भजनमैं 9:16 - परमेश्‍वरए ताँ तमु क्युइर

¹⁶ याहवेहजी ठिक निसाफ लम् बिब ताँनइ सेइमुँ, दुष्‍टमैं बिस्याँ खेंमैंइ लबै केर खेंमैंन् फसेइमुँ। च्याँ तसि तिस्याँदे मैंन्

भजनमैं 9:16 ပူးပေါင်းရင်းမြစ်များ

भजनमैं 11:6

आछ्याँबै के लब्मैंए फिर खीजी मि नेरो बारुद प्रामिंब्मुँ, धै ट्हुबिन् लास्युवाबै लल खैंइ चमैं ख्रोंवाब्मुँ।

भजनमैं 140:9

ङलाइ घेर्दिब्मैंए क्रए फिर चमैंए सुँइ पोंबै आछ्याँबै ताँइन हुवारिगे!

भजनमैं 19:14

ओ याहवेह, ङ लोबै पारा नेरो ङलाइ खामिंबै परमेश्‍वर, ङए सुँउँइँले त्होंबै ताँफुँमैं नेरो ङए सैंर मैंबै ताँमैं क्हिए उँइँर छ्याँब तरिगे।

भजनमैं 48:11

सियोन कों सैं तोंम्! क्हिजी ठिक के लब् म्रोंसि यहूदा ह्‍युलर्बै म्हिमैं निस्योम्!

भजनमैं 5:1

ओ याहवेह, ङए ताँमैंर न्ह तोमिंन्; ङइ दुःख तबै सो हेंमा क्हिजी थेमिंन्।

भजनमैं 7:16

चमैंइ लबै आछ्याँबै केमैंए दण्ड चमैंए क्रर्न खम्, चमैंइ लबै दुष्‍ट केमैं चमैंए क्रर्न कुखम्।

भजनमैं 92:3

झाइले तार च्यु मुँबै सारङ्गी नेरो बीणा ह्रादै क्हिए मिं क्वेब बेल्‍ले छ्याँबै ताँ ग।

प्रस्थान 14:10

झाइले इस्राएलीमैंइ ङ्‍ह्‍योमा फारो नेरो मिश्रीमैं खेंमैंए लिलि खरिब् म्रोंसि चमैं बेल्‍ले ङ्हिंसि याहवेहने ग्वार ह्रिइ।

प्रस्थान 14:31

याहवेहजी मिश्रीमैंए फिर लमिंबै थेबै के इस्राएलीमैंइ म्रोंसि चमैंइ याहवेहने ङ्हिंइ, च त्हेसेरो चमैंइ याहवेह नेरो खीए केब्छैं मोशाए फिर बिश्‍वास लइ।

प्रस्थान 14:4

ङइ फारोए सैं सारो लमिंब्मुँ धै चइ इस्राएलीमैं ल्हाब्मुँ। दिलेया फारो नेरो चए ताँन् सिपाइमैंउँइँले ङए मिं थेब् तल् योंब्मुँ। छतमा मिश्रीमैंइ ‘ङन् याहवेह ग।’ बिसि सेब्मुँ।” याहवेहजी छले बिमा इस्राएलीमैंइ छान् लइ।

प्रस्थान 7:5

ङइ मिश्र ह्‍युलर ह्रोंसए यो क्वेसि चमैंए म्हाँजोउँइँले इस्राएलीमैं तेइ पखब्मुँ। छलमा मिश्रीमैंइ ङ याहवेह मुँन बिसि सेब्मुँ।”

हितोपदेश 12:13

ह्रोंसइ पोंबै आछ्याँबै ताँइ लमा दुष्‍ट म्हि ङोर फेम्, दिलेया ठिक के लबै म्हि बिस्याँ दुःखउँइँले जोगेम्।

हितोपदेश 6:2

ह्रोंसइ फैबै बाछाइ क्हि फस्दियास्याँ, धै ह्रोंसए सुँइ पोंबै ताँइ क्हि ङोर फेइमुँ बिस्याँ,