भजनमैं 9:2 - परमेश्‍वरए ताँ तमु क्युइर

² ङ क्हिनेन् सैं तोंसि उफर्दिब्मुँ। ओ ताँन् भन्दा थेबै परमेश्‍वर, ङ क्हिए मिंर्न क्वे प्रिंब्मुँ।

भजनमैं 9:2 ပူးပေါင်းရင်းမြစ်များ

भजनमैं 138:1

ओ याहवेह, ङए सैं न्होंउँइँले क्हिलाइ धन्याबाद पिंम्, देवतामैंए ओंसों ङ क्हिलाइन थेब लम्।

भजनमैं 26:7

थेबै कै तेसि धन्यबादए क्वे प्रिंदै क्हिजी लबै औदिबै केमैंए बयन ङइ लप्रम्।

भजनमैं 27:6

झाइले ङए कारग्यु तखबै शत्तुरमैंए फिर खीजी ङए क्र कैंडो लमिंब्मुँ, छतसि खीए पबित्र तम्बुर ङ सैं तोंदै ओरादै ख्रो पिंखब्मुँ; धै भजन प्रिंदै याहवेहए मिं थेब् लब्मुँ।

भजनमैं 28:7

याहवेह ङए शक्‍ति नेरो ङए ढाल ग! ङइ खीनेन् सैं केइमुँ, धै खीजीन् ङ ल्होमिंबइले ङए सैं बेल्‍ले तोंइमुँ, धै ङ भजन प्रिंसि खीलाइ धन्यबाद पिंब्मुँ।

भजनमैं 43:4

ओ परमेश्‍वर, ङए परमेश्‍वर, छलस्याँ क्हिए मिंर ख्रो पिंबै क्ल्ह्‍योर ङ फेनेब्मुँ, धै ङए सैं तोंन् लबै परमेश्‍वरए मिंर ङइ बीणा ह्रादै क्हिए क्वे प्रिंब्मुँ।

भजनमैं 5:11

दिलेया क्हि ङाँइँले ग्वार योंब्मैं सैं तोंरिगे, धै चमैं खोंयोंइन सैं तोंदै क्वे प्रिंरिगे। धै क्हिए मिंलाइ म्हाँया लब्मैं क्हिनेन् सैं तोंरिगे बिसि चमैं जोगेमिंन्।

भजनमैं 7:17

याहवेहजी ठिक निसाफ लम्, छतसि ङ खीलाइ धन्यबाद पिंम्, धै ताँन् भन्दा थेबै याहवेहए मिंर ङ क्वे प्रिंब्मुँ।

भजनमैं 83:18

चमैं खोंयोंन् बिलै फापिल् त्हुरिगे, चमैं ङ्हिंरिगे, धै चमैं आब्रु ह्‍याल्‍ले सियारिगे।

भजनमैं 86:12

ओ याहवेह ङए परमेश्‍वर, ङए खों न्होंउँइँले ङ क्हिए मिं थेब् लब्मुँ, धै ङ खोंयोंन् बिलै क्हिए मिं क्वेब्मुँ।

भजनमैं 92:1

ओ ताँन् भन्दा थेबै परमेश्‍वर, क्हिए मिंर क्वे प्रिंब नेरो याहवेहलाइ धन्यबाद पिंब बेल्‍ले छ्याँबै ताँ ग।

भजनमैं 92:4

तलेबिस्याँ ओ याहवेह, क्हिजी ह्रोंसए केमैंउँइँले ङए सैं तोंल् लमिंइमुँ; क्हिए योजी लबै केमैं म्रोंसि ङ बेल्‍ले सैं तोंदै क्वे प्रिंम्।

भजनमैं 96:3

खी बेल्‍ले थेब मुँ बिसि अरू ह्रेंमैंए म्हाँजोर बिप्रद्, ताँन् म्हिमैंए म्हाँजोर खीजी लबै औदिबै केमैंए बयन लद्!

भजनमैं 97:12

ओ ठिक के लब्मैं, याहवेहने सैं तोंन्, धै खीए पबित्र मिंर धन्यबाद पिंन्!

भजनमैं 97:9

तलेबिस्याँ ओ याहवेह, ह्‍युलए फिर ताँन् भन्दा थेबै परमेश्‍वर क्हिन् म्रुँ ग; ताँन् देवतामैं भन्दा थेब क्हिन् मुँ।

फिलिप्पी 4:4

छतसि प्रभुर खोंयोंन् बिलै सैं तोंन्। ङ धबै बिमुँ, सैं तोंन्।