोगेमिंब्मुँ,” बिसि फरमेश्‍वरजी बिइमुँ।

भजनमैं 52:9

क्हिजी लमिंबै छ्याँबै केमैंए ल्हागिर ङ खोंयोंन् बिलै क्हिए मिंन् थेब् लब्मुँ। क्हिए मिं छ्याँब मुँ, छतसि ङइ क्हिए फिर्न भर लब्मुँ, क्हिजी बिब् ङिंब्मैंने बालुन् ङै या क्हिए मिं क्वेब्मुँ।

भजनमैं 54:6

ओ याहवेह, क्हिजी ङए ताँन् दुःखउँइँले खैलसे फ्रेमिंब्मुँ, धै ङए शत्तुरमैंए फिर ङ ट्होगों तब ङइ म्रोंब्मुँ।

भजनमैं 73:28

दिलेया परमेश्‍वरने चेंदो तरिब ङए ल्हागिर छ्याँब ग, याहवेह परमेश्‍वरए प्हलेर्न ङ ग्वार योंबर खइमुँ। छतसि क्हिए ताँन् केमैंए बयन ङइ लब्मुँ।

भजनमैं 82:6

“क्हेमैं देवतामैं ग!” बिसि ङइ बिल। “क्हेमैं ताँन् भन्दा थेबै परमेश्‍वरए च्हमैं ग,

भजनमैं 92:8

दिलेया ओ याहवेह, क्हि खोंयोंन् बिलै नुबै क्‍ल्‍ह्‍योर मुँ।

एफिसी 5:19

क्हेमैं खागु तमा घ्रिइ घ्रिने ताँ पोंमा भजन नेरो पबित्र प्ल्हजी पिंबै क्वेमैंउँइँले ताँ लद्; धै क्‍हेमैंए सैं न्होंउँइँले प्रभु येशूए मिं थेब् लबर भजन क्वेमैं प्रिंन्।

हिब्रू 13:15

छतसि येशूए मिंउँइँले परमेश्‍वरए सैं तोंबै ख्रो खोंयोंन् बिलै ङ्योइ पिंरिले। “येशू ङए प्रभु ग,” बिब्मैंइ परमेश्‍वरए छ्याँबै बयन लदै पोंस्याँ, चुन् ङ्योइ परमेश्‍वरए मिंर पिंबै ख्रो धों तब् ग। छले ङ्योइ येशू ख्रीष्‍टन् प्रभु ग बिबन् परमेश्‍वरए सैं तोंन् लबै ख्रो ग।

हिब्रू 4:9

छतसि परमेश्‍वरजी ङिरोर भों न्‍हब् धोंलेन् खीए म्‍हिमैंए ल्हागिर अझै या भों न्‍हबै क्ल्ह्‍यो मुँ।