भजनमैं 91:2 - परमेश्‍वरए ताँ तमु क्युइर

² याहवेहए बारेर ङ बिब्मुँ, “खी ङए ग्वार योंबै क्‍ल्‍ह्‍यो नेरो ङए किल्‍ला ग, खी ङए परमेश्‍वर ग, खीए फिर ङइ भर थेंम्।”

भजनमैं 91:2 ပူးပေါင်းရင်းမြစ်များ

उत्पत्ति 17:7

“क्हि नेरो क्हिए सन्तानए परमेश्‍वर तबर, धै क्हिए लिउँइँ खबै सन्तानमैंने ङए बाछा खोंयोंइ बिलै तरिबै ल्हागिर फैब्मुँ।

भजनमैं 14:6

क्हेमैं दुष्‍टमैंइ ङ्हाँदुमैंए चाँजोमैं फुवाम्, दिलेया चमैंइ ग्वार योंबै क्ल्ह्‍यो याहवेहन् ग!

भजनमैं 142:5

ओ याहवेह, ङ क्हिनेन् ग्वार ह्रिमुँ; “क्हि ङए ग्वार योंबै क्‍ल्‍ह्‍यो, नेरो सोगोंमैंए ह्‍युलर ङ‍ए चैदिबै सै क्हिन् ग!” बिसि ङइ बिमुँ।

भजनमैं 142:6

ङइ ग्वार ह्रिब थेमिंनु, तलेबिस्याँ ङ थेबै दुःखर फेइमुँ! ङलाइ ल्हाब्मैंउँइँले जोगेमिंनु, तलेबिस्याँ चमैं ङ भन्दा बेल्‍ले भोंब मुँ!

भजनमैं 18:2

याहवेह ङ लोबै पारा, ङए किल्‍ला नेरो ङ जोगेमिंबै ङए परमेश्‍वर ग। ङए परमेश्‍वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्‍योर खीजी थेंमिंइ।

भजनमैं 18:3

ङ याहवेहए मिं किंम्, खी मान लल् त्हुब मुँ, ङए शत्तुरमैंउँइँले खीजी ङ जोगेमिंब्मुँ।

भजनमैं 25:2

ओ ङए परमेश्‍वर, ङइ क्हिए फिर्न भर लइमुँ, ङलाइ फा पिन् आलमिंन्, ङए शत्तुरमैं ङए फिर ट्होगों तल् आपिंन्।

भजनमैं 31:15

ङए छ्ह क्हिए योर्न मुँ; ङए शत्तुरमैं नेरो ङलाइ ह्रुगुदिब्मैंए योउँइँले ङ जोगेमिंन्!

भजनमैं 43:4

ओ परमेश्‍वर, ङए परमेश्‍वर, छलस्याँ क्हिए मिंर ख्रो पिंबै क्ल्ह्‍योर ङ फेनेब्मुँ, धै ङए सैं तोंन् लबै परमेश्‍वरए मिंर ङइ बीणा ह्रादै क्हिए क्वे प्रिंब्मुँ।

भजनमैं 46:1

ङ्योए लोबै क्‍ल्‍ह्‍यो नेरो भों पिंब परमेश्‍वरन् ग, दुःख तमा युन्लेन् ङ्योलाइ ल्होमिंब खीन् ग।

भजनमैं 46:2

छतसि ह्‍युल लालेया, मा ङ्युँइर कोंमैं तेयालेया,

भजनमैं 48:14

छ लस्याँ “खोंयोंन् बिलै तरिबै ङ्योए परमेश्‍वर खीन् ग, धै खीजीन् ङ्योलाइ खोंयोंन् बिलै डोरेब्मुँ,” बिसि क्हेमैंइ लिउँइँबै पुस्ताने बिल् खाँब्मुँ।

भजनमैं 61:5

तलेबिस्याँ ओ परमेश्‍वर, क्हिने बालु ङइ फैबै भकलमैं क्हिजी थेइमुँ; क्हिलाइ मान लब्मैंइ योंल् त्हुबै सैमैं क्हिजी ङलाज्यै या पिंइमुँ।

भजनमैं 71:3

ङ क्हि ङाँर खरिमा ङए शत्तुरमैंइ ङ आस्यारिगे बिसि ङ रक्षा लमिंबै पारा तमिंन्। ङलाइ जोगेबर ल्हैदिद्, तलेबिस्याँ क्हि ङए ङ रक्षा लमिंबै पारा नेरो किल्‍ला ग।

भजनमैं 91:9

याहवेहने क्हि टिरिम्, ताँन् भन्दा थेबै परमेश्‍वर क्हिइ ग्वार योंबै क्‍ल्‍ह्‍यो तइमुँ।

हितोपदेश 18:10

याहवेहए मिं बेल्‍ले भोंबै धरर धों ग; छतसि ठिक के लब्मैं चर ह्‍यामा ग्वार योंम्।

लूका 20:38

याहवेह सियाबै म्‍हिमैंए परमेश्‍वर आङिं, सोगों तब्मैंए परमेश्‍वर ग, तलेबिस्याँ खीए ल्हागिर ताँन् म्हि सोगों मुँ।”

हिब्रू 11:16

बरु चमैंल झन् छ्याँबै ह्‍युल, अथवा स्‍वर्गर, ह्‍याबै सैं मुँल। छतसि परमेश्‍वर “चमैंए परमेश्‍वर ग” बिबर फा आपिल, तलेबिस्याँ खीजी चमैंए ल्हागिर सहर घ्रि तयार लथेंइमुँ।