भजनमैं 9:15 - परमेश्‍वरए ताँ तमु क्युइर

¹⁵ अरू ह्रेंमैं ह्रोंसइ ताबै होंल्दोंर खेंमैंन् पायाइमुँ, चमैंइ लोसि चुबै ङोइ चमैं ह्रोंसन् स्याइमुँ।

भजनमैं 9:15 ပူးပေါင်းရင်းမြစ်များ

भजनमैं 107:22

चमैंइ धन्यबादए ख्रो पिंरिगे, धै सैं तोंबै क्वेमैं प्रिंदै खीजी लबै केमैंए बयन लरिगे।

भजनमैं 13:6

ङ याहवेहए क्‍वे प्रिंब्मुँ, तलेबिस्याँ खीजी ङए फिर ल्हयो खम्।

भजनमैं 20:6

याहवेहजी ह्रोंसजी त्हाँबै म्हिलाइ ल्होमिंमुँ। खीजी खीए पबित्र स्‍वर्गउँइँले ह्रोंसए क्योलो योर मुँबै जोगेमिंबै भोंउँइँले, ह्रोंसइ त्हाँबै म्हि जोगेमिंब्मुँ बिसि ङइ तोगो सेइमुँ।

भजनमैं 35:8

थाइ आसेल्‍ले चमैं नास तयारिगे! चमैंइ लोइ चुबै ङोर चमैंन् फेरिगे; चमैंइ ताबै होंर चमैंन् पयासि नास तयारिगे!

भजनमैं 35:9

ङ बिस्याँ याहवेहनेन् सैं तोंब्मुँ, छले खीजी ङलाइ जोगेमिंबइले ङए सैं बेल्‍ले तोंब्मुँ।

भजनमैं 37:15

दिलेया चमैंइ छेबै सेलाँइ चमैंए तिंन् म्‍लेवाब्मुँ, धै चमैंए त्हँले चोयाब्मुँ।

भजनमैं 57:6

ङए प्हले क्होसि क्हुरयारिगे बिसि शत्तुरमैंइ जाल तिइमुँ; शोकइ लमा ङए क्र कुरयाइमुँ। ङ प्रल् त्हुबै घ्याँजरे चमैंइ होंल्दों ताइमुँ, दिलेया चमैंइ ताबै होंल्दोंर खेंमैंन् पायाइमुँ। तिस्याँदे मैंन्

भजनमैं 94:23

चमैंइ लबै पाप खीजी चमैंए फिर्न कुमिंब्मुँ, धै दुष्‍ट केमैं लबइले चमैंलाइ नास लवाब्मुँ; ङ्योए याहवेह परमेश्‍वरजी चमैं नास लवाब्मुँ।

हितोपदेश 22:8

आछ्याँबै के लप्रबै म्हिए फिर दु:ख खम्; धै अरूलाइ दु:ख पिंप्रब चइ पियाब्मुँ।

हितोपदेश 5:22

ह्रोंसइ लबै आछ्याँबै केइन दुष्‍ट म्हि ङोर फेम्, धै ह्रोंसइ लबै आछ्याँबै केमैंन च पापर च्होवाम्।